سجاره دمرت عمري ملت ليلي بكى وأحزان
سجاره احرقت قلبي و زادت حيل وناته

تجرّع سمّها واحنا تجرعنا الهموم ألوان
بكينا بكل ما فينا وعايشنا معاناته

تمر شهور يتألم يذوق الهم والأحزان
يصارع جيش آلامه كبيره حييييل مأساته

توفى بعد ماعانى وقلبه نادم(ن) شفقان
توفى وانطفت شمعة وذاب العمر بسكاته

فقدنا الغالي الوافي فقدنا أقرب الخلان
فقدنا صوته الدافي فقدنا حلو ضحكاته

فقدنا الحب والفرحه فقدنا الجود والإحسان
فقدنا روحه السمحه فقدنا الطيب في ذاته

وجانا العيد متلحف سواد (ن) ممتلي أحزان
تحاصرنا طواري الموت ممزوجه بعبراته

بكى ذاك الصغير اللي يناظر في البشر حيران
يدور صدره الحاني كسيره حيل نظراته

عروس(ن) لابسه الطرحه بكاها حطم الجدران
تنادي وينه الغالي قتل فرحة بنياته

تون أمه وتتحسر ياليت اللي جرى ماكان
ياليته ماتجرعها ولا قربت من شفاته

و ابوه يكابر وصابر ودمعه غرّق الأوجان
يحاول يكتم احزانه يحاول يخفي دمعاته

رفعنا كفوفنا ندعي ألا يارب يارحمن
تكفّر كلّ زلاّته و تعفو عن خطيّاته

و تشفي كل متعاطي سجاره ينفث الدخان
و ترحم حال أحبابه إذا قاسوا معاناته

سجاره من تجرعها مصيره الهم والأحزان
تجرع سمها واهله يذوقوا مر مأساته

http://www.ergah.com/vb/imgupload/up...4604ebb80eepng

اللهم اغفر لهم وارحمهم ولكل موتى المسلمين
وأهدي من يتعاطى هذ1 السم القاتل
إنك على كل شيءٍ قدير

منــقول!