لم اكن احب ان ادون الخواطر ولا الشعر ايضا مجرد قارئه فقط
لكن بعد موقف صار لي مع احد الصديقات وانتهى بانتهاء علاقتنا
اصبحت حياتي تدوين ..
دونتها منذ زمن وهذه من البدايات ومن مذكراتي اللا عزيزات
دونتها وانا بالصفوف الثانويه ولم اقيدها بعام ..
الرحيل المر
لمحني من هو على قلبي يمون
مختلي وحيل حزين ووحداني
سألني متكدر والقلب محزون !!
ماهي عوايدك لاانت شخص ثاني
يالله وش صار بالقلب الحنون
يالله متى ترجع الاماني اماني
ارجوك انسى الهم وضمني بجنون
ارجوك ابتسم اضحك عشاني
ارسلت له نظرتي واطبقت الجفون
وابحرت بعالمي الخاص لثواني
وقمت اتدارك دمعتي بين العيون
واحاول اخفي شي بين المحاااني
قمت اتكلم عن وفاء اللي يخلصون
وقامت الكلمات تتسابق بلساني
وفيت وقليل بها الزمن اللي يوفون
واخلصت وتفانيت والزمن فاني
اه يازمن ارهقتني بكثره الطعون
كم كنت كريم معي يازماني
اهديتك ورد وقلب ودمعة عيون
واهديتني جروحك وضميتها لاحضاني
اتحرى مقدمك مثل مقدم المزون
واتشوق لهطولك بقلب حاني
من ذاق مرارة صاحب يخون
يلقاك بوجه ووراك وجه ثاني
ويجيك ويضمك لصدره الميمون
ويلعب دور البراءة بتفاني
ويبتسم ويخفي الخافي المكنون
ويقول ارجوك تبسم عشااااني
عرفت ليه ياصاحبي انا محزون
وليه انا الحين كثير اعاني
واذا على طلبك حاضر وميمون
باابتسم وافرح واردد اغاني
لاني بعتبر جرحك لي ديون
وبسدد ديونك يالصاحب الاناني
ابرحل بعيد ويكون اللي يكون
لانك بصراحة ماتستاهل حناني
ابعد عن دروبي حيل مهيون
قوم عني دور لك صاحب ثاني