.
بسم الله الرحمن الرحيم ..
السلام عليكم ورحمة الله وبركاته ..
المهم , مبطيتن عنكم , تسيف الحال ؟
شسمه لا إله إلا الله , أمس كان مره وناسي وقبل أمس بعد بس موش هذي سالفتي اللي بأقوله (=
جايه بقوله عن شي شفتوه بعيني محد قالي 
يوم السبت الموافق ( ... / 6 / 1431 هـ ) , طلعنا مع جامعتي الحبيبه رحلة , وأي رحلة كانت ><"
الرحله المصيريه , الرحله الحصريه , الرحله القهريه <- أسمع بالتشويق .. 
تجيكم السالفه لا تستعجلون <- لا يكثر وكملي ><"
المهم رحنا لم " جامعة الأمير سلطان الأهليه " ..
أول مره أحس اني أتكلم عن جامعه بكل ما تعنيه الكلمة من معنى ><"
تخيلو أنتم بس أن عندهم ملعب سله لا و مدرجات تسجيع ..! 
لحظه جايتكم بالحديث من أول الرحله لآخره ..
أول ماوصلنا بوابة الباصات كانت الساعه 9 ونص بالضبط وأنا يابعدي على نياتي جايتن ألهث من حر الشمس ومعي أميهتي وعباتي وشنطتي وأدور أحد أسأله مالقيت , وحده الله يجزاها بالجنه جت لمي وقالت أنتي مع الرحله حق الأمير سلطان قلت له : هااا ايه ايه قالت بسرعه روحي وقعي وجيبي بطاقتس الجامعيه ..!
قلت طيب وأروح أدخل للمكتب وأبي أوقع قالت لي المشرفه : لحظه لحظه وين ؟
قلت له : شسمو ذأ بوقع عشان الرحله المهم قعدت تدور ورقتي وتطابق الاسم مع البطاقه الجامعيه وذأ يوم خلصنا الإجراءات ( مطار معد صارت ) المهم ونقظي ونلبس ونتوكل ننطلق بالباص الأزرق 
ونمشي ..
المهم نلعب باللعبه ذي بالباص <- ياقليبي حنا مصدقين أعمارنا انه رحله ماناقصنا الا جبنة ريقالبيكو ><"
.
.
( التصوير من جوالي لكن كنا نعاني من زلازل في الباص تصل الى 5 درجات بمقياس ريختر )
وسوالف ولعب وذأ ومضى الوقت سريعا وممتعا (=
الساعه 10 ونص بالضبط وصلنا , جامعة الأمير سلطان الأهليه اللي ما نعرف عنه شي الا اسمه وشعاره من الدعايه على قولة شسمه 
المهم وننزل ..
مالحقت أصور الواجهه من الهداره ><" , والمشرفه بعد كانت تهوش خفت تكمخن فقلت مالو داعي الإحراج 
بس لحقت على الصوره مع جنب وشسمو ذأ وصورته من شباك الباص
إليكم ـ ...
.
.
.
كان ودي اني مصوره المباني وكل شي , بس لأسباب ستعرفونها لاحقا ً ما صورته ><"
نكمل ,
تجمعنا عند البوابه ودخلنا ..
كان في استقبالنا وفد مكون من 3 شخصات , بعدين اكتشفنا انهن طالبات
<- طالبات جامعتنا لو تقولين له اطلعي بدور صامت قالت اثتحي وهـ بس يانااااااث ><"
المهم ما شاء الله تبارك الله قمة الأخلاق والثقل والثقافه سواء انجليزيه أو عربيه جدا رائعات بحق , مثلو جامعتهم خير تمثيل وماشاء الله كانو جدا جريئات ومتحمسات الله يرزقنا بث
فاصل ونواصل , إن شاء الله ..
لا تبعدون , راجعه وبكمل (=