شف دنيتي يا صاحبي عقب فرقاه...

[ميتووو]

ياويل قلبي كل مااشتقت لقياه
...........وشلون ماتشتاق عيني لعينه

أنا أدري إني حيل أحبه وأهواه
...........وأنا أدري إن القلب صار بيدينه

أموت أنا به في غيابهوأحياه
...........وشلون أجل لو صافحتني يمينه

حاولت أنا اكتم عبرتي يوم فرقاه
...............وألملم جروح الزمان الطعينه

واعطيه من قلب المعنّى معاناه
............وآخذ من جروحه ولو هي دفينه

وأضيع به في زحمة الناس وأنساه
.......وأنسى معه ذكرى السنين وحنينه

لقيت نفسي كل ما حل طرياه
...............عروق قلبي كلها تقول وينه

يامر على قلبي ولا شك ينهاه
................كلي أنا تحت الإشارة رهينة

ما كل من يضحك سعيد بدنياه
...........وماكل من يبكي دموعه حزينه

أحدن بكى .. والكل يدري عن بكاه
.........واحدن مع الضحكه تحس بونينه

ياشين فرقى الحب وياشين بلواه
........والمشكلة دنيا بلا حب .. شينه

والزين ما يكمل ولو كان ماحلاه
...................إلا حبيبي ماتغيّر بزينه

ماجيت أسولف عن حلاه ومزاياه
.........يكفي أحاسيسي وقلبي عارفينه

الشعر يعجز وصفه في قفاياه
..............لكنه بعيني يساوي كل الزينه

كن الفضا في غيبته ضاق مسعاه
...............وكني غريقٍ ينتظر له سفينه

شف دنيتي ياصاحبي عقب فرقاه
............مثل الظلام اللي حصل بالمدينة

باكتبه أنا في صفحة الشعر واقراه
.............وباذبحه بزود الغلا دون سكينة

وبارسمَه في لوحةالشعر وانعاه
................وبادفنَه بين الضلوع الحنينه

بوسط الحشا في داخل الصدرمثواه
...................إما يسار القلب وإلا يمينه

صحيح إن الحي يعطيك الحياة
...................مير البلا حيٍ وزادك غبينه

[عرقاويه وكلي فخر]

حلــــــــــــــــــــــــــــــــــــوه مـــــــــــــره
يعطيكـ العافيه

[ميتووو]

يعافيك مشكوره بس حلوووووووه حكرات

[صمت عرقه]

قصيـــده قمــــــة بالرووووووووووعه/راقــــت لـــي كثيــــراً


صـــح لســــان شاعرهـــا/وسلمتــت علــى هالذائـــقه

اللـــه لا يحرمنـــا مــــن ذائــقتك الرائــــعه

تقبـــــل مرووووري

ودمــت بخيــر وود

[عبدالله عبدالرحمن الجنوبي]

وأضيع به في زحمة الناس وأنساه
وأنسى معه ذكرى السنين وحنينه
-----
ما كل من يضحك سعيد بدنياه
وما كل من يبكي دموعه حزينه


ميتوو

أبدعت في الإنتقاء للكلمات الرائعة .صح لسان شاعرها

أطيب المنى ،،