ياصاحبي جاتك مزون البعد تسبقها رعود
وانا من امس اتوقّع الفرقا واخيل بروقها
الله لنا لا نام ليل الوصل واختار الركود
والله لنا لا شحّت شموس الغلا بشروقها
اسهرت لجل رضاك كل اهدابي الحرّه جنود
واكرمت لجلك ناس حامت كبدي بمنطوقها
سيّلت لعيونك مشاعر بيّحت كل السدود
وانت بأنانية رجل شرقي علي تعوقها
ازرع سنابل شوق واحصد من ورا الغله برود
يسقي عروق النفس لين الظيم بلّ عروقها
ماهمني يا صاحب الرقم القياسي فالصدود
ان كان لك وجهه جديده للغرام تسوقها
ان كان مليت الحكايات القديمه والوعود
ما عاد ابدفن زلتك واطفي لهيب حروقها
لا صارت اشواك الجروح بعالم الذكرى ورود
بكرا تحس بطعم حنظلها و غصب تذوقها
ببقى وفيّه للغلا .. ماهمني نقض العهود
لو تضحك الدنيا على العشاق ملء شدوقها
وان جاتنا سطوة مزون البعد تسبقها رعود
انا , من امس , اتوقع الفرقا واخيل بروقها
follow us
منذ /07-10-2011,
02:56 AM
العرض العادي
