القعيطي ... وراحل

[راحل]

بسم الله الرحمن الرحيم
السلام عليكم ورحمة الله وبركاته


في احد الأيام ... اتمشى بعرقة ..في المزارع ..كنت مابعد توظفت .. المهم وانا اتمشى ... وانلي القى بوك مليان فلوس ..ماينصك من كثر الي فيه ... يسلام وش دا الحظ ياراحل ..وانلي اخذه بسرعة ..وطلع الفلوس تقريبا 7000 ريال ... ومن القافه رحت ادور في البوك .. ولا صورة بطاقة ابوشباب موجوده
بس الصراحه هو معروف اقشر ..ومايطلع منه الريال
....مادريت الى الفطره الي عند اخوكم راحل تطلع ...وتقول..
رجع فلوسه وبيعطيك ..
ولا ابليس يطمر ...وين رايح ذب البوك...وفلها يعني امبسط... والفطره تتكلم وابليس يتكلم ... قلبو راسي
اخر شي قال ..ابليس افا رفيقك وين هل فطره ونت حتى السيكل مامعك . ...
ردة الفطره وقالت حبيب راحل
الماما علمتك تسرق ..لا ..علمتك تاخذ شي مو لك ..لا ..
ياله يبابا رجع افلوسه ...
وانلي اسحب رجلي لين وصلت بيتهم ..طق طق طق ..ويطلع راعي البوك في وجهي مامداني اسلم الا لقط البوك .. وقال وقف لتتحرك ..قلت زين ..والله ويعد دراهمه ..ولقاها مانقصة يحسبني ماخذ منها شي .. والله العظيم ..طرخ صك الباب بوجهي ...حتى شكرا ..مفيش ... ابليس قايلك .

فوائد ...
1- اذا عملت خيرا فلا تنتطر الرد فاجرك على الله ..
2- اذا نفسك يوما زينة لك امرا فانظر هل ترضاه على اهلك ..
3- عود نفسك دائما ان تشكر الناس ..فمن لايشكر الناس لايشكر الله .
4- انتبه تصير قعيطي بيجي واحد زي راحل ويكتب عنك .

[نور عرقه]

فوائد ...
1- اذا عملت خيرا فلا تنتطر الرد فاجرك على الله ..
2- اذا نفسك يوما زينة لك امرا فانظر هل ترضاه على اهلك ..
3- عود نفسك دائما ان تشكر الناس ..فمن لايشكر الناس لايشكر الله .
4- انتبه تصير قعيطي بيجي واحد زي راحل ويكتب عنك .
درك الله ,
الله يجزاك خخخير ,
بالعموم انا صار لي موقف اليوم بذات وحزنت حزن
لكن وقت ماقريت كلامك ابتسمت , وتفائلت
الخير اذا ضاع عند البشر ما ضاع عند الله الحمدلله
الف شكككر , راحل ,
تم ختم الموضوع ~

[راحل]

ليش الحزن .... والله ان لقبكي ياختي .... يدل على انكي متفاله ...

اختي نور ... مات ابوي وانا معه بسياره .. اتهمت بالسرقه وانا والله العظيم لم اكن يوما سارق ..فتجرعت معنى الظلم

تنكر الاخوان .. ولكن اقول لكي ولكل من يقراء .... اصبر فوالله ان فرج الله قريب

معليش حبيت افضفض ... فيني شوي تكه ..شوي

[خاتم ذهب]

اقتباس ردة الفطره وقالت حبيب راحل الماما علمتك تسرق ..لا ..علمتك تاخذ شي مو لك ..لا .. ياله يبابا رجع افلوسه ...

انت كذا ياراحل

الله يكثر من امثالك
وفعل الخير مايضيع عن ربك
سلمت من كل شر ياطويل العمر
لاعدمناك

[صمت عرقه]

قصه جــداً رائــعه وهــادف ^_^

الله لا يحرمنا من طرووحاتك الرائــعه

تقبــل مروووري

ودمت بخيـر وود

[نور عرقه]

اقتباس المشاركة الأصلية كتبت بواسطة راحل ليش الحزن .... والله ان لقبكي ياختي .... يدل على انكي متفاله ... اختي نور ... مات ابوي وانا معه بسياره .. اتهمت بالسرقه وانا والله العظيم لم اكن يوما سارق ..فتجرعت معنى الظلم تنكر الاخوان .. ولكن اقول لكي ولكل من يقراء .... اصبر فوالله ان فرج الله قريب معليش حبيت افضفض ... فيني شوي تكه ..شوي

الله يرفع قدرك , ويجزاك خير ,
رحم الله ولدك وغفر له واسكنه الجنه والفردوس الاعلى منها يارب ,
رحم الله موتنا وموتى المسلمين ,
الله رحيم و كريم ,
الواحد منا يعطي نفسه مجال , يتنفس ,
الله يفرج عليك , ويشرح صدرك بذكره , وينور لك دربك ,
بالتوفييييييييييييق يا قدير

[راحل]

الله يجزاكم خير لاينقطع ..وسعادة في الدنيا والاخره

[أبو عبدالإله]

أنا متفائل أن السبعة آلاف بعد ما رجعتها له طارت من يده وهو يتحسر

لا بارك الله في القعاطى

كنجوس كبير

[عبدالعزيز المرشد]

يا راحل أنت متاكد أنك رجعتها كلها

أقول أنك ذيب وبس.

[ولد الدخيل ابو فهد]

اخوي راحل

اعجبني طريقة سردك للموضوع والطرح العجيب ينهايته

لكن احب اقولك من ترك شي لله عوضه الله بخير منه يعني الرجا من الله وبس

وماعملت يحسب لك لاعليك وبيض يد ربتك ,,,, اشكرك من اعماق قلبي على الطرح