للإرتقاء بالمنتدى : اجعل من ردودك إضافة ذات قيمة للموضوع - أن تكثر من الردود المفيدة خير من إغراق المنتدى بالمواضيع - لا تقرأ موضوع مفيد دون أن تجعل لك فيه بصمة - أبلغ الإدارة عن مشاركة سيئة وابتعد عن نقد كاتب الموضوع أو الموضوع - لا تسرق جهد غيرك وتنسبه لنفسك وأكتب عبارة منقول أسفل الموضوع المنقول

تابعونا follow us

قديم منذ /10-31-2009, 01:39 PM   #1

ابتسامة عرقه

غير موجود

 رقم العضوية : 37
 تاريخ التسجيل : Apr 2009
 الجنس : أنثى
 المكان : ♥ عرقهـ ♥
 المشاركات : 1,608
 النقاط : ابتسامة عرقه المستوى الرابع ابتسامة عرقه المستوى الرابع ابتسامة عرقه المستوى الرابع ابتسامة عرقه المستوى الرابع

SMS 

حٍينَ أتأملُ أتٍسَاع السَماءْ أُدركْ أنْ الضٍيقَ سَيتلاشَى .. وأبْتَسٍمْ =)

MMS

 

Unhappy القصه في مستشفى عرقه المهجور !


السلام عليكم ورحمه الله وبركاته
كل عام وانتم بخير
اول مره اكتب معكم موضوع في القسم العام وان شاء الله ما راح تكون اخر مره
وبصراحه كنت متردد ان انزل الموضوع خوفاً انهم يزبدون لي ويقولون اني احتك بـ { هلالي معالي } صديقي
المهم مالكم بالطويله
السالفه يا اخوان ابتدت يوم كنا نحوس وندوس في انا واخوياي في شوارع الرياض الجميله <<<ايه من جنبها

طبعا مهنا مكان نروح له
المهم احنا خمسه بذاك الوقت قلت لـ اخوياي : ترانا طفشنا من الدوجان نبي شي جديد
نقز خويي علي قالي : سمعت ان فيه مستشفى في عرقه مهجور ويقولون العيال ان مهجور من حرب الخليج جوه اخواننا الكويتيين وجلسو فيه وبعدها معد احد دخله
ويقولون فيه جن انا بس سمعت جن قلت له جايينه جايينه

عاد تعرفون مافي احد منا مايحب الجن ومايخاف منهم <<< كيف تجي ذي
مالكم بالطويله قلنا طيب تدله قال اييه قلنا خلاص تمام بكره نبي نروح له العصريه قالو الشباب تم
المهم على كلامنا تجمعنا العصريه ورحنا له
المستشفى كبير وفيه سكن اكبر منه مافيه ومهجور
من برى وقسم انه اطلق من مستشفى الشميسي
المهم قعدنا نحوس عليه من برى طبعا بالسياره مالقينا مدخل له
المهم قررنا ان احنا ننقز فوق السور طبعاً السور شوي عالي ومافيه صعوبه
لبقت السياره ونزلنا العيال في البدايه مسوين احنا الـ محنب خايفين من احد لكن من دخلنا ضاعت علومهم
المهم نقزنا وضبطنا امورنا جينا لـ باب مكسور نصه دخلنا معه
والمكان من داخل مغبببببر عليه اكوام تراب
المهم دخلنا والله بدا الظلام يجي طبعا مو الوقت لا المكان مظلم وموحش
دخلنا وكل واحد فاتح جواله وينور به طريقه
المهم قعدنا نحوس ونفرفر يمنتن ويسره طبعا هالحتسي كله بالدور الاول
المهم دخلنا الكافيتيريا وكان فيه درايش ومنور المكان
المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهر
المهم سمعنا صوت قوووي مرررره في الدور الثاني العيال خاافو وكل واحد صفقته ام الركب
وماااتشوفون الا نعال تتطاير في السماء من النحشه
المهم طلعنا واحنا نشاهق من الخوف
ويوم طلعنا قابنا سيكورتي قال لنا : وش جابكم هنا بهالوقت .؟؟
قلنا لا والله بس واحد من العيال يقول ان هنا جن وحبينا نشوف قال اهاا
روحو ولعد اشوفكم هنا مرتن ثانيه قلنا ايه طيب <<< سلكنا له طبعا
بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته
المهم طلعنا وتونا جايين بنركب السياره جت ورانا كامري شرطه سريه قال كل واحد اثباته عطيناه اثباتاتنا
قال وش جايبكم قدام هالمستشفى قلنا له الي قلناه للسيكورتي
قلنا له بس السيكورتي واحنا داخلين ما قال لنا شي
قال اي سيكورتي .؟
قلنا السيكورتي الي هنا
قال والله مافيه سيكورتي هنا من 9 سنين
احنا وجيهنا صارت كذا
قلنا اهااا
وركبنا السياره ومشينا
قلت لهم داخله داخله الله لايعوق بشر بس مهوب معكم يا الزلايب <<< طالعن منها الاخو
الا ان كان بتجون معي قالو تمام بس نبي نصير مجموعه مو تسذا ملحطين
77777
التكمله ان شاء الله الرد الجاي << لاتقولون روايه وما روايه بس تعبت من الكتابه وان شاء الله بخلي خويي يرسل لي الصور واسدحها لكم فيذا
التكمله !!












