عسى فستانها اشواك وفي ثوبه عقارب سود 77

فله · منذ /12-29-2009, 06:03 PM

اليوم جبت لكم قصيده من اقوى القصايد اللي سمعتها

قطع قلبي الشاااعر .. وحسبي الله عليها البنت .. ماعندها قلب ..

اتركككم مع ابيات القصيده ..... المحزنه ..

ثلاث سنين انا اخطط لهذا اليوم يابو سعود

تيسر حالي وجاهز اوفي وعدي بوقته

وفجأه جتني تتعذر تقول تأخرت الوعود

وانا مستغرب واسمع كأني وعدها خنته

حسبت انها تمازحني وتتصنع جفا وصدود

ضحكت بوجهها من قلب مع انها بايخه النكته

وقالت ارضى بالواقع قلبي ماهو المعهود

تغير كل شي صوبك .. نصيبي مااظن انته

كنت في يوم محبوبي ولكن مااظن نعود

وصل من قبل ماتوصل وانا ذاك الصبر عفته

ولكن تكفى صدقني ويشهد ربي المعبود

ترى ماخنتك بغفله ولا كلمته وشفته

صراحه اهلي قالوا لي بأنه ولد اصل وجود

وجتني امه بالصوره .. وبكلمات المدح اخته

سكت وقلت هي فرصه مدام الجود في الموجود

وقالوا كل من حولي علامات الرضا سكته

وانا فكرت دام امه واخته ماعليهم زود

اكيد اني براضيهم اذا وافقت واخترته

واراضي اهلي واخواني مدام ان الفرح مقصود

عطيت الناس انا كلمه ومعاهم وقتي حددته

ولا اقدر اغيرها ترى عند العرب منقود

اوافق واعتذر باجر واقول الراي غيرته

تبي تشرح لي المنقود .. تصدق عاد يابو سعود

تبيني اقتنع وارضى بحالٍ عمري ماعشته

انا ماني بقايلها عسى يفرش ثراها ورود

بعد ماحطمت قلبي وطعم الموت جربته

عسى بفستانها اشواك وفي ثوبه عقارب سود

ونار تحرق الكوشه وتحرق بيتهم حتى

وموت بليلة الدخله يبرد حرتي ياكود

ولا احس انها بحضنه .. يلامس خد لامسته

علي اهون اذا ماتوا ولا بنفس السرير رقود

ترى صعب علي اتخيل اللي ماتخيلته

عسى قاع الثرى يقسى ويتحول صخر جلمود

وحفار القبر يرفض يسوي فوق مقدرته

ترى دفنة عديل الذات تلوع حتى جبد الدود

ومن خان العهود ومات تعافه حتى مقبرته

عسى ربي يجازيهم بحبل من مسد ممدود

يعلقهم من اطرافه وفوقه نارٍ وتحته

انا ماني حقود وشين ولاني من نسل نمرود

ومن حط نفسه بوضعي بيقول اللي انا قلته

مدام الفعل له ردة فعل والله ابشري بردود

بدعي دامني حي وبغرس للدعا نبته

وبسقيها نزيف القلب ودمع مارحم الخدود

وتكبر والثمر ثاري من اللي خانني وصنته

انا نذر علي اكتب وافجر هالقصيد رعود

واسمع كل البشر صوتي عجبته ولا زعلته

واردد للي يسمعني اذا حبيت .. حط حدود

انا حبيت دون حدود .. وشوف اللي تكبدته

ثلاث سنين انا ابني وجت صوره بكل برود

خذت مني شقا عمري وحلم قلت حققته

ثلاث سنين انا اخطط لهذا اليوم يابو سعود

وتوافق من كلام اخته .. وصوره اربعه في سته

منقققققققققققققققول