|
مشكلتي الحساسيه الزايدة
السلام عليكم ورحمه الله وبركاته
مشكلتي الحساسيه الزايدة بشكل عام واي شيْ ممكن يأثر فيني لدرجه كبيره حتى لو كان تافه حاولت اتخلص من هالحساسيه الزايدة ماقدرت الشيء الوحيد اللي قدرت اكون قويه فيه اني صرت ماابكي عند الناس لكن مجرد مااركب السياره او اجي بيتنا تنهمر دموعي هل يمكن ان اتخلص من هالحساسيه ؟ |
ياليت في مثل المشاكل الشخصيه ذكر متى بدأت
يعني هل تعاني منها من كم سنه او حديثه عليك ومن متى بدات مثال : بدأت مشكلتي بعد وفاة شخص عزيز او بعد طلاق او بعد رسوب او اي شي ما فتاريخ المشكله مهم ويمكن يساعدني كثير لحل مشكلتك والحمدلله انك انتي قويه وامام الناس ما تبكين وهذا شي ايجابي وبالنسبه اذا قربت تنهمر دموعك غيري تفكيرك حاولي تفكرين بشي ثاني عدي كم لمبه بالشارع او اشغلي نفسك عن الموضوع الي حس في نفسك وبالنسبه لأي لوم يلقى لك فأعلمي ان الوم ليس لك انما على الفعل الذي حصل منك وتأكدي انه لايوجد انسان كامل ونصيحه قوي ايمانك بالله تقوى شخصيتك |
إذا تسمحون بس بوجهة نظر مجرد رأي ومشاركه ..
الدموع ماهي عيب حتى نظن انها ضعف ..! ما فيها شي لو عبرت عن مشاعري وبكيت , سواء قدام الناس او من وراهم ؟! طيب والناس شافو دمعتي , صح ممكن يتساهلونها وممكن ألاحظ نظرات الشفقه بعيون الناس علي لكن صراحه أنا انسانه متى ما حسيت ان العبره خانقتني بكيت وما يهمني من قدامي المهم اني أظهر مشاعري وما أكبتها (= ولكل مقام مقال ^^ .. هذا بخصوص الصياح , أما بخصوص الحساسيه الزايده ..! صراحه الانسان اللي يعيش بهالزمن لازم يكون شوي قوي شوي جامد وواقعي , يقرأ كثير يحتك بالناس , ولازم ما ينسحب من المشكله بهدوء واستسلام , لأن هذا الشي يزيد الحساسيه الاجتماعيه .. حاول تخالط الناس وتفهمهم , تتعامل مع عدة فئات , وتواجه المشكله , منها تكسب خبره ومنها قوة , مافيه مانع لو ابكي لو أزعل لو يضيق صدري شوي لكن أهم نقطه في التخلص من الحساسيه هي المواجهه وعدم الهروب , معليه أبكي بس ما اهرب واحاول اختفي حتى أختلي بنفسي وأبكي ومحد يشوف دمعتي ..! لا ابكي واجه دافع اللي قدامك بشر وكلنا معرضين للخطأ (= هذي وجهة نظر من تجربه شخصيه رغم قلة الخبره , وانا مو معصومه من الخطأ ^^" . حبيت أشارككم لأني أحب هالنوع من المواضيع ^^" |
بارك الله فيك اختي ام سعيد
وممكن تكون مشكله واحده ولها الف حل وحل لأن هذي مشاكل انسانيه وليست كيميائيه وفيه المشاكل الانسانيه تختلف من شخص لأخر الحل ممكن يكون 1 + 1 = 2 وممكن يكون 1 + 1= 1 وممكن 1+1=0 اما في الرياضيات مثلاً تكون 1+1=2 دائماً فأنا انصح صاحبةالمشكله ان تجرب جميع الحلول الا ان تصل للحل المناسب الي يتناسب مع مشكلتها وحياك الله دائماً يا اختي ام سعيد فوجودك في مواضيع القسم دعم لنا |
مشكلتي2
ياليت في مثل المشاكل الشخصيه ذكر متى بدأت
