اختبار نسبة الرجه ؟

[كنج عرقه]

السلام عليكم ورحمة الله وبركاته
جبتلكم موضوع حلو وان شاء الله يعجبكم

هل انت مرجوج/ـه؟؟؟؟؟؟
ياهلا بكل المرجوجين و المرجوجات.....
....إلى كل من يتوقع أنه مرجوج./ـه...
....إلى من يشك فيه شوية من الرجاجه....
....إلي يستنى رجه وماصارة له....
...إلى يحلم بالرجه ..و ما تحققت رجته.....
..إليكم يا اعضاء منتدى عرقه الفلاوين المرجوجين و الغير مرجوجين....

هل أنت مرجوج/ـه ؟




وإذا كنت كذالك .. ماهو مستوى رجتك ؟






للإجابة على هذه الأسئلة ماعليك سوى اجراء هذاالاختبار النفسي ..

السؤال الأول :

انت توك قايم من النوم وطفشان /ـه واصلة معك .. قمت تغسل/ي وجهك وتفاجأت /ي بنملة تبي تدخل خشمك .. ما هي ردة فعلك :

1- تمسك النملة وتفعصها بإصبعيك وأنت تكركر/ي ومستانس /ـه و تقول /ي: والله يا أنتي نملة منسمة تبين تخترقيني .. ههههههههههههههههه .. بس على مين أنا أبو جلمبو والأجر على الله .
2- توخر/ي النملة عن وجهك و تنتفها وانت تشتمها .
3 - تخلي النملة تدخل خشمك .


السؤال الثاني :

راجع/ـه من المدرسة أو الكلية اوالعمل .. المهم وتلقى الوالدة سرحانة في الصالة تفكر وش تصلح بكرة إذا بغت تسير في العصريه على أم صويلح .. ماذا تفعل
1- تسوي نفسك تعبان /ـه وتصرخ /ي وتمسك قلبك كأن ذبحة قلبية جايتك وأنت تقول /ي: الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول/ي لها : قلبي تولع في الرياض .. حبورثته من الجدود
هههههههههههه والله تسحيبة يمة

2- تجي بشويش من ورى أمك وهي سرحانة وتصرخ /ي في أذنها وتقول/ي : مساك الله بالخير .. وطبعا هي بتنفجع وبتقول وجعالله يمسيك بعصا إن شاء الله .

3- تطلع/ي غرفتك وماتسوي شيء



السؤال الثالث :

انت توك مقيل/ـه وماخذ/ه لك قيلولة على كيف كيفكم ونازل/ـه الصالة إلا وتشوف/ي خواتك الصغار عند سبيس تون طايرة عيونهم .. ماذا تفعل/ي :

1- تجي يعنني تكنس/ي وتغطي عليهم التليفزيون

2- تجي يعنني بتشبك شاحن الجوال وتقوم تفصل فيش التليفزيون .. وتقول/ي : أوه آسف/ـه.

3-تقعد /ي تتفرج معهم.


السؤال الرابع والأخير :

بعد العشاءاشتهيت تويكس ونزلت تشتريه من البقالة ولقيت خويك عند باب البقالة :

1- تتطنشه ولى كانك شفته .

2- تسلم/ي عليه/ا وتلزم/ي عليه /ا يعزمك (تعزمك) على العشاء .

3- تشتري له/ا تويكس معك



النتيجة :

أعط نفسك لكل اجابة رقم واحد 3 درجات

ولك اجابة رقم 2 درجتين

ولكل اجابة رقم 3 درجة وحدة



9 - 12 :

أنت مرجوج/ـه جدا ..

حالتك خطيرة .. وقد تتحول رجتك إلى هبال رسمي .

الحل : خل/ي امك تهمز راسك بزيت سيارات ثمانين مرة بالثانية وإن شاء الله ماقدامك إلا العافية .


5 -8

أنت مرجوج/ـه بس على نذالة شوي ..

مستوى رجتك معقوله لكن لا تستخف/ي بدمك كثير لأنك ستجيب العيد .

الحل : خل عنك النذالة .. ولازم تؤمن/ي إنك تعاني من الدلاخة في مراحلها الأولى ..

اكل عصفور قبل الغدا مرة في السنة .



4 - 5

يا أخي (اختي) انت منت/ي في الدنيا .. ميت /ـه والناس حيين ..

انتبه /ي على نفسك لأن أهلك احتمال ينسوك/ي إذا بغو يسافرون.

الحل : كورس رجة مكثف عند أعلام الرجة في الفكاهي .


يالله يالفكاهيين أكتبوامستوى الرجه فيكم......

و إللي درجته من بين (4-5)....
لا تخاف/ تخافين.....

أحنا بنسوي مدرسه خصوصيه...علشان نتعلم الرجه....


وهكذا يا مرجوجين ............أنتهى مطاف الرجه



تحيــــــــــــــاتي

لكم ايها المراجيج

[دلوعه]

هههههههههههههههه

يسسلمو كنووج

[كنج عرقه]

الله يعافيك على المرور

بس ماقلتي نسبة رجاجتك

[أم سعيد]

.
.

حسب نتايج هالاختبار طلعت عاقله ^^"
أشك في مصداقية هذا الاختبار

.

شكرا لك كنج عرقه ..

[وحداني الرياض]

5 -8

ههههههه

مشكوووور ياكنق

مطلوب عصفور والدفع كااااش ( حدد السعر فقط )
بسرعه ياناس الحاله في مراحلها الأولى

ههههه

[كنج عرقه]

اقتباس المشاركة الأصلية كتبت بواسطة أم سعيد . . حسب نتايج هالاختبار طلعت عاقله ^^" أشك في مصداقية هذا الاختبار . شكرا لك كنج عرقه ..

ولا يهمك اختي
باافتح بنعقد دورات للرجه
شكرا لمرورك

[كنج عرقه]

اقتباس المشاركة الأصلية كتبت بواسطة وحداني الرياض 5 -8 ههههههه مشكوووور ياكنق مطلوب عصفور والدفع كااااش ( حدد السعر فقط ) بسرعه ياناس الحاله في مراحلها الأولى ههههه

احتمال تتطور اكثر الحاله سارع لاقرب عصفور قدامك

شكرا لمرورك