منتديات عرقة - أمي تخيرني بـ بنت القرايب

حطيت من فوق العمر لك نصايب
// وحطيت لك قانون ما فيه مسموح

جـنت بي واليوم جـــــتك النشايب
// يوم ٍ خذيت القلب عن كل ممـلـوح

عطني حياتي دون كره وطـــلايب
// شفني قسم بالله بيــديــك مــذبــوح

حبيت غيري ليه / هات السبايب
// ولا بلاش من السبب اكتم الـبوح

خليتني بعيونك الـدعج عــــايب
// وانا ما بين الناس بالذكر ممـدوح

(وامي) اتخيرني فـ بنت القرايب
// تبي تشوف اللي لها لــــــذة الروح

عطني حياتي بس واخذ الحبايب
// وذا قســـم بالله أنــــــي أبــــ اروح

ابرتحــــل واشد عنك الركـــايب
// وأقول حظي معك بالعـون مطروح