يهــل دمعـــي كل ما حل طاريك ..........وتخنقنـي العبرة ليا من ذكرتك

جزل القصايد ما تسـاوي غناويك ..........وعذب السوالف حلوها من عرفتك

أحــلـى شهـد ذقته وأنا حالم فيك ..........ولا من قضى حلمي رجعت وحلمتك

ربي وهـبك الزين ســبحان باريك ..........وبأسباب طيبك لي ترى ما هجرتك

أثر النــجوم تســير خلفك تباريك ..........وأنت القـمر من بينـهم ما جهلتك

ما أقدر أكابر في غيابك وأجافيك ..........وتحرقني شـفاهك ولو ما نظرتك

لا غــبت عنــي أتــحرى خطاويك ..........وآاصيح باعلى الصوت والله فقدتك

واليا تأخـرتي علي في مسـاريك ..........جبت الصور جنبي وقمت ورسمتك

لو طـــالت الغيـبة فلانيب ناسيك ..........طيـفك يلازمـني وأنا إللي حفظتك

لا ترخصـي بالهجر أكدت شاريك.........وأخشـى عليك من الزمـن لو تركتك