لكل عرقاوي: المرحلة الإبتدائية والمتوسطة بعرقة القديمة (أعد ذاكرتك).

[عبدالعزيز المرشد]

اقتباس المشاركة الأصلية كتبت بواسطة أبو عبدالإله وأنت يا بو عمر وين ذكرياتك بس فالح تجرجر الناس ؟! أيه يا أيام مضت لكن خاف أذكر لكم تقولون وش ذا الشياب وأنا عمري بس فوق الثلاثين ؟! من الذكريات التي لا زالت راسخة في الذهن أبو علي الله يعافيه ويمد في عمره على طاعته إذا غاب الواحد جاك بسيكله ال 26 ومعه ذاك الدفتر الكبير حق الأعذار : وش فيه ولدكم غايب ؟ عاد هو ما يعرف يكتب يعني أكتبوا له العذر ووقعوا ؟! من الذكريات ولد العنقري أضن اسمه عبدالله وله أخ أصغر منه يقولون واحد منهم توفي وأضنه اللي كان يدرس معي أذكر أنه سقط قلمه تحت الطاولة الخشبية وكانت طويله لثلاث طلاب على الأقل ونزل الضعيف يجيب قلمه ويم رفع راسه إذا هاك المسمار متولم له مير يدخل في راسه وتصبصب ذيك الدمان وراح يردد ( آه يا راسي ) بصوت ندي ورائع حتى راحت عبارة نرددها لسنوات كثيرة ؟! ومن الذكريات الجميلة ناصر مناور ( يقولون انه ساكن بعرقة اللحين ) حفظنا منه عبارة وراحت عيارة له ؟! تخبرون عند البوفية زحام الطلاب وكان ناصر جسمه ضعيف واذكر محمد البريدي هو اللي يبيع في البوفيه ، وناصر دايم يردد كل صباح ( تكفى يا البريدي أبي حليبه ) ، عاد حنا اطلقنا عليه تكفى ؟! ويمكن الكثير لا زال يذكر هالاسم !! . وسامحنا يا ناصر وليت والله نمن يقابله ألحين وعسانا نلقاه في منتدانا .

هلا ابو عبدلإله أبشرك تم وضع ذكرياتي ، وبعدين أكيد هالذكريات أنت سامعها فقط لأنها قديمة شوي وبعدين حلوة سيكل 26 اتذكر وأنا اسوكه كاني في الفضاء من طوووله،

عموماً ابو عبدالإله يعطييييييك العافية وأسعدني مرووورك يالغالي.

[عبدالعزيز المرشد]

اقتباس المشاركة الأصلية كتبت بواسطة ملح حالي هلا بابو عمر كان بودي اجيب لكن لم أدرس في عرقة لكن درست في مدارس جارة عرقة على فكرة ابو راكان إلا ستة في لمبه كم ؟ هههههههه صراحة تموت من الضحك، كان قلت ستة في لمبه اثنين يعني بنت داخل لمبه، فهمت

هلا بك ملح، وأشكر لك حرصك على الحضور.

[ابونواف]

"الله واكبر يازمان مضالي" لاننسى ذلك الرجل الطيب ابو ناصر العميرة رحمه الله جعل من المدرسة روضة خضراء ففيي زاوية المدرسة من جهة الجنوب ذاك البستان الصغير به الرمان والعنب....الخ والذي اذا مررنا به الان تدمع اعيينا !!!
رحمك الله يا ابا ناصر...

[محمود درمش]

من ذكريات المرحلة المتوسطة ..