يعني هل تعاني منها من كم سنه او حديثه عليك ومن متى بدات مثال : بدأت مشكلتي بعد وفاة شخص عزيز او بعد طلاق او بعد رسوب او اي شي ما مااتذكر اتوقع انكم فهمتوا غلط الحساسيه مب من اللوم الخ يمكن عشاني ماوضحت لكم على سبيل المثال مشكله لصديقتي , مااسمعه بالاخبار , قضيه معينه مثل حميدان التركي ,مناظر القتلى اتأثر بالموضوع بقوه وممكن ماانام ومااحب ابين للشخص اللي قدامي اني متأثره او ابكي عنده احب اسانده حتى لوكنت منهاره من الاعماق مب شرط شيء خاص فيني بشكل عام حساسه لكن لااظهرها للناس ولايعرف ذلك الا اقرب الناس وحتى لوكان الشيء شخصي مااحب ابينه للناس ابداًهل هذا بحد ذاته مشكله او لا؟ مثال ..شخص تكررت مضايقته لي اضحك في وجهه ؟ يعني ماهميتني ؟ حتى لو كنت متأثره من الداخل ؟ واذا كنت متضايقه من شي مااحب اهلي يشوفني كذا احاول اتماسك قدامهم الخ |
اقتباس:
اولاً اقصد بكلامي ودي اعرف التاريخ المرضي اي متى بدأت المشكله اي قبل كم سنه وبعد اي حادثه ومو لازم كل المشاكل يعرف الواحد متى بدأت ولكن اغلب المشاكل حلها في معرفة بدايتها وبالنسبه لكلامنا عن الحساسيه فنحن مالنا الا الي مكتوب امامنا وتوقعت انها حساسية لوم لأنها هي المنتشره وما كنت اتوقع انها حساسيه من مشاهدة تلفزون وغيره وأكد على كلامك قضيه تهم امر المسلمين يجب علينا الحزن عليها فكم وكم مره حزنا على منظر ما نبي نشوفه لأخواننا المسلمين ولكن لاتصل لدرجة الدموع قال تعالى (وابيضت عيناه من الحزن فهو كظيم) وتأكدي ان كثير يشعر مثل شعورك لما يشوف مثل هذي الاحداث وياليت تعودين نفسك على الدعاء لمن هو محتاج والدعاء على من ظلمك ولكن كونك تغبينها عن اهلك مايصير يجب عليك انك تقولين لأمك او ابوك او اخت او اخوك وتتكلمين وتقولين خلنا ندعي لفلان او ندعي لدوله الفلانيه خذ هذا تبرع ارسله لهم ...الخ وبصراحه انا الومك على انك تقولين ما انام الليل جميعنا يحمل هم المسلمين ويتضرع لهم بالدعاء ولكن لاتصل الا درجة عدم النوم فهذا سيضرك حتما ويمكن تصابين في انفصام بالشخصيه بسبب هذي الهموم وكبتك لها داخل قلبك فنصيحه ابحثي عن احد من اهلك لكي تتبادلي الحديث معه سواً الموضوع عام او خاص مثلاً مثالك الي ذكرتيه ان وحده ماتهمك وسويتي انك مطنشتها وضحكتي في وجهها ( وهذي الحركه تقهر الشخص الي مضايقك ) بس يجب اذا رجعتي للبيت تقصين هذي القصه على والدتك او اختك وتقولين صار كذا وكذا وانا طنشتها وضحكت بوجهها وقهرتها وحاولي انك ماتذكرين اسماء عشان مايصير فيها نوع من الغيبه والنميمه سبحان الله مجرد انك ذكرتي القصه تعتبر ترويح لك وراحه وجربي وعلميني وش صار معك اسأل الله ان ينصر الاسلام والمسلمين وينصرنا على كل الظالمين |
| الساعة الآن 09:15 AM. |
Powered by vBulletin® Version 3.8.1
Copyright ©2000 - 2024, Jelsoft Enterprises Ltd diamond