نقطه تحول

[العرق عرقاوي]

السلام عليكم ورحمه الله وبركاته


يا اخواتي وياحبيباتي حبيت اجيب لكم موضوع يمكن نستفيد منه بالحياه
والواحد يتعلم من اخطاء غيره ومافيها شئ صح ؟؟؟




وخلاصه الموضوع كل وحده تكتب موقف تعلمت منه شئ جد مفيد في حياتها سواءا حصل لها او لغيرها
وغير لها شئ بداخلها يعني نقطه تحول في حياتها وطبعا المواقف كثيره

وابداء انا يوم وفاه امي الله يرحمها
كنت قبل بنت جدا دلوعه ومااعتمدت على نفسي باي شئ كل شئ امي تسويلياه
لدرجه حتى اذا بغيت شئ من اخواني هي تكلمهم عني باختصار معاد صرت ادبر شئ
طبعا هذا مو خطا امي خطاي انا
المهم بعد ماتوفت الله يرحمها توهقت بقوه لدرجه جلست سنه ونص الى سنتين
عشان اعتمد على نفسي بشكل كلي


هذه
نقطه تحولي الاهم في حياتي واللي افيد غيري فيها باختصار اعتمدو على انفسكم وحطو هدف لكم
واسعو لتحقيقه محد باقي لكم غير ربي سبحانه



واتمنى من البقيه يفيدونا وشاكره لكم

[بنت الدخيل]

موضوعك في قمة الروعة حبيبتي العرق عرقاوي


كنت بنت محصلة من يدافع عني بكل موقف انحط فية وكنت مرررة مرتاحة


بس بعد وفاة الوالد الله يرحمة والمسلمين أجمعين تغيرة حياتي
وعانيت كثيــر عشان اعرف كيف ادافع عن نفسي ... حتى من اقرب شخص لي

والحمدالله ...


نصيحتي :
دافعي عن انفسك مهما كـــا الي قدامك...

[العرق عرقاوي]

[quote=بنت الدخيل;30982]موضوعك في قمة الروعة حبيبتي العرق عرقاوي



حبيبتي تفاعلك الاروع وياليت الباقين يدلون بدلوهم والكل يستفيد



وشاكره لكم

[العرق عرقاوي]

بما ان مافيه اي تفاعل من اخواتي
ومافيه الا انا اللي اقرق لحالي بتكلم وافيد على الاقل اللي يقرا

مره اخوي جاب لي نظارات وانا بزر( صغيره)
وكان فيها لزقه مطبوعه طباعه ي وسط النظارات المهم مسكتها وجست انا وياها احكها الليفه تمشخت
القزازه(الزجاجه)ولا راحت كلها
دخل اخوي وانا اهندس فيها وببساطه مسكها وبخ عليها عطر ومسحها وانمسحت


عرفت بعدين ان مو كل شئ يجي بالقوه
وفايدتي لكم اليوم
فكرو قبل ماتتخذون قراراتكم وترى مو كل شئ يجي بالقوه احيانا كثيره بالحكمه تملك الدنيا ومافيها


اتمنى تفاعلكم

[العرق عرقاوي]

يا اخواني المشرفين اتمنى نقل الموضوع للعام
لان مافيه اي تفاعل هنا
لتعم الفائده للمجميع
وشكرا