محمد الشهــري .. تحديــث مستـمر .... ، ! ~

[سفيرة الإحســـاس ..]

أسعد الله مساكم حبايبنا ..يامساء الشعر .. يامساء الرومانسيه لـ شاعر الر ومانسيه ..،
محمد الشهري ..
راح أنزل لكم مجموعه من قصائد الشاعر الفذّ .. وأتمنى من كل قلبي تروق لذائقتكم
راح اترككم مع القصيده .. اللي كل بيت يمثل فيها حكمه لحاااله
اوقــات سعيده لقصيده مليئه بالمشاااعر







يامدلعه لاتدعين الضيق وأنتي في سعه...
الضيق للي ما إتسع له صدر محبوبه لا ضاق...!

القلب نـفسه عند متبهــذل وعند مدلعه...
الفرق في صدق المشاعر والأحاسيس الرقاق...

الله .. ياكم لي وأنا منك الوفاق أستطلعه...
والحين لا أنتي ولا قلبك ولا حتى الوفاق...

آخر حكاية حب .. وأول جرح كنت أتوقعه...
إلي برواق تحبني .. تقدر تفارقني برواق ...

إحساسك أصلا ما يناسبني وأنا ما أنـفعه...
مادام لي مبدأ .. ولك نيه تبيعين الرفاق...

الناس قالت من يبيعك وإشترى غيرك بعه...
لا تلحق اللي منك ما يستاهل أسباب اللحاق...

إخترت أموت ولا يقولون الخلايـق إمعه...
وإخترت أفارق والصدق .. ياكره كرهي للفراق...

أصبحت مثل اللي يدور للجهات الاربعه...
راح الجهات الاربعه ولا زال في نفس النطاق...

المشكله وده يفضفض .. بس كلن يصفعه...
من وين ما وجه بوجهه للأسف يلقى طراق...

الحزن يجتاحه وشكل في حياته زوبعه...
وإحساسه بإهمال الجميع يضاهي إحساس المعاق...

الظاهر إن الناس في قلب المواجع مبدعه...
والظاهر إني صرت ممن لايطيق ولا يطاق...

الحب .. من ذا اللي يقول : الحب دنيا ممتعه...
في ذمتي مايقولها لو كان مما ذقت .. ذاق...

إن شاف نفس اللي أشوف وماسمعته يسمعه...
يختار له نار الفراق .. ولا يجي جنة عناق...

العاشق اللي مامعه غير إنتفاضة مدمعه...!!
الله يكون بعون قلبه .. واحتراقه .. إحتراق...

إن جيت تلقى حالته حاله .. وشبه مضيعه...
أحيان يتنفس ولكن أغلب الحال .. إختناق...

إنهد حيله .. وإنجرح .. وإحتاس في هالمعمعه...
محتار مايدري على ويش الزعل والإنشقاق...

إنصب تفكيره على (ماذا وراء الأقنعه)؟؟؟...
مسكين كان آخر ضحيه للخيانه والنفاق...

ألحين .. ياضده تكون الناس .. وإلا .. يامعه...
مايعترف بالأوسطيه .. والثقه .. والإتفاق...

أرثي لحاله عندما يكتب على الرمل إصبعه...
(هذي نهاية مايسمونه.. محبه وإشتياق)...

مجنون ليلى .. يتبع أهواءه وحنا نـتـبعه...
يعني أنا وألآف غيري .. نندرج ضمن السياق...

الصدق .. لو هم الرجال .. في كلمتين .. تقلعه...
ماتمنعه أحيان كلمة (يبغض الله الطلاق)...

السالفه أكبر من إنه يمتنع .. أو تمنعه ...
مادامت الدعوه مصير إنسان مربوط بوثاق...

إن حب .. حب الله يعينه .. والحشا متولعه...
من وين ما قلبه يسوقه من ورى خشمه يساق...

الود ودك لا وصل للوضع هاذا .. تقنعه...
(مهما إستمر الحب .. يبقى آخر الحب .. إفتراق)...

أكبر غلط لو شخص متبهذل يحب مدلعه...
والأخت .. ماتقدر توسع خاطره لو يوم .. ضااااق...

