وينكم يا أهالي عرقه عن هذا ؟؟؟؟؟

[فزاع عرقه]

استحلفكم بالله العزيز الجبار .

أحد منكم سعى في موضوع هذا المبنى المهجور أو تطرق له لو بالكلام بس ؟








جاوبوني كم له من سنه وانتم ولا همكم بس تاكلون وتشربون ورواتب وتروحون وتجون وبس .


يالله ورونا همتكم يالي تدعون التلاحم والتكاتف .

بس ماهقيت انه بيصير نفع لو بحكي من اليوم لبكره

ابسط حقوقكم ماقدرتوا تحصلون عليها : روضة لأطفالكم لفلذات أكبادكم كم سنه وهم في مستوى متدني من مبنى لمبنى وبالإيجار بعد ومدرسيين الله بالخير .

والان اصبح لدينا برضو مبنى آخر مهجور وهو هذا :






عارفينها طبعاً

مدرسة عرقه الابتدائه المهجوره أصبحت الان وكرا ............؟؟؟؟؟

ولا أحد حرك ساكن ؟؟؟؟

مدري هل هو خوف او ايش القصه بالضبط ؟

تحياتي لكم جميعا يأهالي عرقه الكرام يا أهل التكاتف والموده ؟؟؟؟؟؟؟

الله مستعان بس ويرحم أجدادنا وآبائنا ويغفر لهم ويرحم أيام العزه والأخوه والترابط بينهم

........................

[عنيد عرقة]

انا طلعت على وجه الدنيا وانا اشوف هالمبنى تسذا ماتغير مغير ساكنين فيه حمام وطيور وقطااوه وجن بسم الله علينا .. اما المدرسه الابتدائيه حساافه والله ..... مكااااانك راااوح لاحس ولاخبر لهم ضموها مع جامع عرقة القديم أو صارت مرفق خاصه بالجامع كا مدرسه تحفيظ القران وتفطير صائم ولااستفادت منه اي جهة حكوميه ثانيه مثلاً بلديه عرقة او غيره

..

والسبب ما حولك احد

[أبـو راكـان]

صدقت أخي الكريـم

بالنسبه لمبنى المستشفى بآخــر تقرير عمل له بأن البنيه التحتيه للمبنى أنتهت وتهالكت

وبالفعل امره غريب !

الشيء الثاني احنا يا سكان عرقة القدماء صرنا أغراب فيها !!

فكيف تطالب بشيء وأنت غريب عن البلده

الله المستعان

[فتى الصبيخه]

مساء الخير, على هونك يا فزاع عرقه ولا تفزع من ردي ماذا تعرف عن ملكية المستشفى الي تتكلم عنه ؟؟؟؟؟ هل هو خاص او تحت يد الدوله, والمدرسه تحت يد وزارة التربيه والتعليم وش برايك تصلح له مع التصاقها بلمسجد وعدم وجود اي مواقف تخدمها كمنشئه خدميه وبنسبه للروضه هات لي اي روضه مجانيه في الوقة الحاضر بمواصفة متوسطه ماهي ممتازه وبنسبه لكلامك ((مدري هل هو خوف او ايش القصه بالضبط ؟))وش الخوف منه ؟؟ اخي فزاع اهداف المنتدى لم هل عرقه تحت سقف واحد لمناقشة ما يهم البلد بهدووووووووووء وعدم تفزيع الاعضاء والغمز والامز الي ماله داعي, ولو انك اشرة لكل هذي الاشياء بهدوء لكان اجدر ((حماسك نابع من صدقك وحبك لهاذا البلد ولا اشك في ذالك بس, ما هكذا تورد الابل تحياتي لك وللجميع

[فزاع عرقه]

الأخوان الأفاضل

عنيد عرقه / أبو راكان

الف شكر لكم على تشريفكم وفقكم الله

[فزاع عرقه]

