مقابله مع طفـــــــــــــــل

[ابتسامة عرقه]

السلام عليكم ورحمة الله وبركاته

أولا / أعتذر عن التأخير بسبب الظروف المدرسيه >> امحق تصرف

وثانياً / قمت بالتجربه على اخوي الصغنون .. عمره 5 سنوات ..
فيه اشياء مدري .. وش جابها للموضوع .. لكن مشّوها ..

وإليكم الحوار .. نصها يسلك لي .. الله المستعان

ــــــــــــــــــــــــــــــــــــــــــــــــــ ــــــ

1/ وش تســوي إذا صرت فاضــي ؟

أكل رز

2/لو فــزت بـ 1000ريال ايش تسوي فيها ؟

يقول بأجيب خبز صامولي
.. بيشتري لكزس .. عقبال ما يركبني فيه ان شاء الله

3/ وين ودكـ, تسافر في الاجـازه؟

يوم وصلت لذا السؤال .. اوجعه راسه .. قال : ادوختيني ..

عقب الحنه والرنه .. يبي الشرقيه .. الله يهديه ما قال اليابان

4/لو صرت مدير مدرسـة شو بتسوي ؟

بيدّرس .. ويحفّظهم قرآن .. ما شاء الله تبارك الله .. ديّن الولد

5/تحبــني يا عزوز ؟ طيب ليــه؟؟

يقول ما أحبكم كلكم .. ليه!!! .. يقول بس
يوم اقنعاه انه يحبنا .. قلت ليش تحبنا قال :عشانكم تصلحون لي اندومي >خخخ

6/ايـش تعنـي لكـ, الحيـآهـ,..؟

قال : حيـــــــــــاة مول

7/ ايــش تتمنـى ..؟

يقول : رجــــــال

8/شو تعرف عن :

الأنسولين :

ما اعرفه

الإنترنت :

يعني كلام متأثر بالمحادثات

مجلس الشورى :
يعني مجلس .. يقصد مجلس الرجال ..
سألته وش يسوون قال : يسولفون ويضحكون

الإتيكيت :

التعليم العالي :

شئ كبير

الماركة :

قال وشو يعني المركى ..

االاستـآيـلآت :

يقول يعني ... شنطة .. وانترنت ..
وش جاب ذي لذي مدري

ويقول لكم :..
حبتييييييييييين

وبسسسسسسس

هذا اللي صااار ..

[عشقي هواها*]

تم التثبيت ياعرقاوية و يابسومتي اختاري عضو بعدك ؟؟
لي عودة

[كاريزما]

اقتباس المشاركة الأصلية كتبت بواسطة إبتسامة عرقه 6/ايـش تعنـي لكـ, الحيـآهـ,..؟ قال : حيـــــــــــاة مول

كلن علـى همهـ سرى .. وانا علـى همي سريت ..

[عرقاويه وكلي فخر]

يعطيك العافيه
بس من جد اخوك فله اهم شي حياة مول

ابتسامه اختاري عضو بعدك
ومشكوره ياعشقي على التثبيت

[ابتسامة عرقه]

بصرااااااااااااااحهـ

في بالي منذ مبطي

أم سعيد

[عرقاويه وكلي فخر]

يا الله يــــا ام سعــــيد
شدي حيلك وجيبي لنا المقابله ننتظرك

[بنوته عرقه]

يعطيك الف عافيه خيتو

بس اهم شي (( حياة مول )) شكــــل اخوك فــــــــــــــــــــــــــله (( الله يخليه لكم ))

[أم سعيد]

شكنن بسومه (=
وهذا أنا جبت لكم الشسمه ..
قراءه ممتعه ..


1/ وش تســوي إذا صرت فاضــي ؟
ما أسوي شي ( ثم استطردت ) إذا كنت فاظيه أناظر !!


2/لو فــزت بـ 1000ريال ايش تسوي فيها ؟
أشتري بها .. (( وش تشترين )) قالت : أشياء
بقاله - سوق - محل - خياط << أهم شي خياط






3/ وين ودكـ, تسافر في الاجـازه؟

ودي أسافر للشقه !! (( أي شقه .؟ )) قالت : مدري
(( أي شقه أقول ؟ )) قالت : شقة السعوديه



4/لو صرت مدير مدرسـة شو بتسوي ؟

أشتغل ؟؟ (( وش تشتغلين ؟)) قالت : كتب وأشياء ؟؟
(( وشلون كتب وأشياء )) قالت : يعني اكتب بعدين اوريها أمي ..


5/تحبــني يا........ ؟ طيب ليــه؟؟

ايه .. (( ليش تحبيني )) قالت : مدري !!
(( وشلون ما تدرين ؟ )) عشان غرفتك حوسه !!



6/ايـش تعنـي لكـ, الحيـآهـ,..؟

الحياة حلوه << شكلها مره فاهمه ..
( جيت بوضح فقلت يعني وشي الحياة )) قالت : مدري !!


7/ ايــش تتمنـىآ ..؟

ماأتمنى شي اووف << عصبت



8/شو تعرف عن :

الأنسولين :
ما أعرف شي !!

الإنترنت :
أعرف الألعاب << والله من جنبها .!!
(( أقول وشو الانترنت )) قالت : مدري !!
(( وش تتوقعينه )) قالت : أتوقعه زي ذاك اللي في غرفة فاطمه << !!

مجلس الشورى :
تقول مدري وشو ؟
يمكنه مدرسه << !!

الإتيكيت :
هو كيك ؟ّ!
(( لا لا الاتيكيت )) قالت : الورده !!


التعليم العالي :
انفجاااااااار << والله انها صادقه ..
(( ليش انفجار )) قالت : لأنه صوته عالي ..


الماركة :
هي المركى اللي نتركى عليها ..


االاستـآيـلآت :
سمايل ..( لا ستايل موب سمايل ستايل ) قالت : امممممم هو المخده << تسلك لي قدامها مخده ..

وفي النهايه قالت اوووووف خلاص ما ابي ..

قلت : وش تقولين للبنات ؟؟
قالت اذا دخلت الفصل اقولهم السلام عليكم يقولون عليكم السلام ..

قلت لها وش تقولين لمنتدى عرقه .. قالت : أقولهم انتم ليش تقلدوني ..!!

وشكراً ..

[ابتسامة عرقه]

اقتباس المشاركة الأصلية كتبت بواسطة أم سعيد 5/تحبــني يا........ ؟ طيب ليــه؟؟ ايه .. (( ليش تحبيني )) قالت : مدري !! (( وشلون ما تدرين ؟ )) عشان غرفتك حوسه !!

هههههههههههههههههههههههههههههههههههههههههه إلى الحيـــــن ..

بس بسم الله عليها .. كل شئ ما تدري عنه

اقتباس المشاركة الأصلية كتبت بواسطة أم سعيد الماركة : هي المركى اللي نتركى عليها ..

امووت وأعرف وش اللي يجيب الماركه للمركى

[ابتسامة عرقه]

طيب يا بعد تسبدي ...

من تختارين اللي بعدك يحلل .. بزارينه ..
كود يطلع لنا بزير مثقف