من روائع الشاعرة عابرة سبيل :$:

[عشقي هواها*]

°•..•° عــــــابرة سبـــــيل °•..•°

كانت الراحلة الشاعرة المعروفه عابرة سبيل تكتب شعرا جميلا خلف ستار
الاسم المستعار ولكن هنا سنذكر بياناتها الحقيقية بعد اعترافها وكذلك اشياء
لم نكن نعرفها واليكم

l1اسمها الحقيقي وسميه العازمي( ام فهد ) من الكويت
2/ عمرها الحقيقي عند وفاتها43سنه
3/لديها اربع بنات وولدين

ولقد توفيت في تاريخ 18/ 3/ 2003م
وقد ذكرعنهاانها انسانه طيبه جدا وهادئه وتكره الاعلام
والمفاجاة ان زوجها لم يكن يعلم بشاعريتها الا عندما اعترفت له بذلك اثناء مرضها

وزوجها هو من تولى طباعة ديوانها ورفظت
هي ان تستلم دينارا واحدا من مبيعاته وهذا دليل على روعه هالشاعرة الطيبه رحمها الله

°•..•° عــــــابرة سبـــــيل °•..•°

ترى الذبايـح واهلهـا ماتسلينـي
انا ادري ان المرض لايمكن علاجه
ادري تبـي راحتـي يابعـد عينـي
حرام ماقصرت ايديك فـي حاجـه
اخـذ وصاتـي وامانـه لاتبكينـي
لوكان لك خاطرن ماودي ازعاجـه
ابيك في ايدينك تشهدني وتسقينـي
وداعتك لايجـي جسمـي بثلاجـة
ابيـك بالخيـر تذكرنـي وتطرينـي
يجيرني خالقي مـن نـار وهاجـه
سامح على اللي جرى مابينك وبيني
ايام امشي عـدل وايـام منعاجـه
اعيالي همي وانا اللي في يكفينـي
علمهم الديـن تفسيـره ومنهاجـه

:
اللهم ارحمها وأسكنها الفردوس الاعلى من الجنه وأموات المسلمين

وكلي أمل ان اكون قد وفقت بما نقلت

وتقبلوا تحياتي~

:

[أبو عبدالإله]

وهذه قصيدة قالها زوجها راداً عليها :

حاولت انام وحاربت عينى النـــــوم ...... وجريت صوت مثل صوت الذيابه
الجفن كنه صاير وسطه هــــــــزوم ...... ودموع عينى مثل رش الســحابه
على وليف قالوا اليوم مـــــــــرحوم ...... راح وتوفى ماتهنا فشــــــــــبابه
زرت القبوراللى على بعضها ارسوم ...... وخطيت رسم فوق ذيك النصـابه
قلبى من الدنيا عليل ومرســــــــــوم ...... والوسم توه عقب خط الكتــــابه
احبها مير القدر صار مقســــــــــوم ...... ويحبها كل الاهل والقرابـــــــــه
الموت اخذها وودع القلب مثلــــــوم ...... جرح عميق مايداوى صوابـــــه
والموت اخذ شجعان وقروم ورخــوم ...... واخذ رسول الله وباقى الصحابه

وهي القائلة :

بريال عارضته على السوق بريال ...... من باعني برخيص والله لأبيعـــه
من يشتري رجّال قصّر بالافعــــال ...... باع العهـود الماضيـه للخديعــــه
رجّال يسوى له ثمانيـن رجّـــــــال ...... كل الصفات اللي ملكها فضيعــه
له ضحكةٍ تشبه لضحكات الأطفال ...... ذيبٍ ونظراتـه حنونـه وديعــــــــه
وله فزعةٍ منها المجانيـن عقّــــال ...... وفجوج لا ضاقت عليّ الوسيعـه
ياما عدل عوجا ثقيلات وطـــــوال ...... وأنامعاقبتـه غيـورٌ صريـعـــــــــه
والله يسوى لـه ثمانيـن رجّـــــــال ...... والخبل مثلي لا زعل يب يبيعـــه

وقالت :

أنا عجـوز مطلقـة وام ورعـــــان ...... وأيضاً مدام وبنت وآنس وعانـس
أنا بدوية وعايشه عنـد حضــران ...... وبنت البحر وابوي زارع وغارس
أمية ماتعـرف حـروف وألــــــوان ...... وتلميذة دشـت جميـع المـــــدارس
ضفره وخبله ، عاقله،في نقصان ...... شرود وأنطح لي ثمانيـن فـــارس
خلونِ أعيش العبره دون عنــوان ...... طيف يمر بـلا رقابـه وحــــــارس

[صمت عرقه]

عشقي هواهــا

يعطيــك العافيــه علـتى هالقصيــده الرائـــعه والمؤثــره

الله يرحمــها ويسكنــها فسيـح جنــاته

ابــو عبــدالإلــه قصـاد رائــعه مشكور علـى الاضافه

تقبــلو مروووري

ودمــتم بخيــر وود

تقبــلي مروووري

[عشقي هواها*]

الأخ ابو عبدالإله
شكرآ على إضافتكم وتواجدكم الكريم

الأخ صمت عرقه
يعافيكم ربي
سعدت بمروركم ~

[الدبلوماسي]

الله يرحمها


كانت مبدعه


يعطيكى العافيه عشقى على هالنبذه عن شاعرتنا

[عشقي هواها*]

اقتباس المشاركة الأصلية كتبت بواسطة الدبلوماسي الله يرحمها كانت مبدعه يعطيكى العافيه عشقى على هالنبذه عن شاعرتنا

الف شكر لمروركم
دمتم بخير~