أقــــــرب ألنــاس ..,,,

[نور عرقه]

القصيده :اقرب الناس

بمشي على درب له الناس يسعون
واصد عن درب الدجي والعتامة
وبقصر اليسرة عن الضيم والهون
وطلق يميني للصخا والكرامة
وبحترم نفسي وانا شخص ممنون
ومن يحترم نفسة وجوب احترامه
ماني من اللي في ذرى الحيط يمشون
ولامن اللي معتلي في مقامه
متواضع وأمشي على الحق بالهون
متوسط المعرفة والشهامة
ولي مجلس دايم له الناس يلفون
شرعت بابه والدلال العلامه
مايفتح الا فيه الاجواد يدنون
ويالله عسى اللي يقرب للسلامه
هذا طريقي وكثر الناس يدرون
صديت عن درب حلاله حرامه
ميزت ربعي بين عاقل ومجنون
واكشف بليد المنفعة من سلامه
واهل المصالح لو على يوم يبنون
في يوم ثاني يرغبون الهدامه
واهل الحكي لو لك عن الناس يحكون
بيجيك يوم ويقصدك في كلامه
لاصار سيفة لاقرب الناس مسنون
يضرب رفيقة وان اقوى في عضامه
ناس مع الكلمة يروحون ويجون
بس المصيبة يدعون الفهامه
ولانيب ديان ولانيب مديون
ولا بغيت من الهروج الملامه
ولاطلبت من المخاليق يبكون
ولا بغيت من الحزين ابتسامه
بمشي بدربي واترك الناس يمشون
كلن على كيفه رقى كل هامه
ولا صرت انا من راعي الطيب مطعون
ابيستوي قرب الرفيق وعدامه
وأن خاب ضني بأقرب الناس وشلون
بعطيك ضني يارفيق الندامه



بقلم : حامد زيد

[صمت عرقه]

نـــــــــــور عرقــــــــه


قصيـــده رووووووعه/نـــــــالت اعجــــابي

صــــــــــح لســـــانه/وسلمــــــت يمنــــاك علــــى هالنقـــل الرائـــــــــع


بـــــأنتـظــــــــــار جـــديـــــــدك

تقبــــــــلي مرووووووري

ودمــــتي بيخـــر وود

[نور عرقه]

وبحترم نفسي وانا شخص ممنون
ومن يحترم نفسة وجوب احترامه

~~~~~~~~~~~~~~~~*

واهل الحكي لو لك عن الناس يحكون
بيجيك يوم ويقصدك في كلامه
لاصار سيفة لاقرب الناس مسنون
يضرب رفيقة وان اقوى في عضامه
ناس مع الكلمة يروحون ويجون
بس المصيبة يدعون الفهامه
~~~~~~~~~~~~~~~*
ولا صرت انا من راعي الطيب مطعون
ابيستوي قرب الرفيق وعدامه
وأن خاب ضني بأقرب الناس وشلون " "
بعطيك ضني يارفيق الندامه
~~~~~~~~~~~~~~~*


صمت عــــــرقه / أسعدني مـرورك صح بدنك ..

[عبدالله عبدالرحمن الجنوبي]

وبحترم نفسي وانا شخص ممنون
ومن يحترم نفسة وجوب احترامه


عزيزتي نور عرقة

تسلمين على النقل الجميل والمميز للروائع الراقية وصح لسان شاعرها ..موداتي

أطيب المنى ،،

[نور عرقه]

عبدلله الجــنوبي / اسعدني تواجد سموك الكريـم ,,