اقتباس المشاركة الأصلية كتبت بواسطة فتى الصبيخه مساء الخير, على هونك يا فزاع عرقه ولا تفزع من ردي ماذا تعرف عن ملكية المستشفى الي تتكلم عنه ؟؟؟؟؟ هل هو خاص او تحت يد الدوله, والمدرسه تحت يد وزارة التربيه والتعليم وش برايك تصلح له مع التصاقها بلمسجد وعدم وجود اي مواقف تخدمها كمنشئه خدميه وبنسبه للروضه هات لي اي روضه مجانيه في الوقة الحاضر بمواصفة متوسطه ماهي ممتازه وبنسبه لكلامك ((مدري هل هو خوف او ايش القصه بالضبط ؟))وش الخوف منه ؟؟ اخي فزاع اهداف المنتدى لم هل عرقه تحت سقف واحد لمناقشة ما يهم البلد بهدووووووووووء وعدم تفزيع الاعضاء والغمز والامز الي ماله داعي, ولو انك اشرة لكل هذي الاشياء بهدوء لكان اجدر ((حماسك نابع من صدقك وحبك لهاذا البلد ولا اشك في ذالك بس, ما هكذا تورد الابل تحياتي لك وللجميع

الأخ الفاضل / فتى الصبيخه

الموقع وضع لمناقشة مايخدم البلد انت قلتها بنفسك .

اقسم بالله العلي العظيم ان موضوع المستشفى والمدرسه تعبت فيه انا لوحدي وتحديت الصعاب وواجهت مشاكل من اجل ماذا ؟

اهو لغرض شخصي لي انا

لا والله انني مهتم بمصلحة وطني اولا ثم لبلدتي الغاليه

نشرت كثيرا عن المستشفى في الصحف السعوديه وخاطبت المسؤلين

وآخر مره كانت على الشهور الأخيره لمعالي وزير الصحه السابق المانع ولكن ماحرك ساكن

واخيرا رد علي في جريدة الرياض رد بدون فائدة وابحث عن تعقيبه على الخبر الصحفي الي كتبته

أما المدرسه حاب اقول لك

بفضل الله اولا ثم بفضلي ومن ساعدني على السعي وراء بناء مسجد الجامع وبحمدالله تم وكانت المحاولات ضم المدرسه ولكن برفض من وزير التربيه

لكن ارجو انك تحط النقطة في بالك ( اليد الوحده ماتصفق )

رحت لناس مسؤلين في عرقه بخصوص هالموضوع والكل يتهرب وماهمه

واعطيك دليل على ذلك انه مافيه احد يهتم شف كم واحد قرأ موضوعي ماشاء الله واجدين

لكن الردود ؟؟؟؟؟؟؟؟؟

[النمر]

هلا بفزاع عرقة

للمعلومية المحاولات لم تجدي !! المستشفى يبغاله واحد كبير والمدرسة الوزارة ما حولك أحد للأسف.

بعدين يا فزاع هذا نصيحة إذا تبغى يردون عليك هنا تعال بهدوء أما عنف ولمز وغمز فكيف يردون عليك صح.

وهذا سبب قلة الردود.

[فزاع عرقه]

اقتباس المشاركة الأصلية كتبت بواسطة النمر هلا بفزاع عرقة للمعلومية المحاولات لم تجدي !! المستشفى يبغاله واحد كبير والمدرسة الوزارة ما حولك أحد للأسف. بعدين يا فزاع هذا نصيحة إذا تبغى يردون عليك هنا تعال بهدوء أما عنف ولمز وغمز فكيف يردون عليك صح. وهذا سبب قلة الردود.

مشكور أخي العزيز على مرورك

لكن تعبنا جبناها بهدوء وجبناها بعصبيه لكن لا حياة ؟؟؟؟؟؟

[عصيم]

للمعلومية المستشفى كان تحت ملكية التخصصي ومن قرابة الثلاث سنوات سلم لوزارة الصحة

[متعب خالد الحرابي]

أغبطك أخي (فزاع عرقة) على غيرتك الدفاقة، فأسأل الله أن يكلل جهودك وجهود الغيورين أمثالك بالنجاح ، وأتقدم لك مؤخراً ومقدماً بعظيم الشكرعن كل أمر استفاد منه أهالي البلدة ساهمت في تحقيقة ، ولي رأي حول موضوع المستشفى آنس باطلاعك والمنتدين عليه على هذا الرابط :

http://ergah.com/vb/showthread.php?p=607#post607