&&&&&&&&&&&&&&&&&&&&&&&&&&&&&&&&

[صمت عرقه]

سفيــــــــــرة الإحســــــــــــاس


ابيــــــــــــات رائــــــــــــعه وجميـــــــــــله

اللـــــــه لا يحرمنـــــــــــا مــــــــــن ذائقتـــــــــــــك الرائــــــــــــعه


تقبــــــــــــــلي مروووووووووي

ودمتــــي بخيــــر وود

[عبدالله عبدالرحمن الجنوبي]

السالفه أكبر من إنه يمتنع . . أو تمنعه ...
ما دامت الدعوه مصير إنسان مربوط بوثاق


عزيزتي السفيرة


تسلم أناملك على الرائعة وصح لسان الشهري المتألق
وكل بيت يسوى أكثر ..موداتي


أطيب المنى ،،

[دانه]

يعطيك العافيه ياذووووق

[سفيرة الإحســـاس ..]

صمت عرقه .، شفــوق .، دانـــه
أكتفي بردودكم التي هي بمثابه الدافع لي لاعدمتكم نفر نفر .. >>نفر لغه عربيه فصحححى

اتمنى لكم قضاء أمتع الأوقات
قصيــدة: الحــادث . .


إفرضي اني طلعت وكنت متنرفز كثير..
ورحت من عندك مضيع في الأماكن والجهات..

بعد مااشتد الخلاف بوضعنا واصبح مثير..
قلت :أهدي والعن الشيطان واطلع في سكات..

إتجهت..وسايقن سيارتي عكس المسير..
وصار لي حادث..ومت..وخبروك :فلان مات؟

علميني..عندها بالله وش ممكن ييصير؟
لوعرفتي من عقب زعلتك..فارقت الحياة..

تلطمين خدودك..تشقين ثوبك..مايضير..
دامك تلومين نفسك بعد مافات الفوات..

ليه ماقلتي لي: إقعد والزعل ملعون خير..
ووالله ماتطلع كذا باعصاب مافيها ثبات..

ليه خليتيني أمشي حالتي حالة ضرير..
ولا يعني كان حبك ..حب انانية وذات..

وليه انا من بعد كنت الشخص الاول والاخير..
في حياتك وبسهوله صرت مثل الذكريات..

والله ان تبطين وانتي ما على شفتك غير..
اسمي المكتوب ضمن اوراق تقرير الوفاة..

تندمين العمر كله ..أو..يأنبك الضمير..
مافرقت .. مادمت ماضي ..في ملفاتك ..وفات..

بس يبقى ذنبي برقبتك ..وانا الصب الاسير..
اللي كبلني غرامك والوفا والتضحيات..

جربي الدنيا بدوني .. كيف واقعها مرير..
وكيف لا عزوك فيني وصرت قدامك ..رفات..

تدركين بوقتها معنى العبوس القمطرير..
وتشعرين انك يتيمة اهل واخوان وخوات..

وتذكريني .. تذكرين الشعر ..وانسام العبير..
والعطر .. والورد .. وألبوم الصور .. والأغنيات..

والسوالف والغنا وإهدائنا عبر الأثير..
والإضاءة الخافته..والليل وأحلى الأمنيات..

والرسايل .. والشموع اللي في مأوانا تنير..
والمجلات القديمة .. والكتب .. والملزمات..

والهدايا من قطع الماس وعطور حرير ..
والأثاث اللي خذا حمرته من لون الشفاه..

والبحر والصيف والشاليه والثوب القصير..
والشتاء واحظانك اللي غير كل المدفئات..!!

والإجازة والسفر والعيد والمطر الغزير..
والمقاهي .. والمطاعم .. والطرق .. والتمشيات..

وإسمي اللي مخزن بجوالك الباندا الصغير..
أجمل الإحساس .. لكن..مات ياست البنات..


ذكريات تحاصرك من كل صوب وتستثير ..
دمعتك في كل غمضة وانتباه وإلتفات..

عن حكاية حب في هالوقت منقطع النظير ..
حب يكرم عن ردى الشهوه.. وألسنة الوشاة..

حب مدري ويش بكتب عنه؟ لكنه كبير..
أكبر من احساس أصدق شاب مع أوفى فتاة..

بس .. لا تبكين .. يبقى كل ماقلته نذير..
وافتراض لكل مايمكن حدوثه لي ,, وآت

لجل ذلك فكري وش هي النهايه والمصير؟؟
كلها حفره وجمع من الملا.. عقب الصلاة

والله ماتسوى الحياة نزعل الغالين مير..
ساعة الضيق يتعكر صفو الأنفس والذوات..

ليش اجل مانستغل الوقت دام احنا بخير..
وليش مانرضي حبايبنا .. ويلتم الشتات ..

يعني لازم ننتظر؟ والواقع أيامه تطير..
واحنا ماندري نبات الليل .. ولا .. مانبات.؟؟

العشير . أصلا يحز بنفسه يزعل عشير..
الله أكبر .. كيف ماحزت بنفسك هالسوات ؟؟

يوم شفتيني طلعت ووضعي النفسي خطير..
وقتها .. اشدراك يمكن موتتي حانت وجات..

