كي نجعل المنتدى متقدما نحو الافضل..!!
 

بسم الله الرحمن الرحيم

كي نجعل المنتدى متقدما نحو الافضل!!

اتمنــى من الجميـع مايمرون عليـه مرور الـكرام بل يقرونـه وان شـاءالله ينفذونه،، ^__^ طبعاا هذي كله للمنتـدى ولرقيـــه،

المنتدى هو بيتك الثاني وفية اصدقائك واخوانك يشاركون معك في المعرفةوفي المزح ويزعلون لزعلك ويفرحون لفرحك

وفي هذاالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ

فكيفك نجعل منتدانا هو الأفضل ؟؟

الحل بسيط


* اولاً : (( تشجيع الأعضاء الجدد ))


هذي هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد

علية الكل ،، وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب

رائعين في الأدب والشعر وكتاب متميزين في الصرقعه أو في أي مجالات آخرى


* ثانياً : (( قبل أن تكتب أي موضوع في أي قسم معين يجب أن ترد على موضوعين اوثلاث او اكثر ))

وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد

على موضوعه ويحثه على الأبداع أكثر فاكثر وأنت أذا رديت على موضيعهم الكل بيرد على موضوعك إذا كان يستحق .


* ثالثاً : (( تشجيع المواضيع التي يكتبها اصحابها ))

أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد

الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره

في كل المنتديات ،، أكتب فكره أو معلومه أو انقل من كتاب او مجلة مايستحق النشر


رابعاً : (( الكلمة السحرية ))


وهي أن تكتب كلمة ( شكرا على هذا الموضوع ) كلمات قليله مراح تتعبك او تنقص من

قدرك او كبريئك المزيف ،، كثير مانشوف مواضع عدد قرائها فوق السبعين او الثمانين

ومن هولاء فقد يرد على صاحب الموضوع واحد او ثنين وأكثر الأحيان تجد الموضوع
خالي من أي رد ..!!

يعني أنت تبي الكل يرد على موضوعك وأنت ماتكلف على عمرك وتجامل صاحب

الموضوع .. طيب ليش تشارك وتتعب عمرك


خامساً : (( محاربة الشليلة ))

وهذا أكبر خطر يهدد أي منتدى وكثير من المنتديات هرب منها اعضائه لهذا اسبب ،،

وشليلة هي أن يتفق الأعضاء ويقولون ( احنا والله شله ارتحنا لبعض ومانبي احد جديد ،،

والاتفاق هو ترد على موضوعي ارد على موضوعك ) ويروح فيها الضعيف

( العضو الجديد ) مايعطونه وجه لين يمل وينسحب

من المنتدى ،، لا ومن زين الطبايع بعدها بفتره يقلبون على بعض ويصير كل واحد يكتب

موضوع ولا يرد على الثاني ،، وخلاص انتهاء المنتدى وصار ممل والاصرف انه يتقفل.


سادساً : (( التواصل بين الأعضاء ))

التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض

او مسافر حتى أهلك مادروا عنك ،، وتجي للمنتدى ولكل مشتاقين لك ويسألون عنك ،، أكيد بتشقق من الفرحه ومحد قدك )


سابعاً: (( التقليل من المشاكل ))

يعني ثنين تهاوشوا وعفسو المنتدى ونقسم المنتدى الى حزبين وكل واحد معصب وهو

الصح والثانى خطاء ياخي بينك وبين اي عضو مشكله او رده ماعجبك او لك ملاحظة ،، ارسله على الخاص وتفاهم أنت وياه بدون ما ياخذون بالهم الاعضاء ويسمى العضو ابو المشاكل


ثامناً : (( خليك راقي ))

يجي عضو ويتعب ويكتب موضوع جاد ومهم ويتوقع ان بيرد علية ويناقشة الكل وبعدين

يجى عضو ويرد رد سيء،، الموضوع في شمال وهو يرد بالجنوب ،، ويخرب الموضوع او
يقلبه تشات
( المواضيع الجاده والمهمه تحتاج الى رد جاد وبعكسها المواضيع الساخره او المصرقعه يرد عليها برد ساخر او مهبول )


*وكلمة وأخيراً *

المنتدى ليس بعدد اعضائه ،، بل بترابط اعضائه كلأسرة الواحده وكما قال رسول الله عليه افضل الصلاة وسلام

(( مثل المؤمنين في توادهم وتراحمهم وتعاطفهم كمثل الجسد الواحد إذا اشتكى منه عضو تداعى له سائر الجسد بالحمى والسهر ))

وقولة عليه السلام (( المؤمن للمؤمن كالبنيان يشد بعضه بعضاً وشبك بين أصابعه))



تمنياتي للجميع بالتوفيق والنجاح ان شاء الله ....

وشكراً...

اختكم ** عرقاويه وكلي فخر**:)

((( مشــــــــــــــــــكورين اخوني على مروركـــم الرائـــع )))

نقاط هامة ويجب الأخذ بها.

نشكرك.

مشكور اخوي ملح حالي على مرورك