جتني بلاد الشام في صورة" غير

[صمت عرقه]

حلمت حلم .. ما يبي اي تفسيـر
وقض جروح الصبر والعمر لحظات

جتني بلاد الشام في صورة" غير
بنت " بلاها الحزن نبره ولمحات

قالت من اي بلاد .. من قبل لا آحير
قلت الجزيره وارض كل الفتوحات

قالت عرب بس العرب مابهم خير
قلت العيون تشوف وقلوبنا اموات

ما عاد به قوم" على العايل تغير
ابطال لكن .. فالصحف والمجلات

حكامنا الغالين .. ويش المعاذير
من كل حرّ دون عرض الوطن مات

لبنان تستنجد .. وراحت ولا ضير
لان حن غرقنا فـ اللهو / والملذات

وبغداد راحت في تخاذل وتقصير
وراحت فلسطين العزيزه ولا جات

يا بنت .. ضاع الحق مابه مغاوير
غير ادعي اللي فوق سبع السماوات

نحس فيكم .. بس ما فيه تغيير
نفس الحزن نفس الامل والتنهات

قالت صلاح الدين ما شاف شـ يصير
قلت اتركي التاريخ .. وعيونه تبات

قالت بلاد المسلمين .. وهل الخير
معقول مابه في هل الدين وقفات

قلت اسمعي بالصدق والسر في بير
قالت طلعت تخاف .. وين البطولات ؟

قلت اي نعم نملك جيوش وطيايير
لكنـها .. لـ العـرض / والاحتفـالات


لشــاعر حمـد البريـدي

[خاتم ذهب]

اقتباس قلت اي نعم نملك جيوش وطيايير لكنـها .. لـ العـرض / والاحتفـالات

صح لسانك ياحمد

سلمت يمناك ياصمت على اروع اختيار

لاعدمناك يامميز

[صمت عرقه]

اقتباس المشاركة الأصلية كتبت بواسطة خاتم ذهب صح لسانك ياحمد سلمت يمناك ياصمت على اروع اختيار لاعدمناك يامميز

صح بدنك عن شاهرها

الله يسلمك

الاروووووووووع مروووووووووورك العطرررررررر


لاعدمنا مروووووورك وتواجدددددك الدائم

ودمتي بخير وود

[نور عرقه]

ماشاء الله عليك ياصمت من متابعين " الشاعر حمد البريدي "
اعجبني البيتين يقول فيها :

يا بنت .. ضاع الحق مابه مغاوير
غير ادعي اللي فوق سبع السماوات

نحس فيكم .. بس ما فيه تغيير
نفس الحزن نفس الامل والتنهات

الامل والتوكل بالله ان شاء الله مايخيب ,
والله يثلج صدورنا بنصرهم نصر اجلأ غير عاجلأ , يارب
تسلم يمنآك ولا شلت , ولله يرفع قدرك على الابيآت الجمميله

^
موفق ان شاء الله

[صمت عرقه]

اقتباس المشاركة الأصلية كتبت بواسطة نور عرقه ماشاء الله عليك ياصمت من متابعين " الشاعر حمد البريدي " اعجبني البيتين يقول فيها : يا بنت .. ضاع الحق مابه مغاوير غير ادعي اللي فوق سبع السماوات نحس فيكم .. بس ما فيه تغيير نفس الحزن نفس الامل والتنهات الامل والتوكل بالله ان شاء الله مايخيب , والله يثلج صدورنا بنصرهم نصر اجلأ غير عاجلأ , يارب تسلم يمنآك ولا شلت , ولله يرفع قدرك على الابيآت الجمميله ^ موفق ان شاء الله

هلا بأختي نور عرقــه

منوووره الصفــحه ^_^

اسعدنــــــــي مروووورك الرائــــــــــع

اي من متابعينه ^_^بتويتر!

لاعدمنــاك

دمـتي بخيـر وود