عاتبوني ليه ما اكتب اسمك بأحرف قصيدي ؟ فجاوبيهم ياعرقه
عاتبوني هناك http://www.ergah.com/vb/showthread.php?t=2081 فأجبتهم هنا * * * * * عاتبوني !! ليه ما اكتب اسمك بأحرف قصيدي ؟ ليه حرفك ما اعزفه نغم بنشيدي ؟ ليه مانتي في قديمي .. وغايبه حتى بجديدي ؟ حاكموني وعاتبوني مادروا عنك وعني .. عن سبب حزني وهمي عن عشق يسكن خفوقي .. عن غلاك .. وزود شوقي وكيف انتي .. اغلى من دمي بعروقي .. اسمى من شعري وذوقي وبعد هذا .. ليه مدري ؟ عاتبوني !! مايقاس الحب بأحرف هالقصيد ولا يطرز هالغلا لعرقه نشيد ولو نشف حبك وعرقه .. ينشف الدم بوريد شككوا بحبي وحبك .. وعاتبوني وسلبوني بعض حقي .. مولدي .. ومحبتي ومن بعدها حاكموني ليه مدري !! جيت بعضي .. وجيت كلي جيت جدي .. وجيت هزلي كيف انسى الدار واهلي واكيف اعذر .. لو ابعلن فيك جهلي لا وربي .. لا وربي .. لا وربي ليت لو مره لو تجين وتنصفين وعن غلاك اللي سكني تخبرين كم رضعت بشوق حبك .. وبخفوقي كم اعزك يكفي ان ابوي .. وامي .. في ثراك بتحضنين حتى طفلي بشهره ألأول بحضنك .. مرقده لبنه وطين وبعد هذا .. ليه مدري؟ عاتبوني !!! يكفي انك تاج راسي .. من ثراك اصلي وساسي وخبري اللي كان ناسي عن حضوري بكل عيد .. اكتب العشق بقصيد واعرف اني ماوفيت .. ولو على الرمضى حفيت اجمع حروف القصايد .. وانضمك عقد وقلايد بأحلف اني ماوفيت .. وسامحيني لو خطيت واقسم انك في خفوقي .. ساكنه ومن فوق راسي وعاتبوني !! ليه ما اكتب اسمك بأحرف قصيدي ؟ ليه حرفك ما اعزفه نغم بنشيدي ؟ ليه مانتي في قديمي .. وغايبه حتى بجديدي ؟ جاوبيهم .. جاوبيهم .. جاوبيهم اي وربي جاوبيهم انك اكبر من حضوري .. وانك اسمى من شعوري وانك انتي تاج راسي .. شامخه والساس راسي واني عاجز ايه عاجز .. حتى لو في الشعر فائز ما قدرت اكتبك قصه .. ولا قدرت اصيغ فكره لأنك اسمى .. لأنك اكبر .. لأنك اغلى .. وفيك افخر * * * * * |
تجاهلت موضوع العتاب لتخرج لنا بهذه القصيدة الرائعة ، أجل لا تنسى أن لي فضل عليك أن جادت قريحتك بسببي
عتاب من محب لمحب . بارك الله فيك أخي أبى عبدالله . |
هلابك اخوي ابو عبدالإله
تسلم وبارك الله فيك ولم اتجاهل موضوعك مطلقا واتقبل عتابك بصدر رحب بس قلت يمكن انكم عجزتم عن غيرى .. وصارت الطقه براسي :) ولكن لطباعة ديواني ظروف لا يمكن طرحها هنا وهو صادر من 8 سنوات فلم اكن حينا قادرا على ان اكتب شي يليق ببلدتي الغاليه شاكر لك اهتمامك وحرصك اسعدني مرورك تقبل خالص التحية والتقدير |
صح لسانك
والله يعطيك الف عافيه |
اختي العزيزه .. عرقاويه وكلي فخر
هلابك والله يعطيك العافيه وصح الله لسانك اسعدني تواصلك تقبلي خالص التحية والتقدير |
دائما اقولها واكررها لك ياشاعرنا المبدع مهما كتبت من كلمات شكر وثناء امام قلم وحس ومشاعرك فلن اوفيك حقك.. فلك كل الشكر والاحترام |
صصصصصصصصصصصصصح لــــــــــــــــــــــسآنك
الله يع ـــــــطيك آلف عـــــآفيه :130: |
كفووووووووووووو ياسلمــــــــــــــان
|
اخي العزيز .. سفير عرقه
تسلم والله وهذا من ذوقك الف شكر لإطرائك العذب الجميل واتمنى ان اكون عند حسن الضن اسعدني تواصلك تقبل خالص التحيه |
كفو وصح لسانك الشجره الطيبه ماتثمر الا الثمر الطيب يابو عبدالله
|
الساعة الآن 07:49 AM. |
Powered by vBulletin® Version 3.8.1
Copyright ©2000 - 2024, Jelsoft Enterprises Ltd diamond