.
.
.
.
.
.

  
قديم منذ /10-31-2009, 01:42 PM   #2

ابتسامة عرقه

غير موجود

 رقم العضوية : 37
 تاريخ التسجيل : Apr 2009
 الجنس : أنثى
 المكان : ♥ عرقهـ ♥
 المشاركات : 1,608
 النقاط : ابتسامة عرقه المستوى الرابع ابتسامة عرقه المستوى الرابع ابتسامة عرقه المستوى الرابع ابتسامة عرقه المستوى الرابع

SMS 

حٍينَ أتأملُ أتٍسَاع السَماءْ أُدركْ أنْ الضٍيقَ سَيتلاشَى .. وأبْتَسٍمْ =)

MMS

 

افتراضي

المهم جينا مره ثانيه وكان عددنا حول الـ 18 شخص <<<<< جمعنا كل الي نعرفهم
معنا كشافات من هنا لليل
المهم وصلنا للمستشفى الساعه 2 ونص الليل <<< يقالك بنخربها
رحنا للموقع نفسه الي كنا فيه امس لقينا البوابه الي كانت مسكره صارت مفتوحه قلنا زين محنب ناقزين ولا شي ج< هذا الي هامكم يا مال الي منيب قايل
ورحنا للباب نفسه لقينا الباب كله مكسور امس كان نصه لا الحين كله مكسور
وقايلين العيال ان الدور الارضي والاول مافيه شي يخوف يقولون الادوار الي بعدها وثلاجه الموتى هي الي عليها الكلام
المهم واحد من الي جبناهم قد مره داخل المستشفى وشوي يعرف الي فيه
قلنا له وين ثلاجه الموتى
بقول لكم الوصف اول ما تدخل تمشي سيده بعدها تروح يسار تسيد شوي تروح يمين تجيك الثلاجه بـ وجهك <<< ومن قالك انهم بيدخلونه
المهم ماعلينا
رحنا لـ ثلاجه الموتى
ووالله على ما اقوله شهيد فيه دريشه على الباب طليت انا وواحد من اخوياي لقينا منور شوي وفيه ظل على الجدار ناس يمشوون كثيرييين وربي كثيرين
انا وخويي ماصفقتنا ام الركب الا صفقتنا ام النخاع الشوكي المهم قلت للعيال قالو خلاص بنروح وبنشوف وش شفتو
راحو وشافو ومالقو شي بس نور ابيض المهم قالو الله يقلعكم هبلوتنا واخر شي مافيه احدقالو خلاص بنرقى للدور الي بعده قلنا لا محنب جايين بنجلس هنا قالو طيب بكيفكم
قلنا هااااه لا خلاص بنجي بنجي ماينمزح معكم انتو قالو خلاص طيب امشو ولا يكثر وجلست اتحلطم <<< يقالك معصب <<< يا حبني لي اذا عصبت
المهم رقينا للدور الي بعده ومالقينا فيه شي يجذب او يخوف
ورقينا الدور الثالث قالو الشباب احس ان شكلنا غلط خلنا نروح نرقى للدور الي بعده واذا لقينا شي شيات عطنياكم رنه <<< على طريقه الافلام يقالك
قلنا اوكي المهم فتشنا كل شي ما لقينا شي المهم رحنا للدور الرابع والخامس والسادس كلها مافيها نور ومافيه شي
المهم وصلنا للدور السابع لقينا الباب حقه مقفول بس واضح ان لو تهف الباب طاح

