يابنت (قصيده روعه)

[ميتووو]

ياساقيتني عن ظمأ البعد فنجال
صبيت لك في ماضي الوقت دله
واليوم يوم انه تبدل بي الحال
قلتي عزيز وطاح نقدر نذله
أبشرك ما طاح لفراقك أعقال
ولا صلى قلبي من الشوق مله
رجال ماهو قول لاوالله افعال
لامن حنيت الظهر للحمل اشله
ماتفرحين ابدمعتي لومعك مال
وقتٍ على قلبي سيوفه مسله
اصبر ولو صبري على دنيتي طال
واخفي بوسط القلب مليون عله
صادق مع نفسي ولا يمكن احتال
ورضى بنصيبي لو خذا الحظ جله
انا عطيتك طيب قلب وسعة بال
وعليت لك هرجٍ وأنا صعب أعله
يابنت مايروي العطش منك فنجال
لاصرت ضامي شوق والقرب دله
اما تجين انبدل الحال بالحال
ولا وربي ماحني الراس ذله

[عرقاويه وكلي فخر]

صح لسانك
قصيده روعه

[ميتووو]

صح بدنك
مشكوره هذا بس من ذوقك

[محب عرقه]

صح لسااانك قصيده رائعه جدا جدا جدا