مصطلحات تعلمتها في عرقة.
 

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين


مالقيت موضوع قلت ادردش معكم شوي .....


ياله نبداء ...
1- هل تعلم ماهو الدمبر ( مادري هل اقول مثل الحراثه بس لها صندوق في الامام ويستخدم لجمع النفايات من داخل الحارات وذلك لصغر حجمه وصوته مزعج يقومك من النوم ) .

2- كلمة نتسفر ( هذي تعتبر في الوقت الحالي طلعت بر مكشات وكلن يجيب من بيتهم غرض لطبخ واهم شي الي يجيب مفك الصلصه طبعا مانروح بعيد طرف نخل جبل قريب غار ) .

3- المصاقيل ( لعبه حلوه كان شوارع عرقة كلها حفر من كثر الي يلعبون واشهر واحد كان .. محمد المعيلي ..حمودي ... الله يرحمه يكسر مصاقيلنا نخاف نلعب معه الله يرحمه ويجمعنا به في الجنة ).

4- الكيرم ( متعة رمضان تحت المباة الي في الشوارع ماتسمع الا صوت الضواطير يعني البرصي ) .

5- الطجمه ( مجموعة قواطي تقريبا 3 قواطي ببس تصف فوق بعض ومجموعتين الي يطيح القواطي ويعود يركبها طبعا عقب الملاحق وازعاج الشيبان باصيح ) .

6- الخطة ( داري لعبة بنات لكن مايمنع لاخذية معهم شوط ) .

7- الدبق ( لعبة بنات تشوف البنيات يلقطون .. بكله ..خرز .. ) .

8- القدر فوق الراس ( شي عجيب تشوف الحريم يسيرون وعلى روسهم قدر فيه القهوه والشاهي وما يطيح ) .

9- الديرمه ( افضل بودره ماركت سوق الكباري ) .


وللحديث بقيه .. واذا فيه اضافات لايمنع

معليش الي يصحح الاملاء راقد

أعترف أني أسوء من يلعب مصاقيل

دامك تكتب عامي ما عليك من الإملاء وخلها تنام براحتها

الكيرم .... ايام لاتنسى، لي مع حروف هذه الكلمة وقفه تفكر( اذا كان المقصود بها اللعبه )
استرجعنا طفولتنا ياراحل شكراً لك واتمنى ان تواصل طرحك
لاعدمنا جديدكم

اللي يصحح الإملاء راقد هههههههههه

ما يهم الإملاء المهم أن المعلومة توصل :) بس خل عنك الطجمة يا ويلي ويلاه ما أمل منها أبد.

ومثل ما قال بن مرشد يعني لازم تصيّحنا.

6- الخطة ( داري لعبة بنات لكن مايمنع لاخذية معهم شوط ) .

حتى الأولاد كانوا يعلبونها، اتذكر حنا نلعبها وهم جنبنا بعد يلعبونها :)

اشكر كل من تفاعل وكل من زائر ... وتمنيت ان ارى ابويزيد بمشاركاته

لا مسميه , ماضي وحاضر :)

الله يعطيك العوافي , :152: