مرثيه ،،، تجسد وفاء رجل
 

كتبت هذه المرثيه في احد رعاة الاغنام من الجنسيه السودانيه حيث كان يعمل عند شاعرنا

وتوفي الله يرحمه عند الحلال ( الاغنام ) فكتب معزبه ( راعي الحلال ) هذهرالابيات والتي

يرثي فيها صاحبه ،،


بخيت يا بخيت

مرحوم يا اللي مات عصر رمضاني = في عـصر ســابع يوم جته المـنية
جاني خــبر مــوته وهـمي طــــواني = وهلت دموعي عقب كانت عصية
جـيت المــراح وكل ما به دعــــاني = بخـيت ويــنه ؟؟ ما له اليوم جيه ؟
جــاوبتــنا ودمـــوع عيــني مــــثاني =عـســاه فــي الجـــنة وداره علـــية
ومن عقبها شفت الحزن في المـكاني =وشفت الغنــم تبكي وشفت المطـية
مــــوتك يا ابو مـاحي بقلـبي كــواني = وخلى دمــــوع العـين عقبك همية
شـــافوك راعــي بس انا شي ثــــاني = شفـــتك خــوي ما يبــــور بخوية
يا بخيت حن القلــب وسط المحـــاني = الله يجـــازي مـــن بيـشـره علـية
يــا والله اللــي راح ذرب اليمـــــاني = راعــي العــلوم الطـــيبات الزكية
ما عــاد لي رغـــبة حــلال ومقـاني = من عـــقب راح بخـيت روح وليه
عســاه في الجـــنات خــالــد وهـاني = عـــند الولي يحـيا حـــياة هـــــنية
ياالله دخليك من صـــــدوف الزماني = والنفـــس بالمكــتوب ياالله رضية

صالح بن فهيد السهلي

قصيدة وفاء لرجل وافى , رحم الله بخيت .

شلونك راحل

رحم الله بيخت الذي أكرمه الله بالموت وهو صائم

قمة الوفاء يندر أن تجد مثله ، بارك الله في الكفيل والمكفول

اللهم آمين


ابشرك بخير يالغالي

نعم انها من مواقف الشهامه التي مازالت ولان تنقطع بأذن الله

آمين ،،،،

آمين

مرحباً اباعبدالاله

ونعم المعزب ..نماذج نفتقرها في وقتنا هذا ..حياك الله حبيبنا راحل دمت بخير

صدقت يالغالي ،،،، وانت بخير