المهم وجينا بنوخره طاح وانكسر ووالله الدور منوور كللله شي غرررريب وفيه اثار رجول كأنها من شوي ماااره المهم رحنا ودخلنا غرفه العمليات وورب الي خلقكم اننا لقينا شاهي يطلع منه بخااار يعني توهم مسوينه
احنا طارت عيوننا
جلسنا ننادي يمكن يصير فيه احد ولاش
قلنا يمكن نصير متوهمين درنا في هالدور كله المهم ثنين من اخويانا قالو والله انكم موسوسين احنا بنرقى الدور الي بعده وانتو دورو يا سبايك
المهم هم رقو واحنا قاعدين ندور
ما وعينا الا نسمع صراااخ اخويانا الثنين
وركضنا للدرج بنشوف وش فيهم شطفونا داااعسييين نازلين لـ تحت والله وكلنا نلحقهم وواحد من العيال يقراء ايه الكرسي
قعدنا نلحقهم طولنا واحنا نركض وراهم الييين طلعنا
واحنا موب تعبانيين الا متقطعين من التعب المهم وقفناهم قلنا وش فيكم يا مال الوجع خرعتونا واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلم

المهم قال والله وبالله واقسم بالله اني صادق على كل كلمه اقولها قلنا عارفين بس قل
قال واحنا تونا داخلين الدور الثامن كان مظلم المهم وتعمقنا شوي بالدور فجاه دخلنا غرفه فيها ثلاثه ماشفنا الاظلال او لابسين شين اسود بس والله مافهمنا عليه من كلامه قاعد يتأتئ <<<< حاولو تقرونها
المهم يقول ركضو وسحبو يد خويي الي الحين ما يتكلم انا مسكت به وبعد جهد جهيد فكيته منهم ووصلنا للدرج وقمنا نصارخ وعاد بعدها شفتونا
المهم قالو واحد من العيال يمكن انهم حراميه ولا شي ويوم شافوهم قمطو قلنا خلاص نجي كلنا ونشوف قالو الثنين والله مانروح لو على قص رقبتنا
وثلاثه بعد قالو كذا وركبو السياره
احنا رقينا للدور الثامن وتونا واصلين له الا والله العظيم تطلعنا ثلاثه قطاوه سوووود وتشطفنا رايحتن للسطح واحنا والله جلسنا يمكن ربع دقيقه طاقتنا ام الركب فيها
بعدها ما تشوف الا قوه ركض صرنا ما شاء الله غزلان المهم طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت
ونفرك ذيك الفركه الي مابعدها
ولاعد عتبنا عليه مره ثانيه
بس الشي الغريب ان فيه اجهزه جدييييييييييييييده مررره بكراتينها
وبعد ماسويت بحث يقولون انه انه مبني من عام 1400 في عهد الملك خالد الله يرحمه
وصدق خويي انهم جو فيه الكويتيين ومن بعدها انهجر المستشفى
بس والله شي يقهر اجهزه من اعلى المستويات << متعوب عليها
واشياء من جد سابقه عصرها
وان شاء الله الصور تثبت كلامي

والصور ان شاء الله بكره

ووالله ياشباب ويا صبايا ان مازدت ولا نقصت ولا حرف ناقلها لكم نصاً
والله على ما اقوله شهيد


والي مو مصدق يروح يدخله ويشوف







.
.
.
.
.
.

