بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اكتب لكل من أصابه ذاك الهم او الوسواس او الارق ... فلم يعد يرى الحياة كما كانت .. فتور في الجسم عدم النوم متردد ... انقلبت جميع اموره لم تعد الدنيا تلك الضاحكه ...
اكتب لك من واقع تجربه ...مر علي زمن فارقت الاحباب والفراش والطعام نعم اجلس وكلن ينظر الي العيون ملئها السواد ... والحال راح ... اتقلب على السرير طوال اليوم .. اخرج الى المطاعم الساعه 2 باليل .. اقولها لانني لم اتعود على السهر ...
وفي يوم قالو لي ياخي لازم تروح لدكتور او واحد يقراء عليك .. تغيرت ..
للمعلوميه كنت لسى في الجاهليه .. يعني مابعد اهتديت الى طريق الحق ...
بس منيب داشر ولله الحمد
قلت لنفسي دامني سهران سهران .. ليش ماصلي واكسب اجر ..
اليوم الاول .. ماطولت ..بس ارتحت ...
اليوم الثاني .. كنت احتري اليل
بفارغ الصبر .. وفعلن صليت ولحظة اني وانا ساجد ..ارتاح وماودي ارفع راسي الين الفجر
وعلى هالحال ..لدرجة ان الوالدة بعض المرات تلمسني انا حي ولا ميت ...
خمس ايام ... ومن يوم اتوضا وبليس يقول .. يله حبيب ننام .
طبعا وكلته تراب وواصلت ..تغيرت حياتي ..امراض مين ..الوسواس جلست وياه وفهمته
العمل صارت انجازاتي مذهله ....يالحبيب.. اسمع
بيجيك الشيطان الحين وانت تقراء ..ويقول ايه يبيك تصير مطوع ..
ابغاك تركز معي شوي تعرفني اعرفك لا ... والله خذ نصيحت اخوك ...
انت المريض مو انا ..عالج نفسك بنفسك ...
تدري .. انت الحين اهلك مو مرتاح معهم ..العمل بديت تغيب او تروح عشان تسلا ..بس من يوم تصير وحدك ..تبداء في اتعابك الي انا حاس بها ....
وفي الختام تكفى .... قل تم
قم الحين وتوضا وصل .