تابعونا follow us
غير موجود
:v9v9net_ السلام عليكم ورحمه الله وبركاته بصراحة .. هذة القصيدة وقصتها اعجبتني وحبيت انقلها لكم .. بكل مافيها .. من قصه وقصيدة وان شاءالله تعجبكم زي مااعجبتني وأكثر .. وهــــــــذي سالفــــــــة القصيـــــــــده ------------- القصيدة قصتها انه في يوم من الايام كان الشاعر يتمنى الزواج من وحده في ديرته بالشمال .. وماقسم الله بينهم نصيب وتزوجت البنت من واحد ثاني وسافرت ... وكان الشاعر كل اللى يتمناه ، انه يتزوجها بس .. ماحصل نصيب وبعد ثمان سنين . كان الشاعر يعمل مدرس وجاه نقل اجباري لمنطقه بعيدة الظاهر في الجنوب .. ويوم داوم أول يوم في المدرسه وكانت المدرسة ابتدائية وفي يوم شاف بين الأطفال طفل غريب بس .. يحس بشي يجذبه له ، ويوم ابتسم الطفل ناداه المدرس وقال له ، من انت ولده ؟ قال له ، انا ولد فلان قال له ، انت امك فلانه ؟ قال الطفل ايه قام المدرس سكت وكتب القصيدة .. ومن بكره عطاها الطفل وقال له عطها امك !!! وهـــــــذي هـــــي القصيـــــــــدة .. ------------- غابت ثمان سنين حل(ن) وترحـالغابـت ثمـان(ن) كلهـا مدلهمـه قضيتها بالحـب والشـوق رحـالشوق(ن) تحدى كل باسـه وهمـه دورتهـا سنيـن وشهـور وليـالولا فيـه فـج الا توجهـت يـمـه وعقب الثمان اللي تعبها برى الحالجـاب الزمـان الكارثـه والمطمـه جاني ولدها يبتسمـبيـن الاطفـال ومن بسمته عرفت انا بسمـة امـه شفته وصاحت داخلي كـل الامـال بصوت عجزت بكتم الانفاس المـه ركضت له دمعي على الخـد همـال ومن كثر شوقي قمت بالحيل اضمـه وساعة حضنته والطفل في يدي مال شميت ريحتها على اطـراف كمـه واستلهمت نفسي مقاديـم الاهـوال وتم الضيـاع واكـدت لـي متمـه ليت الغياب اللي برى غربتي طـال ولا دور العاشق على حـرق دمـه واليوم بنت الناس في بيـت رجـال وحب(ن) على غير الشرف لي مذمه مجبور اعود واشتكي لكل الاجيـال نفس(ن) عزيـزه كائبـه مستهمـه برجع غريب(ن) سكته بـر ورمـال يمـوت يحيـا يندفـن مايهمـه .. واللى عرفته انها .. لشاعر خلف بن ربااح الطويلعي العنزي اتمنى انها اعجبتكم