[صمت عرقه]

نبذه عن صمــت عرقــه


اسمي ...... بن ...... بن ....... ال .....

الكنيـه ابـو .... او ابــو .....

بس افضل صمت عرقه ^_^

صمـــت عرقـــه

انســان هــادي وطيــب ومحبــوب من الجميع وعصبي احياناً لحد يجي بوجه اذا عصب خخخ يمكن ياكل كف خخ

صادق وصريح ولا احد يكذبه اكثر شي يعصبه احد يكذبه يمكن يموت خخخ ^_^ حساس شوي خخ

ما احب احكي عن نفسي لكن هذا الي يشفونه فيني الي حولي! وغيره بس ما احب احكي عن نفسي اكثـر ! ^_^

هواياتي : يحب الرسم وكتابة الخواطر لكن ماعطي لنفسه فرصه بالكتابه او الرسم الا قليــل ويحب التصوير

ويحب التذووق لشعر وتذوق الأكلات الجديده ويحب تجربة المطاعم ^_^

احد يبي يساله عن مطعم يسأله ويقول زين ولا لا ^_^ او عن وجبه خخ

اقول كلمنا عن نفسك مو قصة حياتك خخخ

العمـل :لم اتوظف حتى الان لكن ان شاء لله قريب نتوظف ^_^

الحاله الجتماعيه :عزوبي^_^

العمــر : بالعشرين ^_^ يعني بين 20 الا 26 ^_^

يكفي لقافه ^_^



نبداً بالقرأن

من قارئك المفضل؟؟ القطامي

من أمامك المفضل بالمسجد المكي؟ المعيقلي

اسم إمام ومسجده تحب الصلاة معه ؟بالايام العاديه او رمضان صلاة التراويح والقيام!

مسجد ال شيخ شارع الابراج/لايحظرني اسم إمامه ^_^



الشعر

اذا من محبين الشعر نحب ان تجاوبنا واذا لستى من محبينه امكانك عدم الرد

من شاعرك المفضل؟فهــد المساعد

قصيده او ابيات مفضله لديك من كتابات شاعرك؟

قصيدة صدفة جدبد فهد آلمسآعد




الشوق ماله عمر , يفنى وينعاد
........................له في الضلوع أن عاد وأن غاب رجفه


مع كل فرقا , له ورى الجفن ميلاد
........................وأن ماتت الفرقا لقى الشوق حتفه


جيت أقتل الفرقا من بلاد لــ بلاد
........................ملّ الطريق يشيلني فوق كتفه


وأنا بعد مليت من كثر ما أرتاد
........................هالشارع اللي كان لك فيه شرفه


تظمأ عيوني شوفك , وتشبع سهاد
........................عيّا الزمن يقطع ظماها بــ رشفه



لاوجهك أسقاها , ولا ذاقت رقاد
........................ماغير طيفك , طيفك اللي أعرفه


كنّه ظبي , وعيوني ظلال صيـاد
........................يجفل قبل يرتد للجفن طرفه


مشكلته أنه كل ما أشتقت يزداد
........................حتى ملا جدران وقتي وسقفه


وأصبحت أشوفه فــ أول الغيم لاجاد
........................وفــ أقصى الشفق لاطاحت الشمس خلفه


وفـي الأرض لانامت عقب صوت رعاد
........................وفي كل شباك ٍ صحت منه درفه

أتعبت طيفك لوم , واللوم مافاد
........................ويوم الأمل في شوفتك مات نصفه

نويت أسافر عنك بجروح ٍ جداد
........................وعمر ٍ من أوراق الزمن حان قطفه

نويت , لكن جابني الشوق منقاد
........................وجابك حنينك , والزمن سال عطفه

شفتك تبــسّـم لي خجل مدري عناد
........................وفي نظرتك شوق ٍ من الظلم وصفه

حسيت كني طفل , وعيونك أعياد
........................ياعيدي اللي له ورى الصدر رجفه

سـمّ اللقا صدفة , وأسـمّيه ميعاد
........................أنا أنتظرتك , وأنت مريت صدفه




هل لديـك محاولات شعريــه ؟اذا لديك؟متــى كــانت اول محاولاتــك الشعريــه؟ ل

لدي محاولات اول محاولاتي قبل سنه

هل تفضل قراءة الشعر او سماعه؟ الاثنيــن

واذا الاثنين!

من الشاعر الذي تحب القراءة له؟مافي شاعر معين

ومن الشاعر الذي تحب السماع اليه ؟ فهـد المساعد الاكثــر



الرياضه!


