راحوا الطيبين):

[عبدالعزيز المرشد]

من القصص

كان الوالد سعد بن مرشد رحمه الله ومجموعة من أهل عرقة في مجلسه العامر، فجأة قال يوم توني طالع من المسجد إلا خالد بن عبدالعزيز في وجهي، فعلى طول قالوا طيب وشلون ما قلطته؟! وش جابه؟! الله يهديك يا سعد بن مرشد تمر من عنده كذا ولا كن شخصية كبيرة شفتها، وجلسوا يتكلمون منبهرين، في هذا الوقت ضحك الوالد الله يرحمه وقال:


اللي شفته خالد بن عبدالعزيز بن مالك


راحوا الطيبين.

[عبدالمحسن المرشد]

سبحان الله هذا الموضوع فتح لنا باب الذكريات ..

كان احد الرجال الطاعنين في السن يسكن في الظهيرة فوق الجبل ..ولايوجد اي مسكن في جميع احياء عرقه الأن حيث عرقه القديمة فقط ..وفي يوم من الأيام مر لكي يطلع إلى منزله فشاهد عمال شركة الكهرب يشتغلون من اجل ان يوصلون له الكهرباء ..فقال لهم ارتاحوا ولا تتعبون انفسكم ..كان اهل الماء اشطر منكم ..لأنهم عجزوا يوصلونه لنا ..صدق راحوا الطيبين الله يرحمهم ويسكنهم الجنة

[راحل]

مره جلدني شايب ....

جيت لبقالة ابوعبدالله ( محمد المعيلي ) الله يرحمه ...

بشتري حب خانس ... يوم وصلت الا الشيبان متكين

سلمت عليهم لكن واحد منهم ماش شكله حاقد علي

يناظرني بنظره مش كويسه ... دخلت عند ابوعبدالله

قال افتح مخباتك ويعبي 5 فناجيل بريال ..المهم ...

طلعت ويالتني ماطلعة الا الشايب ابو نظرات يلفخني

بالعصاء على رجلي ظرب من قلب ...ويقول الحين

موصينك اهلك على كرولكس وانت تدجج .. لخمني ..

قلت في نفسي شكله متزوج بالوالده وانا مادريت ..

الا ابوعبدالله يمسكه ويقوله ...مهوب ولدك مهوب

ولدك .... اح .. الله يرحمهم راحو وبقت ذكراهم..

وراحو الطيبييييييين ... من القهر .

[عشقي هواها*]

ابو الحارث ابو عبدلإله راحل عبدالمحسن المرشد عبدالعزيز المرشد شكرا لما فاضت به أقلامكم ...من تاريخ الأجداد ..وشكراً بحجم السماء وأكبر لإثرائكم الموضوع جداً استمتعت بالقراءة ... لاعدمنا تواجدكم جميعاً... س/ هل هناك اختلاف عن الطقوس الرمضانية في زماننا وزمانهم ...ومن لديه مواقف او قصص حصلت له في رمضان يثرينا بما في جعبته من حكايا ؟

[أبو عبدالإله]

تستاهل يا راحل وليتها على رأسك

ليتك ذكرت اسم الشايب على الأقل نترحم عليه وندعيله مع أني أعرفه وهو مشهور بمزحه بالعصا الله يرحمه

[راحل]

من ذكريات رمضان عرقة ميزة رمضان في عرقة جميل جدا بحكم المزارع المحيطه بعرقة يعني الجو في النهار تقريبا لطيف وفي الليل بارد نسبيا المهم الشباب الكبار يسهرون وبعد صلاة الفجر تبداء التجمعات والتخطيط اي مزرعة سوف يتم التوجه اليها للسباحه ......... وحده من المزارع طفشو الشايب دايم يطردهم لكن مافيه فايدة يرجعون جاء يوم وهم مانتبهو وخذا ثيابهم كلها وراح بها يوم طلعو لحقوه يتحببونه لين رجع ملابسهم وعقبها تابو يعني مو مره مزرعة ابورفيع ........ راحو الطيبين

[ذيب عرقة]

ولا تنسى يا راحل كرة الطايرة بعد الفجر

وبعدين طلبتك غيّر الخط اقسم بالله وجع راسي.

[خاتم ذهب]

لا إله الا الله

ضحكت ضحك مو طبيعي .. على القصص اللي سردتوها

من جد عفوية وطيبة قلب ومحبة ....... لاتوجد الا عند اهل عرقة

وماراحوا الطيبين .. اذا انتم احفادهم وابنائهم .... الله يديم عليكم فضله

ويرحم موتانا وموتاكم ... ويعطيكم طول العمر على الطاعة

[أبو عبدالإله]

يروي لنا العم محمد بن ناصر بن دعيث قصة من قصص الطيبيين :


قائلاً : كنا نسكن في الظهيرة وكنت صغير السن خفيف الوزن وكنت أتنقل بين البيوت بالقفز من سطح إلى سطح دون أن يردني أحد ، ومرة قفزت إلى سطح بيت آل مدعج ونزلت من السطح إلى وسط البيت ( الحوي ) ، وكان إبراهيم المدعج رحمه الله جالس وسط البيت يشرب الشاي وكان يحب الشاي الخفيف فقال لي ( محميد تعال خذ لك بياله شاي ) ، بكل بساطة لم ينهرني ولم يضربي بل دعاني لشرب الشاي فخرجت من الباب وكان شيء لم يحدث .

فعلاً راحوا الطيبيين .

[راحل]

اشايب .... يابو عبدالاله .... مهوب الي تقصد .... انت قصدك

بن جري الله يرحمة .....

الي اقصد بن مغينيم الله يرحمة .....