لاتكلمني قبل تنفض غبارك
ثم توفي للوصل أيام دينك !!
كم سهرت الليل متحري نهارك
كل طلت صبح أحسبها جبينك
كل يوم أجي أسّير على جارك
ولا كتب ربي لقا بيني وبينك !!
وأنت تدري راحة القلب بـ جوارك
يوم ماحدك ولا هزك حنينك
ما أبي تتعذر وخل أعتذارك
بس أبي ماتغيب يرحم والدينك
حتى لو البعد ماهو بـ أختيارك
قلي ضروفك وأقول الله يعينك
لاتضيعني بـ لحظات انجبارك
دامني ضيعت هـ العالم لـ عينك
زين شاورني قبل تاخذ قرارك
لاتخليني كذا الله لا يهينك !!
لك شهر وشوي مدري وين دارك
يا أخي أتعبني غيابك أنت وينك !!
أنا وأشواقي وقلبي وأنتظارك
فاقدينك .. فاقدينك .. فاقدينك
لشــاعر احمد المجاحمه