كان عندنا في أحد الأيام تسميع لمادة النصوص الأدبية لدى الأستاذ الفاضل ( منصور الخميس )
ونص ثقيل لأحد الكتاب ، لا أذكر جيداً .. ربما ( عزيز ضياء )

المهم اني سهرت طوال الليل أحفظ فيه
حتى جيت ثاني يوم واكتشفت أنني الوحيد الذي حفظت ( دافور !! )
وأن الطلاب لم يقوموا بحفظ النص

وترجاني البعض بأن أتظاهر بعدم الحفظ ، حتى يؤجلنا الأستاذ حتى الحصة القادمة
إلا أنني تجاهلت الطلبات ، وبمجرد دخول الأستاذ إلى الصف قلت له :

يا أستاذ : عندنا تسميع اليوم ، واللي ما حفظ .. اعطه صفر ............... !!
فالتفت إلى ودون مقدمات ، وقال لي :

قم يا محمود ، وسمع النص المطلوب

فـاصفــــر وجــــهي .. وتصبـــبت عـرقــــاً

والله العظيم يا إخوة اني ما تذكرت ولا حرف

فنظر إلي شزراً وقال لي :
وش أسوي بك الحين ؟ أعطيك صفر ؟

فاستحيت وجلست ، وعزمت أني أبقى مع الجميع في السراء والضراء

[عبدالله فهد الضعيان]

آآآآآآآآآآه عدت لنا الذكريات بس لو أنك مصورها من الداخل أزين بعد
ومشكور وماقصرت

[رايح لكم]

اقول مثل ما قال عبدالله الضعيان

آآآآآآآآآآه عدت لنا الذكريات بس لو أنك مصورها من الداخل أزين بعد
ومشكور وماقصرت

[عبدالعزيز المرشد]

+

اقتباس المشاركة الأصلية كتبت بواسطة حزين عرقة انا الصراحة ماعقدني الاستاذ صالح البدراني اللة يذكرة بالخيرماتجي حصتة الاوانا منجلد فيها لسبب عدم حفظي لكتاب المحفوظات بس اذاكان عندنا تسميع تلكاني غايب بس الرجال ماتطوف علية يذكر اني ماحظرت وهو الي يسمعلي وماراي الادجةهههههههه ولاستاذ بلال الملاحي م مكان يسميني الا(اثعيلب)

الله يذكر البدراني بخير نعم الرجل ومن يلومه ليش ما تحفظ

اقتباس المشاركة الأصلية كتبت بواسطة ولد عرقة صراحة ما لحقت على ذيك الأيام لكن باين شكلها حلوة وعجبتني ستة في لمبه وحلوة يا أبوعمر الشماغ أجل كان كارثه بالنسبة لك هههههههه

أيه يا ولد عرقة وش حلوة وبس ، وبعد ترى الشماغ ما يحس بالجمرة إلا واطيها.

[عبدالعزيز المرشد]

اقتباس المشاركة الأصلية كتبت بواسطة الكابتن ناصر الحرابي والله ياهي ايااااااام والسوالف وااااجد بس بقولكم سالفة حصرية ( محد يدري عنها الا ابوية ( الله يرحمة ) ) في الاابدائية وكان الاستاذ الفاضل محمد ناصر الرسيمي مدير المدرسة واحد من المدرسين صلح عمل جبار وهو لوحة كبيرة كاتب فيها معلومات كثير وكان معلقها في السيب الي يمتد من الصف السادس الى الفصل اولى ابدائي المهم في آخر العمل مكتوب بأشراف الاستاذ ( محمد بن ناصر الرسيمي ) ولاحضت ان الاسم قريب من اسم ابوي ( كلهم محمد ناصر ) لاكن مدرينا الرسيمي وابوي الحرابي وخطرت على بالي فكرة غيرت اسم الرسيمي الى الحرابي وصار ابوى ( الله يرحمة مدير المدرسة ) مع انة الله يرحمة كان امي لايقرآ ولا يكتب ولامن من زود البر ( ماشاء الله علي ) خليتة المدير بس انطردت من المدرسة وجبت ولي امري وساوينا الموضوع مع المدير والحمد لله 1000 شكر لصاحب الموضوع ولي رجعة قريبآ ان شاء الله

هلا بناصر هلا براعي الرالي أثرك من يومك صغير وأنت ذيب وطايح في التزوير بعد، لكن صراحة حركة فريدة ويستاهل الوالد يصير مدير على عرقة بكبرها وعلى فكرة كيف عرفوا أنه أنت ؟!!!!

