صلاة الجنازة في عرقة

[الحجاج بن عرقة]

يا زين اول

نصلي على الجنازة في الجامع القديم

ونشيلها على اكتوفنا ونمشي وراها في خشوع وذلة

وفي الطريق نعزي بعض وندعو للميت الى ما نصل المقبره

اما الحين مع الاسف

نصلي على الجنازة ونركب السياره وبالنا مشغول بالسياره

لا خشوع ولا ذله ولا دعاء للميت

ثم تروح للمقبرة وما تدري انت امام الجنازة والا خلفها

واذا وصلنا المقبرة زحمة سيارات

بعدين انا ما ادري ليه ما نرجع نصلي على الجنايز في الجامع القديم

لا احد يقول صغير ما يكفي

اجل جامع الامير مشعل بن عبدالعزيز كبير وياخذ الناس

والا حنا ملزمين بجامع الامير شمعل

تدرون ان بعض الجنايز الناس تصلي بره من الزحمة

وزود على كذا مكيفات المسجد خربانه ولا يشتغل الا اثنين وحر من كثر الناس

والسرحة اللي خلف المسجد بها يمكن اكثر من ستة صفوف ويقفلونها

من اجل عشر حريم جايين يصلون على الجنازة

يعني ما يقدرون يسون حاجز داخل السرحة خاص بالحريم ويستفاد من الباقي للرجال

وعندكم بعد مسجد الكريديس

فيه المغسلة الموتى وما ادري ليه ما نصلي به على الجنايز

مسجد كبير ومكيفات ممتازة وزود على ذلك مسجد نضيف وجديد ويواجه

اتمنى على الاقل نرجع نصلي على الجنايز بالجامع القديم حتى لو هو اصغر

لان ما هنا فرق بينه وبين جامع الامير مشعل

هذا راي

ولا احد يزعل وسلامتكم