عسى ما انتبهوا مكاتب العقار

[الحجاج بن عرقة]

بالبداية اشتقنا لمنتدى العرقاويين
بعد طول غياب عن المشاركات
اما الحضور فلم انفطع عنكم

البارحة حول الساعة ثمان ونصف
وانا متجه غرباص على طريق الامير مشعل
والى الضفة الجنوبية لعرقة في ظلام دامس
اما الضفة الشمالية منورة

واظن كثير ينقطع عنها الضفة الجنوبية الكهرباء
واكيد فيه مشكلة وشركة الهكرب ترقع بس

جا بلالي لو احد ملاك مكاتب العقار مر في هالوقت
وشاف الضفة الجنوبية مطفية والضفة الشمالية منورة
بيطري عليه فكرة
وهي فرصة ما تتفوت

يرفع سعر الارض بالضفة الشمالية الى الفين للمتر
لان بها ميزة عن الضفة الجنوبية
الكهرب ما يطفى عليهم
وهذا سبب وجيه لرفع سعر الارض هناك

لا تستغربون

لان الارض اللي تنقسم قسمين سعر المتر فيها
يزيد عن الارض اللي ماتنقسم

ملاك العقار مهم لعب
كل شيء يستغلونه
واهم شي عندهم العمولة ترتفع ولاي سبب

وانقطاع الكرهب عن الضفة الجنوبية سبب كاف لهم
لرفع اسعار الاراضي بالضفة الشمالية

مبروك عليكم على اصحاب مكاتب العقار واشكروني
لقيت لكم سبب يرفع سعر الارض

وسلامتكم ولا يزعل احد

[صمت عرقه]

قصدك العكس الشماليه تطفى والجنوبيه ماتطفى
واحيان العكس!

بس مو كثير تطفى بس طفت 3 مرت قريبه من بعض مره برمضان ومرتين بينهم يوم او يومين بشوال

طفى على الشماليه والغربيه

وبعدها بأيام طفة على الجنوبيه من جهة المدارس البنات!

الشماليه جهة المستشفى هي الجها الاكثر اطفى

بس ما اتوقع احد بيستغلها!

تقبــل مروووري

ودمــت بخيـر وود

[عبدالعزيز المرشد]

هلا بالحجاج أحس أنك قديم وطلع غبار

أقول قد تقولها من باب المزح لكن ترى العقاريين يبحثون عن كل شي يدخل عليهم مردود طيّب

المهم تذكرت قول أبو الحارث الرسيمي حفظه الله ورعاه وهو يقول:

عرقة بنصف عين

[محبوب عرقه]

الحجاج بن عرقة ..

أنت ذكرت شي بأن بمقدور شركة الكرهب على قولتك أنها تتحكم .. نعم كلامك صحيح فالشركة تعلم بالخلل قبل وقوع الحدث بـ 24 ساعة ولكن لا حياة لمن تُنادي والخلل ليس في عرقة بل على مستوى الرياض يا أخ الحجاج .. يعني وش دخل اصحاب مكاتب العقار برفع الاسعار فالارض تبقى أرض سواءً كان موقعها منخفض والا مستويه يا أخ الحجاج ..
فأجل شي جميل يعني أبروح أبيع الشعير فالليل عشان أقول أن الكهرب طافي فراح يرتفع سعر الشعير ..!!!!!!!!

[محبوب عرقه]

با أخ عبدالعزيز .. من قالك أن عرقة بنص عين يا خوي روح للدرعية وروح للعيينة والا أقولك سلطانه تشوف الاهتمام من قٍبل المحافظة أو المركز ودور البلدية عندهم وأهتمامهم بمنطقتهم لا إكتفاء بالصور والمخططات كما يفعله بعض الاخوة ..!!!!!!!!

[ذيب عرقة]

خل الناس تترزق يالحجاج الدعوة لعب في لعب.

ويا محبوب شكل الفول لاعب في راسك

[عبدالعزيز المرشد]

اقتباس المشاركة الأصلية كتبت بواسطة محبوب عرقه با أخ عبدالعزيز .. من قالك أن عرقة بنص عين يا خوي روح للدرعية وروح للعيينة والا أقولك سلطانه تشوف الاهتمام من قٍبل المحافظة أو المركز ودور البلدية عندهم وأهتمامهم بمنطقتهم لا إكتفاء بالصور والمخططات كما يفعله بعض الاخوة ..!!!!!!!!

هلا بمحبوب، أبغى أفهم بس أنت كيف فهمت عرقة بنصف عين ؟؟؟؟!

وضح لي عشان أعود لك. شكراً