[أبو نواف]

أجرت والدتـي الغالية (أمد الله في عمرها) عملية جراحية في ركبتيها

يوم الثلاثاء الموافق 2/11/1433هـ فكتبت هذه الأبيات

فداك العمر يايمه يارحمة تحتها جنــــــــــــــــات .... يا أغلى من سكن قلبي وحبٍ قد مكن فينـــــــــــي
خطاك الســـــؤ يا يمه يانفسٍ ما بهـــــــــــا زلات .... ياليت الجرح في رجلي ودكتورك يداوينــــــــــي
أشيل أوجاعك وتعبك وكل الآمـــك الجـــــــزلات .... أطيعك وأرتمي بحظنٍ أكيد أنه يدفينـــــــــــــــــي
تحملتي الشقاء والهم وكثر النـــوح والآهــــــــات .... لأجل أسعد وأنام الليل ولا غيرك يراعينــــــــــي
حضنتينا وحنا صغار وما ندري عن العـــــــــلات .... وشلتي الحمل وأنا كبار يا عل سنينك تزينــــــــي
تذكرت الزمــــان اللي رعيتينا بـــــــلا زفـــرات .... سهر وهموم طول الليل بلحافك تغطينــــــــــــــي
تراني مقصر بحقك ولأجلك أرخص الدمعـــــات .... أحب أرجولك الثنتين وأسدد بالوفا دينـــــــــــــي
أنا خادمـــــــــك يايمه ولو كثرت بي الــــــزلات .... أشوفك نور في دربي وسعدٍ ما يكفينـــــــــــــــي
عطيتينــــــا بلا منّــه دعاءً من صميم الــــــــــذات .... فرحت بدعوتك يمه لاجل ربي ينجينـــــــــــــــي
ترانا كلنا حولك هدفنـــــــــا أسعد اللحظــــــــــات .... تسابقنا على وصلك يا أمي يا نظر عينــــــــــــي
يا أغلى من سكن بالكون يا أمي جزله المـــــدات .... ياليت العمر في يدي أبعطيها من سنينـــــــــــــــي
أبي قربك أبي عطفــــك أرجـــع وقتنا اللي فــات .... يكل الشوق في قلبي حنينٍ منك يشفينـــــــــــــــي
أبرجي ربي المعبود طلبتـــه خاشــــعٍ بسكـــــات .... وأبدعي لك توالي الليل ياربي رافع يدينـــــــــــي
ترى قدرك بحجم الكون وغيرك ما نبي شــوفات .... قمرنا وشمسنا أنتي ياحبٍ في شرايينـــــــــــــــي
طلبت الله يزول البأس وأشوفك بأحسن الحــالات .... تزورين الحرم مرات تصلين وتطوفينــــــــــــي

3/11/1433هـ .. 19/9/2012 م