من أروع القصائد في رثاء الأم ؟

[أبو عبدالإله]

خايف عليها من الثرى غطاها والا الحصى حافي اخاف اذاها
اكرم عليها بالكفن يامطوع بالبيت ضل فراشها وغـــــــــطاها
اكرم عليه بالكفن هذي امي وشهد عليها في ماعطت يمنــاها
هذي الضحى واليل يتحرونه هذي السماء ونجومه تنعــــــاها
هذي السوالف مثلنا تبكيها والارض تنشد عن اثر لخطـــــاها
هذي الكبيره كبر هذي الدنيا هذي العظيمه جل من ســــــواها
ابكي عليها مو نهار وليله ولا سنه تمشي وعد قضـــــــــــاها
ابكي عليها كثر ما شالتني وكثر الحنين الي اختلط بغنـــــــاها
وكثرالاسامي وكثر من سموها وكثرالنجوم وكثر من يرعاها
ابكي عليها من القهر يا دنيا من لي انا من لي عقب فرقــاها

من فتحت عيني ولا خلتني وشوفو ولدها بالقبر خـــــــــــلاها
هل التراب بوجها ما قصر شفتو ولدها كيف هو جــــــــازاها
لوانها مكاني ما سوتها لكن اعز عيالها ســـــــــــــــــــــواها


يا الدود شفها ذابله جنبها انا ولدها وحاضر وافــــــــــــــداها
قطعني هاك الي تبي من جسمي بس الكريمه لا تجي بحـذاها
ووصيك امانه قل لها تعذرني وتكفى تروح تحب لي ماطـــاها
ابيها تغفر لي مثل ماكانت كل خمله مني بطيبها ترفــــــــــاها
يالله عساها بنعيم الخالد وعساها في جنة عدن سكنــــــــاها
يا فضو هاذا الكون ياهو خالي ياضيق هذي الدنيا يامقسـاها


يامر طعم فراقها يامره ماني مصدق ارجع ومالقــــــــــــــاها
وشلون اجي غرفتها ماهي فيها وش عذري لسبحتها ومصلاها
وش اقول انا لدولابها ومصحفها واذاسالني مشطها وحنــاها
وعباتها والمبخره ومي زمزم ورشوشــــــــــــــــــــها ودواها
الكل في غرفتها متفقدها حتى الجدار متفطر ويرجـــــــــــــاها
الكل يبكيها مهو ناسيها يالله صبرني وشلون انســـــــــــــــاها
ياليتها ياليتها مارحت وخلتني او وسعة لي بالقبر ويـــــــــاها

الشاعر / الحميدي الشمري

لسماعها بصوت الشاعر اضغط هنا

حفظ الله لي أمي وحفظ الله لكم أمهاتكم

[كاريزما]

من فتحت عيني ولا خلتني وشوفو ولدها بالقبر خـــــــــــلاها
هل التراب بوجها ما قصر شفتو ولدها كيف هو جــــــــازاها
لوانها مكاني ما سوتها لكن اعز عيالها ســـــــــــــــــــــواها


كلمات في قمه الروعه ..

اشكرك يـ (أبو عبد الاله) ع هاذا القصيدة الجميلة ..

الله لايحرمك الاجر ..

[وحداني الرياض]

صح لسان قايها وتسلم يمين ناقلها
قصيدة جزله


الله يجزاك خير على مانقلت

[عشقي هواها*]

يامرطعم فراقها يامره ماني مصدق ارجع ومالقــــــــــــــاها
وشلون اجي غرفتها ماهي فيها وش عذري لسبحتها ومصلاها
وش اقول انا لدولابها ومصحفها واذاسالني مشطها وحنــاها
وعباتها والمبخره ومي زمزم ورشوشــــــــــــــــــــها ودواها

قصيدة محزنه
يعطيك العافية اخ ابو عبدالإله
تقبل مروري

[عنيدعرقة]

صحيح اصعب شئ فقدان الام
فى رأيي:
كل شئ يمكن تعويضه
إلا من فقد دينه او امه
فكيف تحلو له الحياة؟
اللهم بارك لنا فى ديننا وفى امهاتنا

اخي ابو عبدالاله اشكرك على الاختيار الرائع
ولكى سلامى

[صمت عرقه]

قصيــــــــــــــــدة رائـــــــــــــــــعه



مشكووووووووووور على هالطـــــــــــــرح الرائــــــــــع



تقبل مروووووووووري



ودمت بخييير