فاحرصي دايم علي.. ولا تغيظيني كثير..
واذكري دايم شعورك لا دريتي وقيل ..مات...

[صمت عرقه]

سفيـــــــــــــرة الإحســــــــــــــاس


قصيــــــــــــده قمـــــــــــــــة بالرووووووووووعه والابــــــــــــــداع


نــــــــــــــــال اعجـــــــــــــــابي كثيـــــــــــــــراً


صـــــــــــح لســــــــــــان شاعرهـــــــــا/وسلمــــــتي علــــــى هالذائـــــــــــــقه


اللــــــه لا يحرمنــــــــــا مــــــــــن ذائــــــقتك الرائــــــــــعه


تقبــــــــــلي مرووووووووي

ودمــــتي بأبــــــداع وود

[سفيرة الإحســـاس ..]

عُــدنــا والعود احمـدُ ُ ُ


لو خسرتك ماخسرت العمر والدنيا متاع..
وأدري إني لو خسرتك ماخسرت إلا القليل..


بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..


والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..


وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..


البشر واحد..نعم!..بس فرق الإنطباع..
يجعلك يمي تميل ..ويم غيري ماتميل..


يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..


وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..


بيض الله وجهك اللي ساتره تحت القناع..
ورايتك بيضا معاي وياعسى عمرك طويل..


يعني أعطيك الثقه وتردها بـ >> لوي الذراع << !
ياخي ماشاءالله علييييييك أبدعت في رد الجميل.. !!



مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..


كم وأنا عيت أصدق فيك قدر المستطاع..
من غبائي كنت أسكت وأعذرك وأثر الحصيل؟..

جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..


والله إني كنت أحبك حب.. وأتبعك إتباع..
كنت لجل أرضي غرورك بس أسوي المستحيل..


كنت أعمى فيك..لالا كنت ميت للنخاع..
كنت مدري كيف؟ لكن كنت صادق معك حيل..


كنت أمارس في غرامي لك سياسة الإنصياع..
وكنت لاغي معك فكرة أعتزل أو أستقيل..


إندفعت بكل مافيني ..وسوء الإندفاع..
يجبر الإنسان أحياناً.. يفكر بالرحـــيــــل .. !


صدمتي فيك إنت..خلتني أفكر بإقتناع..
إن قتل النفس راحه لو أنا كنت القتيل..


إنفجر راسي من التفكير..وإزداد الصداع..
كيف أنا بفتك من جرحك؟؟ودوشة<<قالٍ وقيل>>..


صرت سيره في حلوق الناس وتالي هالضياع..
أنتحر!!معقول؟؟ يالله وش هذا الغليل؟؟..


رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..


لاغدى <مستقبلي والماضي> أطراف النزاع..
وصفحة الماضي سواد وشيء من هذا القبيل..


فلازم أنسى لجل أنهي بداخلي هذا الصراع..
ولازم أتقوى ..عشان أحقق النصر الجليل..

وطالما إن الهجوم أفضل وسيله للدفاع..
مستحـــــــــيل أرضخ لو إن الحمل ياربعي ثقيل..


والبخيل اللي نساني وإشترى فيني.. وباع..
يـــــــــــذلف الله لايرده.. والله بجرحي كفيل..



وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..


طالما كان السبب في قوتي.. قبل الوداع..
بلغـــوووووه أقل شيء! (( بخالص الشكر الجزيل ..

&&&&&&&&&&&&&&&&&&&&&&&&&&&&&&&


الأعضـاء النايميييين الله يسامحهم .. بس مانسيييت الزوّااار

[نور عرقه]

المشكله وده يفضفض .. بس كلن يصفعه...
من وين ما وجه بوجهه للأسف يلقى طراق...

الحزن يجتاحه وشكل في حياته زوبعه...
وإحساسه بإهمال الجميع يضاهي إحساس المعاق...
~~~~~~~~~~~~~~~~~~~~* { جمـــــــــــــــــــــــــيلي بجد اعجبني هـ البيت يحكي عن الوضع }

سـفيرة الاحسأس / سلمتي على ذائقتك الشعريه كل الود لـ سموك .. { .. .. }

[صمت عرقه]

صـــــــــــــــح لســــــــــــــانه/وتسلمــــــــــي علـــــــــى هالذائــــــــــقه

[سفيرة الإحســـاس ..]

صمت عرقه ونوورها .. كل الشكر لمروركم
انتظروونا