يامـحـرق قـلــب مـــن حـبــك ولا نـالــك
إلـى مـتـى و الظـنـون الـسـود مكلفـتـك
اموت واعـرف وش اللـي يـدور فـي بالـك
حيرتـنـي بــك ولا ادري ويــش سالفـتـك
تشـك فمحبتـي لـك؟؟؟ يــا بــري حـالـك
وانـا اللـي خلـيـت لــك قلـبـي وناصفـتـك
أحـب لـك منـك واقـرب لـك مــن ضـلالـك
واصدق من احساس قلبي كل ما شفتك
حتـى القصايـد وهـي مــا تكـتـب الا لــك
كنـهـا عـلـى كثـرهـا ماهـيـب منصـفـتـك
لو اني ما افرح إلـى ((جـا)) رقـم جوالـك
رديـــت والـفــت لـــك قـصــه وصـرفـتـك
تــــدري بـحـبــك وتـقـديــرك ومـنــزالــك
مافـيـه داعـــي تـقـلـل قـــدر معـرفـتـك
خلـيـت كــل الـبـشـر واخـتـرتـك لـحـالـك
وتـركـت مـــن كـــان يبغـيـنـي ووالـفـتـك
ماهوب طـول البطـا اللـي يقطـع وصالـك
بـس انـت كـف الملامـه والعـتـب وافـتـك
ثـلاثـة سنـيـن وانــا امــوت واحـيــا لـــك
عفت البشـر مـن سبـب حبـك ولا عفتـك
فـــي بـالــك الـشــك والـعــذر يتـهـيـالـك
واثق وإلى خفت مـن غـدر الزمـن خفتـك
اختـار يــا امــا تـشـل الـشـك مــن بـالـك
والا اعـتــبــر لا تـواجـهـنــا ولا شــفــتــك