بسم الله الرحمن الرحيم
مرثيه في الوالده \ هيا سعد البريدي يرحمها الله
المتوفيه في يوم الجمعه 4\11\1422هـ
يا الله المعبود يامسير الاقدار .. يا باسط سبع وسبع فوقها
تفرج لمن عينه جزت من الاكدار .. والجوف ياعم مشعل نيرانها
صبيحة الجمعه شاع الخبر والعلم صار .. قالوا بريده الفظت انفاسها
هول الخبر عرقه تنعي صغار وكبار .. وانخيل عرقه نكست عسبانها
صفقت با الراحات بخماس واثمان واعشار .. وافكرت وامنت ياللي خذ اماناتها
يو الله اللي راحت وافيه الاشبار .. طيب وجود جامعتها كلها
يادار وين راعيك اليوم با الله يادار .. يادار وين النور ياوين شمعاتها
وين العجوز اللي سكن فيك يادار .. البيت اظلم وانطفت انوارها
قالت ترى صاحبك اليوم خل الدار .. خل المحل ماعاد بقى الا تراثها
خلا العيال والمال وخلا دار عمار .. راحت وحيده حامله اعمالها
عصريه الجمعه تلافوا الاخيار .. جموع غفيره من ارجال ونسوانها
بعد الصلاة نادى الامام با الاذكار .. كبر وصلى با الجموع ودعوا لها
عقب الصلاة شالوه ثم ودوه للدار .. جنوب الشويفع نازل بترابها
شالوه ثم نزلت بهاك الدار .. حطوا اللبن وثم سدوا الحادها
هدوا التراب عليها لنهال الغبار .. رزوا النصايب شاره لزوارها
الكل قفا ياحمد والكل سار .. واللي سكن يسمع بقرع انعالها
مرحوم يا اللي دوم تسبيح واذكار .. تصبح وتمسي والذكر بلسانها
مرحوم يا اللي تكرم العاني والجار .. وادلالها يابوي ماهجر زلها
ماهيب مثل الغير تجمع ريال ودينار .. تنفق وتعطي ترجى عالي شأنها
رجواها باللي تطلبه وقت الاسحار .. يمناها تنفق ماتعلم شمالها
تنفق على المحتاج وضعوف قصار .. ذا قول منهو خابر كل افعالها
يا الله ياعالم خفيات الاسرار .. تجعل منازلها بعالي جناتها
يا الله عسا منازلها مع الابرار .. في جنة الفردوس تارد حيضانها
والكوثر تارده وتارد الانهار .. مع الرسل واصحابها منزالها
روض خضر ياسامعين مد الانظار .. وطلح وسدر تسر منهو نظر لها
عسى عوضنا والخلق بها لحرار .. بالعم والعمه وباقي احفادها
صلاة ربي عد ماهلت الامطار .. واعداد من صلى وطاف بحرامها
على النبي محمد سيد الابرار .. عد النجوم وعد مابترابها
قائل القصيده...
عبد الله حمد المالك (( ابو حمد ))