اقتباس المشاركة الأصلية كتبت بواسطة سفـ عرقه ـير تذكرت الزمان اللي مضـي لي يوم جـنٌ الليــل .... تذكرته وان عيوني من دموع العنا غرقاء تهل الدموعي الحرا على هاك الزمان وتسيـل .... علـى خــدوداً محرقهـا على أياماها حرقـاء

يعني ولا قصة وإلا توّك نونو لا تزعل.

اقتباس المشاركة الأصلية كتبت بواسطة برنس عرقة الله واكبر ايام زمان بصراحه ذكريات لا تنسى لكن موقفي هو بصراحه فيه شي من الشراسه اذكر ايام ما كنت في الابتدائيه وكنت في الصف السادس ابتدائي كان الفصل تحديد في المسجد المهم كان عندنا صحه ولا نوره المهم كان فيه صحة رياضيات والمدرس كان فلسطيني وحسب اعتقادي انه اسمه رايق المهم كان ولد عمي في الطاوله الاماميه المهم المدرس كان يوزيع الدفاتر لانه كان مخذها يصححها ثم كان ينادي كل واحد بأسمه عشان يجي عنده وياخذ الدفتره حقه عاد هو نادى ولد عمي لما اخذ ولد عمي دفتره ورجع ابو الشباب توه بيجلس على الكرس الا انا اسحب الكرسي والضغيف يجيك مجاوب على ظهره وانا الي افطس ضحك عليه والفصل كله جلس يضحك المدرس حقد علي وقال ليش تسوي هذا الحركه قلت ولد عمي عادي قال ولدعمك مدريت الا وقال افتح يدك بصراحه جلدني جلد لكن قلت والله مخلي حقي وكان ولده معي في نفس الصف الظاهر انه اسمه عاصم مدري معتصم اول ما طلعت من المدرسه وكان توه جالس ينتظر ابوه عند السياره وانا الي اجي وادبجه واخذ حقي ثم لما جا اليوم الثاني مدري الا ابوه مصبحني ودابجني في الفصل واحقد زياه لما ثم اروح اكفخ ولده الثاني كان الظاهر في الصف الرابع مدري الخامس ثم بعدها كلم ابو ماجد عبدالله الحرابي ثم بطني بط بعدها تبت لكن أه بس لو اشفوه الان كان اخذ حقي منه مره ثانيه وتحيااااااااتي

يبدو أن هناك خطأ يا برنس فلسطيني وولده معتصم ما تجي يمكن سوداني، المهم تستاهل اللي جاك أجل عشانه ولد عمك لا أحسن أذبحه وقل ولد عمي يا برنس ألف شكر على التفاعل من جد ما قصّررررت.

[كنج عرقه]

:الا ليت الزمن يرجع ورا والا اليالي تدور ويرجع وقتنا الول وننعم في بساطتنا زمن لا كان فيه غيبه ولا حتا نفاق زور لا ليت الزمن يرجع ونسترجع طفولتنا
نروح المدرسه بدري ونضحك داخل الطابور نحاول نزعج العالم بروحتنا وجيتنا وعشان ناخر الحصه نخبي علبه الطبشور: yoyo:

[عبدالعزيز المرشد]

اقتباس المشاركة الأصلية كتبت بواسطة مشعل المالك والله ايام لاتنسي مره من المرات في متوسطه عرقه اذكر كان يوم الاربعاء المهم لعب علينا الشيطان وكانت الفسحه الثانيه وقالو لي العيال يالله خلنا ننحاش قلت لهم قدام المهم رحنا للكيبل الي في ملعب الكوره كنا ثلاثه المهم اول واحد طب والثاني طب بقيت انا اخر واحد توني متمسك في الكيبل الا ويجي المدرس الله يذكره بلخير البدر قالي وقف وقمت وسفهته الا وما ادري الا ويسحب رجولي يعني ايدي في الكيبل ورجولي الله يكرمكم ماسكها الا وسحبني وطحت وسحبني للمدير وخذت لي كم كف علي كم جلده ومن عقبها عقلت اذا قالو لي اصدقاي خلنا ننحاش قلت خلاص توبه وشكرا

زين ما طحت على وجهك الدعوة كف تشعر به خمس دقائق وخلاص، وترى النحشات ما تجي بخير،، شكررراً.