  
قديم منذ /10-31-2009, 01:46 PM   #3

ابتسامة عرقه

غير موجود

 رقم العضوية : 37
 تاريخ التسجيل : Apr 2009
 الجنس : أنثى
 المكان : ♥ عرقهـ ♥
 المشاركات : 1,608
 النقاط : ابتسامة عرقه المستوى الرابع ابتسامة عرقه المستوى الرابع ابتسامة عرقه المستوى الرابع ابتسامة عرقه المستوى الرابع

SMS 

حٍينَ أتأملُ أتٍسَاع السَماءْ أُدركْ أنْ الضٍيقَ سَيتلاشَى .. وأبْتَسٍمْ =)

MMS

 

افتراضي




هالصوره من غرفة الحاسب الآلي حقهم
يالله دخلوا الرقم السري حق لوست عشان يبدا العد التنازلي من جديد عشان ماتجينا الهزة الأرضيه



شوفوا ضخامه الأجهزة , تحسونها شئ قوي , وتذكروا انها من عام 1400
يعني صدق شئ يذهل << صورة مع يذهل



مدري وشو




مدري وشو بعد بس يمكن حق تسجيل مكالمات او هيك شئ



نو كومنت
لكن شكله من اثار الأذرس



مافيه احد منكم عمره اكثر من ثلاثين ؟ - عشان بس ماتوضح الفقشه -
هذا يقولكم ياطويلين العمر , قبل 30 سنه كانوا يسمون كبار الشخصيات كنار الشخصيات
لكن طبعا مع عوامل التكيف والتعريه تحولت من كنار لكبار



أحد الأسياب







عشان تصدقونـ(ـن) بس ان بعض الاجزاء منوره بس





منقول من بريدي !
علماً بانه منتشر في المنتديات








.
.
.
.
.
.

  
قديم منذ /10-31-2009, 02:02 PM   #4

ابتسامة عرقه

غير موجود

 رقم العضوية : 37
 تاريخ التسجيل : Apr 2009
 الجنس : أنثى
 المكان : ♥ عرقهـ ♥
 المشاركات : 1,608
 النقاط : ابتسامة عرقه المستوى الرابع ابتسامة عرقه المستوى الرابع ابتسامة عرقه المستوى الرابع ابتسامة عرقه المستوى الرابع

SMS 

حٍينَ أتأملُ أتٍسَاع السَماءْ أُدركْ أنْ الضٍيقَ سَيتلاشَى .. وأبْتَسٍمْ =)

MMS

 

افتراضي

اشونها مستودع اجهزه يلعبون علينا
هالغرفه داخلها كراااتييين hp وااجده الى السقف اجهزة جدييييده
ماقدرت اصور لان داخل الغرفه مظلم مره








احد غرف العمليات , باللهي ماتشبه غرف مستشفيات الأذرس
قايلكم لووست لوووست




جهاز بغرفة العمليات , شكله حق الاكسجين وتخطيط القلب والحاجات هذي




غرفة عمليات ثانية , شكلها حقت استنساخ على كثر الأجهزة اللي فيها



بسم الله علينا الرحمن الرحيم
نصابين رحنا لمكانهم ولا لقينا شئ




مخطط الدور الأرضي للمستشفى , الغريب اننا مالقينا الا دورين , ويوم قوقلت عنه
مكتوب انه 8 ادوار , يبيلنا روحه ثانية نشوف الأدوار الباقيه وين راحن




يوم شفت هالكيبورد تذكرت دقة كمبيوتر صخر , - تنننا تتننننااا تنننااااا -




نعم نعم , هذا هو شكل المرأه قبل 30 سنه
قولوا بعد اني كذاب هااه , هذي الصوره دليل واضح امامكم انا لم آتي بخزعبلات من راسي
- اهم شئ انه للحين مافيه احد اكبر من 30 سنه بينكم عشان مايفضحنا -




سوي ادفع فاتووورااااه بعدين سوي ارجع مره تاااني
الرسبشن حقهم










.
.
.
.
.
.

  
قديم منذ /10-31-2009, 02:04 PM   #5

ابتسامة عرقه

غير موجود

 رقم العضوية : 37
 تاريخ التسجيل : Apr 2009
 الجنس : أنثى
 المكان : ♥ عرقهـ ♥
 المشاركات : 1,608
 النقاط : ابتسامة عرقه المستوى الرابع ابتسامة عرقه المستوى الرابع ابتسامة عرقه المستوى الرابع ابتسامة عرقه المستوى الرابع

SMS 

حٍينَ أتأملُ أتٍسَاع السَماءْ أُدركْ أنْ الضٍيقَ سَيتلاشَى .. وأبْتَسٍمْ =)

MMS

 

افتراضي



والله اجهزه قوية , حسافة مثل هالمستشفى يترك ويرمى !




