من شراء له سبحة هندب وغنا
والمعاني سامجات ضايعاتي
يالله اني طالبك لا تمتحنا
سمجوا لعب العرب مابه شفاتي
التمني ما يفيد اللي تمنا
حطو المُره تشابه للنباتي
المعاني من ضميري لاعبنا
والطواري مقفيات ومقبلاتي
ان نشدت الناس قالوا لا تعنا
وان سكتنا فالخطايا واضحاتي
ياهجوسي بالمعاني شرفنا
من جبال طويق ذيك النايفاتي
المعاني في ضميري هجرسنا
وين دور الزير والشيخ الزناتي
حضر الأقلام واكتب يا مهنا
تحت ظل الفي من بعد الصلاتي
من صلاة العصر جالك ما تمنا
حضر الابواك بالعلم الثباتي
القوافي بالمعاني يدرجنا
ليت بعض الناس يفهم للوصاتي
مثل بن برمان من طيره تجنا
هده المقرود جاب المعجزاتي
الشعر عند العرب ذوق وفنا
فالليال الحاضره والماضياتي
انشدوا عنه السديري والمعنا
والرجال اللي تحب الموجباتي
وافتل الموضوع وافهم لا تجنا
وحسّب المقبل وخل الهايفاتي
واحسب حساب المواقف لاتونا
وادرج المعنى وخل المحصناتي
للشاعر : فهاد بن محسن بن عبود