لماذا كل هذا الغلاء ياسكااان اهل عرقه

[نواره]

انا من زماان عن المنتدى بس راجعت اطرح مشكله مرت علي اهي مكاتب العقارات بعرقه عندهم اسعار موطبعيه واستفزاز يخلي الواحد ينجن انا وحده مولده بعرقه وعايشه بعرقه وتزوجت بعرقهومن اهل عرقه بس انا ساكنه اجااار وعند واحد قرفنا في عيشتنا تصدقون ان لوتطيح ملعقه بالبيت دق علينا يشوف وش صاااروليش طاحت شخص ملقوف واللمبات لها 10شهور خربانهوطفي المبات الساعه 12 واذا تخرنا يالاجااار يوم والله ياجماعه انه جاءلنا صلاه الفجر وبعدهذا غير مووايل كثيره وفرحنا انه خلص الاجاروصرنا ندورلقينا شقق اسعارها من 25 وطالع وماتستاهل واذكر لقينا المناسبه لنا وراحنا تسلفنا 5000 انصف لمبلغ ودفعنه عربون والباقي مع الراتب وافق راعي المكتب وفرحت اني لقيت هذي الشقه بعد يومين واحنا مارين على الشارع اللي فيه الشقه لقينا ناااس ينزلون مطبخهم وشلون البيت راح زوجي المكتب العصر قال والله جاني واحد الصبح ودفع كاااش وانا اجرت الشقه لا وترى بزياده عنكم خلاص خذ عربونك مع السلامهوالله ياناس شيء يقهر
والله انه فيه شقق ماتستاهل وحطاهها راعيها بملغ وقدره طيب ليش مانكون متعاونين انا عند واحد من اخواني ساكن بشقه مرممهوحالتها حاااله بعشرين والله ياجماعه ان راتبه بس اربعه الالف وعليه اقساط2800والباقي وش بكفي اجااار اطفال لوازم الحياه انا الحين اجااري مخلص وراعي البيت يبينا نطلع واناوالله درناالمكاتب والله ماحصلت اللي يستاهل واجارنا ينتهي 27/11 واناللحين ماحلصت شقه زي خلق الله قولي ايش الحل؟انااااوالله اني ماكتب لااني تعبت من هذا الموال السنوي اللي يصير لي وادري انه مشكلتي غير بس مالي حل لاانتم يامنتدى عرقه لانهم يشفون شكونا من هالاستنزاف الله الله يالردود الزينه يااهل عرقه انكم تقولون عندنا شقه الاجااار _يمديكم على نطلت الوجه

[أبو عبدالإله]

الأخت نواره

نقدر وضعكم نسأل الله أن يفرج عنكم ويرزقكم من حيث لا تحتسبون ، ولا شك أن مكتب العقار أخطأ في حقكم وهم بالأساس سبب الغلاء وأكاد أجزم لو أقفلت مكاتب العقار لربما نزل العقار نزلة كبيرة .

تفائلي خير فالكل مجمع على إنهيار قريب للعقار ، وأعلمي أن الغلاء ليس في عرقة فقط بل عم أرجاء البلاد ولعل هذا بسبب ذنوبنا نسأل الله المغفرة والرحمة .

[نواره]

مشكور وماقصرت ابوعبدالاله بس انا لو ابي اقدراسكن برى عرقه بس اناابي اسكن بعرقه واذا على العقار كلهم يرفعون على كيفهم لا حسيب ولارقيب اما على تحديد الاجارات ترى المكتب اهو اللي يحد السعر وليس صااااحب البيت واذا على الانهيار من سنتين نسمع عنه ماشفنا الاالعكس

[رويحي عرقه]

طيب عندي حل

بالنسبة للشقق اعتقد في حي مشعل صعب تلقين شيء شاغر

لكن ابدلك على مكان مناسب دوري في المنح بس كلها شقق وصغيره و والجديد سعره فيه

مكتب كويس اللحيد 000 وايضا في حى مشعل ابومحمد مكتب الوسيط

وابسعل = ابسال واذا حصلت سوف اكتبه هنا

والله يسهل عليكم

سلام

[عشقي هواها*]

هي وقفت على الإيجارات الغلاء بكل مكان للأسف
الله يكون بعونك يارب
وان شاء الله تلقين مايناسبك بأقرب وقت ان شاء الله
الله يحقق لك مبتغاك يالغالية
دعواتي لك بالتيسير ~

[ابو حمدي]

غلووووووووووووووووووووووء الشقق والالراضي والفلل

بدووووووووووووون سبب زي الشعير والعلف هههههههههههههههههههههههههه

ههههههههههههههههههههه والببسي والشطه والطماطم وكل شي بدوون سبب حسبي الله ونعم الوكيل ..؟..................................... اسئل الله ان يفرجها عندك هذهي الكربه

[نور عرقه]

امــين امـــين
غلا على غير سنع مدري ليه
نــوراه / اسال الله العلي القدير ان يفرج كربتك وكربة كل مسلم لكـ ارقى التحآيآ لسموك ..

[سعد البكران]

لا حولا ولا قوتا الي بالله

[دانه]

الله يكون بعونك ويصلح الحال انصحك بالاجار بلبن(حي لبن ) قريبه من عرقه واكيد ارخص

[عبدالعزيز المرشد]

الأخت نواره في هذه الساعة المباركة اسأل الله أن يفرج عنكم .. اللهم آمين.

العقار مشكلته مشكلة ولا يرحم !!

بودي إفادتك لكن الغلا في كل مكان وعرقة لأن عليها طلب مو طبيعي فمن الصعوبة بمكان أن تجدين شي رخيص في هذا الوقت.

لكن أؤيّد الأخت دانه حي لبن قريب جداً وهو يأخذ في التطوّر بشكل سريع وملفت للنظر ومثل عرقة في ارتفاع منطقته وجمال جوّه، فأنصحكم بالشراء هناك قبل أن يرتفع.

وموفقين بإذن الله.