السلام عليكم
المواقف في المدرسه كثيره جدا فيها الطريف ومنها المخجل وايضا مؤلم
من المواقف الطريفه انه في يوم من الايام كنا مجموعه وكلنا غايبين وكان غيابنا بدون اتفاق مسبق
يعني ما احد يدري عن الثاني لكن اجتماعنا في اي مكان كان مزعج
بعد اخذ الغياب لاحظ الاستاذ احمد العامر غيابنا راح للاستاذ مطلق ابوناصر وقاله الشله مادرس منهم
ولا واحد طبعا غيابنا الجماعي يعني فيه كارثه
المهم ابوناصر الله يطول عمره ركب سيارته وصار يدور علينا بيت بيت دار دار زنقا زنقا ويصحينا من النوم
ويركبنا معه في سيارته المهم واحد من العيال طالع وهو معصب ويقول <ياخي وش ذا المدير اللي
يصحيك من النوم ويوديك المدرسه>
ايام يابوناصر الله يطول عمرك