[أم سعيد]

.

خلاص عاد هالمبنى قصيره سالفته , وباقي المبنى الأخير ونخلص وتفتكون مني (= ..

اول شي اول ما طلعنا من المبنى الاول شفنا برج طويييييييييييل وماقالو لنا وشو ذأ بس تساءلنا وبدت الاجابات تتقاذف , مالو وظيفه , ديكور , ما أدري إلى أن جت إجابتي وألجمت الجميع ,..!

يمكنو مئذنه , سكتو البنات وكملو طريقهم محد علق ما ادري ليش مع اللي قلته فكرة معقوله
المهم كملنا المسير ورحنا لم المبنى الثاني في الطريق شفنا فيه حضانة أطفال , وهـ بث وش ملحهم وقعدنا شوي نستبثر عليهم حاطين لهم مسبح بوه رمل ويحسون انهم بالشاطئ
المهم رحنا للمبنى الثاني اللي كان أصغر من اللي قبله مع انو لاصق فيه , المهم وشفناه فيه مدرج يقولون مشترك بينهم وبين جامعة العيال يكفي لـ 70 شخص بس و يسمونه ( مسرح ) <- يحول ما شافو مدرجنا والا كان حسبوه صالة استقبالات دوليه ( بالنسبه لمدرجهم يعني ) <- لا يكثر ><"
<- لا وبعد من زين الطبايع مسرحهم فيه كلاس ما دخلنا يعني بس طلينا عموما مسرحنا أطلق

.

هذا المبنى بمثابة مبنى الشبكات حقنا <- يقالي ما ابي أقول اسم الجامعه
باقي الكلاسات به غرفه الغرفه هذي به غرفه صغيره ( اللي هي الغرفه اللي يدخل به الاستاذ ) ومظلله بحيث انه تعكس للأستاذ صورته يعني البنات يشوفونه وهو ما يشوفهم <- فهمتو
وهكذا باقي الكلاسات ..
ماطولنا بهالمبنى كثير وطلعنا نمشي للمبنى القزازي اللي أول شي <- تذكرون والا ظيعتو مثلي
وحنا نمشي شفنا الملعب حق السله اللي قلت لكم , والمدرجات حقت التسجيع ويقولون المرشدات السياحيات انهم شسمو كانو بيحطون ملعب فوت بول ( كرة قدم ) بس صار تعارض مع العيال ومدري وش الزبده هونو واكتفو بالباسكت بول (= , لا ويوم الأربعا يقولون مباراة نهائيه بين البنات يبدو لي مزينين فرق بعد والله مايلعبون ذولا حركات
المهم عاد أنا خذت راحتي قلت له : وراه ما ناديتونا يوم الأربعا أجل عشان نحضر النهائي , سفهتن
<- وراه أنا كلن يسفهن ياحول , مع انو أسئلتي ومداخلاتي مفيده وسديده (=
المهم ما علينا مشينا ولا صورت لأن كان فيه حرمه تتمشى بالملعب ما ادري تاخذ حمام شمسي والا تشيك على الأرضيه ما ادري وش تزين بالضبط ..!
المهم وصلنا وكان عندهم مناظر خلابه صراحه ثيل وأسجار بس صار شي عصبت منه وذأ ماصورت يعني ><"
وهنا وصلنا المبنى الثالث والأحلى المبنى القزازي والمبنى الرئيسي اللي هو واجهة الجامعه (=



.

ألقاكم بعد شوي , كونو بالقرب

..~