[[ أم علاوي ]]

موضوع يونّس..

اقتباس نشيد كنت/ي تحبه / تحبينه أيام الطفوله ؟؟

أناشيد محبوب ، ذا الشريط مايطلع من المسجل أبدن !

اقتباس شخصيه كرتونيه كنت/ي تحبه/تحبينها ؟؟

كثير والله ،
ماركو ، زورو ، سالي ، عبقور (L)

اقتباس كيف كنت/ي ايام طفولتك شيطان/يه ولامؤدب/ه ؟؟

احم ،
والله كنت بثرة وراعية حركات نص كم وصاحبة خطط تدميرية وخراب
يشهد على ذلك ثريا مجلس خوالي ، ومؤونة مخزنهم ، وشغالة خوالي ، وبيت خالي اللي كان جنبنا <- ولاّ يا أم خماس

أيضًا كنت أستقوي عالضّعيفين ياقليبي هم !
يعني عادي أقول لصديقتي بالمدرسة اصبري شوي وأجي ، همّن أروح أدخل الفصل أسطر بنت ما أعجبتني وأطلع
<- صدز صاير ذا p:
المشكلة إن ذا البنت نروح أنا وياها سوا ونرجع سوا لأنهم جيرانا ، بس إني وسيعة وجه !
عاد كانت تسريحتها ما تعجبني وكل يوم تسوّيها ومرتبة وياربيه وأنا زهقت ما أحب اللي كذا ورحت سطرتها أبرد حرّتي
<- لا مالها حق المفروض تستأذن مني وش تحط تسريحة p:

وأم سعيد بعد كنت أستقوي عليها هماها راعية نصب وخرط ، كلما قالت سالفة ماتدخل مزاجي
وأروح أقول لها طيب طيب بسأل أمّك أشوف ! وأروح : خاااااالتي ترىىى أم سعيييييييد تقوووول <- وهي تناظرني نظرات استجداء وطلب عطف وتقول لا خلاص خلاص أنصب
والموقف الثاني مخزي وغير قابل للعرض p:

اقتباس ماهي المواقف اللي عرضت فيها اهلك للاحراج؟؟

خسارة أمي نايمة ولاّ كان سألتها ،
بس اللي أذكره من رواياتهم إني كنت صيّاااااااااحة درجة أولى ، بسبب وبدون سبب ، حتى ما أخلي أمي تنام !
ياقلبي أميمتي مدري شلون صبرت علي ، لدرجة إن جدتي تقول : الجيران يطقون الباب يقولون وش فيها بنتكم "oO

اقتباس هل كنت شخص ذو شخصيه قويه أم مغلوب عليه ؟؟

لعلّي كنت متغطرسة بعض الشيء =s

اقتباس اكبر عيديه جمعته/جمعتيه كم ؟؟ ومن مين ؟؟

اممم والله ما أتذكر صراحتن !

اقتباس يوم كنتي صغيره تسوين جدايل والا كاريه ؟؟<<للبنات بس

كنت مثل أم سعيد دايم شعري مجزوز ، ما أطوّله أبد
فما يمديني إلاّ أسوي تسريحة التجّااار

اقتباس يوم كنت/ي طفل/ه تلع/بين بكمبيوتر العائله ؟؟

ماكان عندنا ، كان عند عماني ، وعند الأولاد بالخصوص ،
إن لعّبوني فهذا كرم منهم p:

اقتباس يوم كنتي تلبسين مريول المدرسه هل تحطين شباصات ميكي ماوس وشرايط بيض ؟؟ << للبنات

شرايط بيض مع تسريحة التجّار برضو p:

اقتباس من كـان يدلعك أكثر أبوك او أمك ؟

كلّهم ، وجدتي بعد الله يحفظها

،

امممم من أختار عقبي ?
يالله عشقي هواها ، خن نشوف كيف كنتِ