.
وأخيرا بوه شي ينشاف 
وصلنا للمبنى الثالث , الأجمل والأكوس والأرقى (= , دخلنا وكان التكييف جداً بارد , أشبه بالسوق أو المطار ووحده من البنات كانت تقول ريحة سوووق ما اتحمل 
المهم دخلنا وكان ازعاج مثل السوق بالضبط التكييف والصدى حق البنات مع انو بناتهم قليلين مره ( مقارنه في جامعتنا ) دخلنا المبنى مكون من دورين الدور الأول فيه مكتب العميده وكم مكتب , وفيه مطعم وكنبات منتشره في الساحه اللي تحت مبنى راقي ديكور راقي الأبواب قزلز ومن برا زجاج عاكس ( جدران المبنى من برى مرايات ) وعندي له صوره بس مو مره واضحه عموما شوفو (=
.
.
هذي صورة لجدار المبنى من جوى (= , الموية طبعا قديمة من جامعتنا جايبينه
<- معليه الصوره مشتته لأن جت المديره حقتهم وأنا قاعده أصور والا القاعه ذي ودي انكم شايفينه كله (=
يجيكم الكلام ..
المهم ودخلنا وتعرفنا على الدور الأول كلو , وجينا بنرقى قالو مايكفي المصعد ( الاليفيتور + اللفت لغير الناطقين بالعربيه 
) ونسمي بالله ونرقى درج <- عاد حنا متعودين على الدرج ما يحتاج )
ونرقى الدور الثاني والثالث وصلنا للسطح همن أكتشفت المرشده السياحيه اننا بالسطح وان الباب مقفل ؟ .!
قالو لنا بما انو درجهم قزاز فإنو يتكسر وإن عقب المطر تكسر شوي وسكروه خوفاً على الستيودنتس حقينهم ( الطالبات يعني )
المهم وترفع وحده من البنات راسه تقول ايه والله شوفو القزاز مكسور , ويرقون البنات ويبدون يتفرجون وبغينا نطيح من الدرج من زود الشفايه , ونبي نطلع بجامعتهم عيب ندور الزله بالعربي وكاكاكاكاكاا جامعتهم به شسمو <- اللي يسمع يقول لا اله الا الله جامعتنا كااامله 
وهذا الدرابزين حق الدرج ..
.
.
المهم وننزل عشان نرقى بالمصعد ( أووم المشاوييير ><" ) ..
طبعا المصعد ما يكفي فرحنا ردين (= , انا رحت مع الرد الثاني أبي أطول تحت , واحنا بالمصعد تقولنا المرشده السياحيه انو المصعد أكثر مكان يرتادونه البنات عشان كذا نحط الاعلانات غالبا هون , قلت له احنا ما نركب مصاعد احنا نستعمل درج قالت لا احنا نادر ما نستعمل درج , بغيت أقوله تراو أصح بس قلت يابنت الحلال لا تتفلفسين لا يجيتس مالايرضيتس , فانطميت (=
.
برب طويل وراجعه بآخر جزء ..~