وأخيرا وليس آخرا (=
وصلنا فوق , ودرنا بالدور الثاني , مابوه الا كلاسات وسعد الدين كبييييييييييييييييييييييييييير مااااااااااااره وملووووووون ويوسع الصدر بوه زي البوفيه تشرين منه بالصحن وهكذا , المهم وبوه مكتبه الشقري , بالأخير وصلنا ودخلونا بقاعه أتوقع قاعة اجتماعات للطالبات طبعا <- تلاحظون كل شي للطالبات اهتمامهم متمحور حول الطالبات وبس شي ملفت وجميل (= ..
وهذي صوره لقطته بسرعه من القاعه قبل ما يجلسون البنات
.
.
<- طبعا اصبعي جا بالكام من تحت .. ودي أصور شي مابوه عاهات بس ما أصير أم سعيد لو تنجح التجربه ><"
جلسنا شوي وجت المس حقتهم , وهي مسؤوله ما شاء الله مخضرمه , سلمت على مشرفتنا وهنا عرفنا إن المرشدات السياحيات كانن طالبات , يوم قالو مس معلي احنا عندنا كلاس <- بغيت أقول يابعدي انتم والله ما قصرتو وانتم شسمه قدوه بالنسبه لنا يعطيكم العافيه ومن هالقبيل بس للمكان والأشخاص اللي كانو فيه هيبتهم فقلت انطمي يابت (=
جلسنا نتناقش حول ساعه ونص أشبه بمحاضره تعريفيه <- اللي تبي ملخصه تعلمن بس وأنا أسدحه بذأ 
وأنا بسم الله علي بدال لا أنتبه جالسه شسمو أصور صورت الكرسي اللي قدامي (=
.
.
وبعدين فتحت المجال للأسئله ( سألته : انتم جامعتكم الدراسه فيها على مستوى عالي جدا وحتى التخصصات نادره ليه سمعة الجامعه مو مره قويه ومالها ظهور على الساحه لو ماكنت جيت اليوم ما عرفت عنكم ولا شي ) جاوبت جواب دبلوماسي فسكت أنا , ومشرفتنا العزيزه تقوله : انتم دخلتو التصنيف العالمي أصلا <- حاقرتهم خخخخ
صارو داخلين التصنيف بس ما تدري أي مرتبه بس الأكيد انه مو متقدمه لأنه جديده ما صار له 10 سنين
وتقول انه الجامعه بتكون مدينه جامعيه في قادم الأعوام , وانو البنات متقدمين في الدراسه وكثرة الأقسام على الأولاد (=
المهم عقبت قالت تفضلو على القوه <- يارباااااااااااااه يالقهوه 
تصيح , تدوخ , طعمه إلى الآن براسي , والله ياهم مايلعبون , لا وحاطين لنا كوب كيك بعد ياحلووه يهبببببببل , أكفأ شي بالرحله ( أكفأ بمعنو كفو (= )
المهم , خلصنا واستأذنت المس وطلعو البنات وأنا أقول تحرون أخلص القهوه خامس فنجال اظاهر ( حتى المس يوم شافتن تقول ما شاء الله تحبون القهوه ) المهم ما طلعنا الا والزمزميه تصفر ( الزمزميه = الثلاجه = البعض يسميه الترمس ) (=
البنات راحو للحمامات <- أتوقع بس لقافه
برضو انقسمنا ونزلنا تحت .. والمشرفه قالت خلاص بنروح 
, وأنا أمشي لقطت هذي يوم نزلنا تحت
.
.
وصورة لشنطتي توي أشوفه وفيها مجلة الجامعه حقتهم اللي عطونا اياها (=
.
.
وأخيرا لبسنا عباياتنا وقبل ما نطلع كنت شايفه جدار أول ما دخلنا قالو لنا عنه , كان فيه رسمااااااااات كثيره طبعا هم يقولون هذي رسمات كل طالباتنا وشسمو فيها الحلو والشين والعادي والشخاميط بس أهم شي تكون لكل وحده بصمة بإسمه في جامعته (=
.
.
هنا أصل الى ختام تقريري وتغطيتي لرحلتنا الممتعه والونيسه , والمفروض جامعة الأمير سلطان يعطون جائزه على هالتغطيه المميزه <- لا يكثر طلعت أرواح الناس على هالتقسيط ><"
شكنن لأنكم تحملتوني , تحملتو سماجتي حينا , وبثارتي حينا آخر , أتمنى استمتعتو وأستفدتو وأي سؤال أنا بالخدمه , يمكن أزيد شي إذا لقيت أو ذكرت أو نسيت شي
.
للإستزادة موقع الجامعه باللغه العربيه :
http://www.psu.edu.sa/arabic/index.html
.
ولا تنسون الـ + من فضلكم 
.
ألقاكمـ قريباً في سالفه أخرى أو ربما في رحله أخرى
..~
كونو بخير أحبتي
, دمتم في رعاية الله
..