[أبو نواف]

الشــعر قلــته للبــــشر والخـــــلايق..........من صغر سنــي ماشــي أول خطاويه

وان قلــت شــعري بانــثره للــرفايق..........وان قلت شعري باحتسـب من يراعيه

يــوم ان حظــي لأريش العين سايق..........أصــــبح زمـــاني مختـــلف في معانيه

مديـــــت لك كفـي وجبت الف عايق ..........منــها الزمـــن والنــاس تـدرك ليـاليه

وقلت الشعر شخصك لبحره مضايق ..........ولا ظــن تـــدرك بالخـفا أبسط معانيه

وانك غـــريب وصــرت للـشعر بايق ..........ما تــدري أن الــذم يكــسف براعـيه

ما هـــمني قـــولك ولو كنـــت فايق ..........أصــلاً خــيالك ما أبــي شــوف طاريه

لـو ان زيـــــنك كمــــله للخــــلايق ..........رب المــلا ما أظــن يــوم التفــت فيه

الزيــن زيــن الـروح والطرق شايق ..........أســلوب هـرجك يمــكن أني أراعيه

وارجـــع وأقول أنك تــظل الطرايق ...........ما تعرف القرطاس من وين تشريه

وان كنت ترغب شوفتي وانت رايق .........أهــلاً هلا بك والــوصل دوم شاريه