اذا ليسى لك فيها بالامكان عدم الاجابه

مافريقك المفضل؟؟ الهــلال والعيــن حالياً
اسم لاعبك المفضل؟سابقاً وحالياً؟سابقاً يوسسف الثنيان ونواف التمياط

والحالي ياسر القحطاني والفريدي ورادوي وايمـانا

من اللاعب الواعد الذي ترى له مستقبــل رائــع بكــره القــدم؟
نواف العابد/وفهد الجهني/عبدالرحمن الصانع

من متـى وانت تشجـع هذا الفريــق؟ الهلال من الصغر والعيـن بعد انتقال ياسر

هل سبــق ان شجعت فريق غيره؟اذا نعم ! ما سبب تغيرك لهذا الفريق؟لا من الصغر هلالي يالبـى الهلال بس

ماهي رياضتك المفضله؟كرة الطائره والسباحه

وماذا تفضل من الالعاب؟
كرة القدم او الطائره او السله او التنس؟

القدم مشاهده والطائره لعب

يوه شكل مقطع العب وهو مايلعب بسنه الا 3 مرات خخخ



السفر بين المدن والدول



ما افضل دوله او منطقه زرتها؟ ولماذا؟ابهــا لروعة مناظرها وجوها الرائـع

هل تفضل السفر بالطائره او السيـاره او غيره؟ ولماذا؟

كلها ممتعه لكن بالسياره امتع وتأخذ راحتك اكثـر

دوله تتمنــى زيارتـها؟

النمسـه وماليزيا والهنـد وبيروت

منطقه لم تزرها وتتمنــى زيارتهـا؟
تبوك/وجيزان

تفضل السفر للمناطق البارده والعاليه او البحريه؟ بعد مكه والمدينه ^_^

المناطق البارده احلى

لكن لاغنى عن المناطق البحريه والجلسه على البحر ومنظر الغروب عالبحر ^_^




ايام الطفوله


ماهي الالعاب التي كنت تلعبها؟وين تلعبها؟

واحد طش خخ والعب كثيره لكن لاتحظرني كلها

وما هي لعبــتك المفضــله؟انفقشت البيضه من الالعاب/لكن لعبه/اكيد السيارات او السيكــل ^_^


موقف من طفولتك لاتنساه؟او اكثر من موقف! عادي موقف حزين او مضحك خخ لك الحريه

ايام ماكنت بالروضه كنت ما احب افطر مع الاطفال عند ابله سعديه خخ عشان ما احب اشرب الحليب ساده!!

اكلتك او حلوتك المفضله ايام الطفوله؟

حلاوة الكوله وحلويات كثيره والحلاو الي يجي دوار ملونه فوق بعض ناخذها من بقالة عبدالله الحرابي وشبس ابو خواتك ^_^


مارأيك بطفولة زمان وطفولة هالايام؟

طفولة ايام زمان اكيـد احلى

الحين مالها طعم مع الأجهزه اللكترونيه

الولد من يطلع من بطن امه معه اي بود ولا جوال



ياليتها تعود ايام كنا الصغار
البال مرتاح ولا حاجه تشغله

اكبر همومك وين لعبتي ضاعة
والحين هموم ودراسه تشغله

.....



^_^





المطبــخ


هل لك تجربه مع الطبخ؟؟اذا نعم

نعــم

ماهي الطبخات التي تطبخها؟

الكبسـه بأنواعها المندي والمضغوط والمعكرونه

مااكثر طبخه تحب ان تطبخها؟

المضغوط

ما اكلتك الشعبيه المفضله غير الرز خخ؟
الجريش والمرقوق

ما اكلتك الرمضانيه المفضله؟

الشوربه من يد مامي اكيد الطبق الرئيسي

ما الشي الذي تفضل دايم تواجده على الفطور برمضان؟ غير التمر اكيد!

القيمات او جبنيه او اي شي اهم شي نحلي عليه ^_^

ما الاكله التي لاغنى عنها على العشاء برمضــان؟

الشوربه والسمبوسه

وماذا تفضـل ان يكـون سحـورك؟

كبسه اكيـد


ننهيها بالاكل ورمضان

الله يبلغنى رمضان القادم ان شاء لله


ان شاء لله الاساله خفيفه عليك

الاسأله من كتاباتي!

والله كأنها ثقيله شوي علي مع ان انا كاتبها خخخ

بس لعاد تتعودها صميت خخخ