^
يؤ يعني لازم تطلع الفظايح ..! 
شكرا لإختياري فديتج (=
بسم الله نبدأ ~
نشيد كنت/ي تحبه / تحبينه أيام الطفوله ؟؟
اممم كثير والله .. والنشيد اللي كنت أقدره وحافظته :
أناشيد محبوب <- اللي يروح لحديقة الحيوان ويقول له الفيل : اتركوني اتركوني لم أنم إلا القليل ..
::::
شخصيه كرتونيه كنت/ي تحبه/تحبينها ؟؟
والله بعد ياكثرهم بس أحب ذولا أكثر شي :
موكا موكا + عبقور + فلونه ..
::::
كيف كنت/ي ايام طفولتك شيطان/يه ولامؤدب/ه ؟؟
والله كنت دلوعه لأني أكبر بنت لأهلي بس كنت راعية فقشاااات ( أنصب واجد ) وفيني بثاره وشطانه الله يصلحني
<< مدري شلون تحملت نفسي ذيك الأيام ><"
::::
ماهي المواقف اللي عرضت فيها اهلك للاحراج؟؟
وااااااااااااجد لو أعد ما أخلص ..
بس كلها ماتنقال ><"
لكن أهونها ..!
أذكر مره خالاتي كانو بيروحون للسوق مع واحد من خوالي المهم والا أبي أروح معهم ,
وبحكم اني بزر فلازم ما أروح عشان ما أسوي بلبله في أركان السوق المهم الا بروح بروح بروح ..!
واتمسك بالسياره وتمعلق بالباب ويفكوني تقل يفكون لزقه ولين جو يمشون فتحت ركضت وتعلقت بالسياره
مره ثانيه ..!
( والله كان معي حق يعني أمي معهم لازم أحرسها وكذا لازم أروح من البر يعني ) ..!
المهم بالأخير ركبوني معهم شوي وداروبي اظاهر على عرقه ورجعوني ..!
الشاهد ..
أول ماركبت ( طبعا قدام ) ألتفت على خالي قلت له بكل ( براءه ) :
والله لا أعلم أبوي عليك .. والله لأعلم أبوي .. !
والسياره تعج بالضحك <- على إيش مدري صراحه ؟؟!!!!!!! 
المهم ومسكها علي خالي إلى الآن , أحيانا لين شافني قال : والله لأعلم أبوي والله لأعلم أبوي !!
واظاهر الحبيبات ( عيايز الفريج أم خماس - وأم علاوي - وأم سلوم ) ما يدرون عن هالسالفه إلى الآن ..!
والا كان مقلقيني بها عاد إذا قرو هالموضوع ومسكوها علي ياويلتس يا أبلى سعديه ..! 
::::
هل كنت شخص ذو شخصيه قويه أم مغلوب عليه ؟؟
دايم الدلوع قوي بس بـ (دموعه) أبد طلعي هالدميعات وكلمتس تمشي .. 
بس مع ( عيايز الفريج ) كنت شغالتهم اللي ما جابتها أمهم البثرين ><"
مضطهده .. يعني مره فاهمين الوضع غلط , لكن وش نقول غير إنا لله وإنا إليه راجعون <- مردوده في عيالكم إن شاء الله 
::::
اكبر عيديه جمعته/جمعتيه كم ؟؟ ومن مين ؟؟
كانت جتي (منيره) الله يرحمها
تعطينا خمســـ(50)ـــــون ريال <- عشان اللي ما يعرف يقرا الرقم يقراها كتابه 
وكانت بحجم الكنز اللي يخزن لسنيييين ويطير في دقيقه بالتأكيد ثلاث أرباعه قطة لـ( عيايز الفريج الرباعي ) <- اظاهر أنا أكثر من يقط
<- ومافيه أكبر وأغلى من خروفي اللي بغينا نموت يوم قرادتنا خلتنا نويدز (نطل) عليه
<- خطط أم خماس الفاشله )=
::::
يوم كنتي صغيره تسوين جدايل والا كاريه ؟؟<<للبنات بس
أساسا ما كان شعري يطول أبد الوالده كانت تجزجزه ..!
::::
يوم كنت/ي طفل/ه تلع/بين بكمبيوتر العائله ؟؟
ما كان عندنا كمبيوتر للأسف أول كمبيوتر دخل بيتنا كان مكتبي لونه بيج يوم اني في رابع يمكن ..!
بس كان عندنا أتاري وآله كاتبه وما قصرت فيها ..!
< آله الكتابه حقت الشسمه ..!
::::
يوم كنتي تلبسين مريول المدرسه هل تحطين شباصات ميكي ماوس
وشرايط بيض ؟؟ << للبنات
ماكان عندي شعر واجد ينربط ..!
بس أمي كانت تحط لي قرنين صغار فوق وأكييييد الشرايط شي أساسي والأبه بعد ..
ومساكات الفراشه ذيك اللي تخلي الشعري حديقه خاصه عاد لين غرزتها الوالده بأناقه لين تخترق فروه الراس وتدخل فيه وماتصيحين من الألم ترا عادي (= 
أما ميكي ما اذكر بسأل أمي ..!
::::
من كـان يدلعك أكثر أبوك او أمك ؟
والله كلهم الله يجزاهم الجنه ويخليهم لي ..!
وامتد الدلع إلى غيرهم جداني وعماني (=
أما خوالي فكان الدلع لـ ( أم سلوم ) وهو مستمر حتى يومنا هذا ..!
::::
تم بحمد الله ..
صراحه استمتعت جدا ..
وأتمنى لكم قراءه ممتعه في صفحات طفولتي (=
وأي موقف أو سؤال أو شي تراي جاهزه .. لأن الطفوله كانت أسسسعد أيام حياتي (=
<- موب مثل بنات هاليومين مهنا طفوله ياكافي عمرهم مابين مراهقه إلى شيخوخه للأفس 
أكرر شكري للغاليه ( أبلى سعديه ) ,,
وتكفين لا تحرمينا من مواضيعك الحلوه مثل هالمواضوع ..
واتمنى ودي تستضيفين وحده من العيايز بس كلهم نايمين في العسل لكن لعل اقربهم للمنتدى (أم سلوم ) <- بتوسع صدوركم هالانسانه
( قلوووب من هنا للشرقيه 
) ~ ..