لأنه من أبناء عرقه القديمة
أحببت أن أطرح بين يديكم أخر ماكتبه من قصائد الأستاذ والأديب الشاعر: ناصر المطيري
الواقع اللي يناقض حالة الصوره
يجسد اوضاع عيشتنا وحالتها
نسمع كلام الحكيم وناخذ بشوره
ونقرب من الصفوه اللي بعيد نظرتها
الطيب دايم مع اهل الطيب له دوره
والناس لولا وفاها ويش قيمتها
ناسٍ ترفع وناس تعيش مدحوره
وتبقى النفوس العزيزه فوق قمتها
ماهمها غير شوف الكل مسروره
وتذليل هم الخلايق من مهمتها
افعالها دايمٍ بالخير مذكوره
ماينثني عزمها من قو همتها
لو مرت ايامنا تختال مغروره
نضحك لها ونتحرى يوم بسمتها
يا طلة الفجر ممنونه ومشكوره
ياحلو هاك العيون وحلو نظرتها
على كثير الحكي مانتي بمجبوره
وطول السوالف عن الفرقا وسبتها
انا معك تو مشواري بدا نوره
تو المشاعر معك زادت حرارتها
خلي جروحك هنا في الصدر مغموره
قلبي وحدب الضلوع تحب صحبتها
بنيت لك من بيوت الشعر مقصوره
يامن خذت من قصيدي كل حصتها
وسلامتكم