قسم العناية المركزه




شكلنا ضايقناهم بهاللمبات , ويقولنا طفوهن لاخلصتوا
تف تف برى وبعيييد
طيب اسفين طال عمرك



منقووووووووووووووووووووووول من بريدي!











.
.
.
.
.
.

  
قديم منذ /10-31-2009, 07:31 PM   #6

عشقي هواها*

اوسمتي

غير موجود

 رقم العضوية : 147
 تاريخ التسجيل : Jun 2009
 الجنس : أنثى
 المكان : دنيا سكنها الخير
 المشاركات : 4,637
 النقاط : عشقي هواها* المستوى السابع عشقي هواها* المستوى السابع عشقي هواها* المستوى السابع عشقي هواها* المستوى السابع عشقي هواها* المستوى السابع عشقي هواها* المستوى السابع عشقي هواها* المستوى السابع عشقي هواها* المستوى السابع عشقي هواها* المستوى السابع

SMS 

رتّبتُ أُمنياتي في {طابورِِ} الدّعاء وأَرسلتُها عالياً إلى الله ستصبحُ يوماً غيوماً يبللنِي مطرها

MMS

 

افتراضي

بصراااحة لاتعليق <<انسانه خوافه جدا
يعطيك العافيه بسومة على القصه
وفعلا الاجهزة شبه جديدة مامصيرها؟
تقبلي مروري
دمتِ في حفظ الله









  
قديم منذ /10-31-2009, 09:03 PM   #7

أبو عبدالإله

غير موجود

 رقم العضوية : 15
 تاريخ التسجيل : Apr 2009
 الجنس : ذكر
 المكان : عرقة
 المشاركات : 1,697
 النقاط : أبو عبدالإله المستوى الرابع أبو عبدالإله المستوى الرابع أبو عبدالإله المستوى الرابع أبو عبدالإله المستوى الرابع

SMS 

الدنيا مطيتك إن ركبتها حملتك وإن ركبتك قتلتك

MMS

 

افتراضي

أصابني الرعب وأنا أقرأ وشلون عاد لو كنت معهم ؟!



هذه صورة وحدات تخزين للكمبيوتر وتسوى ملايين في ذاك الوقت وما نقول إلا حسبنا الله ونعم الوكيل .









  
قديم منذ /10-31-2009, 09:05 PM   #8

محمود درمش

غير موجود

 رقم العضوية : 172
 تاريخ التسجيل : Jun 2009
 الجنس : ذكر
 المشاركات : 146
 النقاط : محمود درمش المستوى الأول

 

افتراضي

.

بصراحة ..
جلست خمس دقائق
حتى استطعت استيعاب أن الموضوع منقول


لكني قرأته بشغف شديد
فمنذ أيام الدراسة في المرحلة المتوسطو والفضول يدفعني
لاستكشاف خبايا هذا الصرح المجهول

شكراً جزيلاً







عند الصباح .. يحمد القوم السرى

  
قديم منذ /10-31-2009, 10:31 PM   #9

أم سعيد

غير موجود

 رقم العضوية : 141
 تاريخ التسجيل : May 2009
 الجنس : أنثى
 المكان : ~ فريج ~
 المشاركات : 987
 النقاط : أم سعيد المستوى الثاني أم سعيد المستوى الثاني

SMS 

بأية حال عدت يا رمضان ؟

MMS

 

افتراضي

حين قرأت القصه لأول مره .. لم أستطع اكمالها )=
لكنها مرعبه جدا )"=
وللأسف ..!
انتشرت كثيرا ..!
وشوهت سمعة عرقه بعد انتشارها )..=










.





الله يخلــينا لنا ..~







نملك الخيار وخيارنا الأمل .. ~
مادام الأمل طريقا فسنحيا .. ~






سأمضي ..~

  
موضوع مغلق

مواقع النشر (المفضلة)

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 12:05 PM.


Powered by vBulletin® Version 3.8.1
Copyright ©2000 - 2024, Jelsoft Enterprises Ltd diamond
This Site Under control | Open Eyes Product
vEhdaa 1.1 by NLP ©2009