رائعه من النوادر في الشعر الحقيقي ]
ناصر الم ـطيري ~/
بـاب المشاعـر ذكرياتـك تسـده
كن الزمن وقف ورى صكة الباب
ومـع كـل شبـاكٍ حنينـك تمـده
تصافحت منه الزوايـا بالاعجـاب
تقفي وعمري فـي يدينـك تعـده
واقبل مثل حسبة عمر ماله احساب
احيان نجهل والسبـب مـن نـوده
واحيان ندري والعذر ماله اسبـاب
مالله جمـع ودٍ علـى غـيـر وده
الطبع يغلب لكـن الولـف غـلاب
دمعٍ بكانـي وسـط قلبـي مـرده
وجهٍ ضحك لي ماترك غير الانياب
منه اخذ احساسـي واعـوّد وارده
ماقلت وش ودى ولاقلت وش جاب
القلـب لـو انـه لغيـرك بحـده
ماتل غير الجرح من كف مخـلاب
والصوت نبـرات الليالـي تشـده
ارخي سدوله للسهر قلب واحباب
كلٍ على طوله لبـس جـرح قـده
وانا تلّبست الزمن جـرح واثيـاب
سامحونا على التقصير ...]