ياراكب حر هميم وساير .. يقطع سير يوم بليله
انصا حمد وخبره وكل صاير .. ياما كتبنا له خطوط كثيره
قدي لي سنه يبوك والخط حاير .. ولا لقينا من مشى في الجزيره
تجزرت عامين راحت بالوداير .. قفت سواه الحلم هو تعبيره
من عقبكم يبوي زادي مراير .. ملفاك حمد ياحج كل باريه
وانا احمد الله يوم جتني البشائر .. حمد وربعه خاتمين قرانه
مني سلام عد تفك وثاير .. واعداد سيف ماظهر من جفيره
قائل القصيده \ المرحوم عبدالله ناصر المالك
في ابنه حمد عندما كان في مدينه حائل مع الخبره عندما لم ياتي اخبار عن ابنه ورافقه
(( والخبره هم المبتعثين من قبل الدوله من الرياض الى مدينة حائل ))...