[صمت عرقه]

أوراق ليل وحنين وذكريات وتعب

........ واشعار ـ انا في الحقيقه ـ مالي ومـالها


كتبتها.. واجمل اللي قبل اقول انشطب

........ من خوف لـ احدٍ يعرَف اللي على بالها


تضجّ فيني كما دمعه تدوّر سبب

........ عشان تنزل ولكن .. ماتهيّـا لها


ليت الذي قال : ياشاعر زمانك ! .. كذَب

........ ياااا عمْـر الاوراق ! دام انـّه كذا حـالها


ياطفلي الضايع المسجون بين الكتب

........ إقرى .. وعِـدْ بالحنين وجِـبْ معك شالها


كل الحكايات ماعادت تثير الشغب

........ وابوابها في يدي .. سِـرّ اكثر اقفالها


احتاااااج للصبح.. يفتح لي الدرايش .. واحب

........ واحبْ حد السمـا .. حد آتسامى لها


في قلب طفل ٍ شقي ٍ في طفولة هدب

........ من ويـــــن ماهبّت النسمات غنـّـى لها


وان مرّ باله سوالف عطرها وانسكب ..

..... قال : ......... ( وبقت كلمة ٍ للحين ماقالها ) !


واصعب من البوح .. صمت ٍ يمطرك بالعتب

........ لاجـا على كل مهرة شعـر .. خيّـالها


والاصعب .. ان قالت اميْ : فلان راح وخطب

........ والروح.. مابين آلامي .. وآمـالـها !!


ياميمتي.. والمدى لاضاق وين الهرب ؟!

........ ماغير خليني اكتب لك واقرى لها


لعيونها والله اني مانويت انكتب

........ لكنّ شي .. يراودني ويحلا لها


أحبها وآآآآآه ..ليته بيننا من نسب ..

........ واكون طفل ٍ لها .. وآكون ابوْ عيالها !






للشاعر : عاطف الحربي