**مشكلتي صديقتي وأغلى شخص على قلبي**

[محمد الدعيجان]

اختي انا ما اتضح لي انكم في جامعتين مختلفتين

واعتقد بدأت المشكله من هنا

اقتباس بدأنا دراستنا سويا وخلال السنة الأولى (السنة الحالية) قررت صديقتي في منتصف الفصل الدراسي الأول أن تؤجل بحجة الظروف

وبالنسبه يوم اقولك انها يمكن تكون عين

اقتباس تعرفت على صديقتي منذ تقريبا سبع سنوات عندما كنا سويا على مقاعد المدرسة ولله الحمد والمنة تخرجنا سويا ودرسنا سويا في الجامعة وعلاقتنا تزداد يوما بعد يوم ومن شدة قوة علاقتنا كنا مثلا يحتذى به على العلاقة المثالية بين الصديقات

اليس كافي لكي تحسدوا على هذه العلاقه المميزه


وبالنسبه لك انتي اتخذتي كل الحلول ولكن هل اتخذتي بالطريقه الصحيحه
خاصه انك يوم رديتي وقلتي

اقتباس كما أنني لا أستطيع إرسال رسالة واحدة لها فكبريائي يرفض بشدة وقلبي يتقطع ويحاول إجباري على فعل ذلك

انا مدري وش دار بينكم ووش نوع الرسائل الي بينكم فأنا مالي الا الي قريته والي ماقريته هذا بعلم الغيب وانتي كل ما عطيتين معلومات اكثر كل ما وجدتي اجابه ادق

واعتقد ان صديقتك بدون ما اجرحك فيه شي مشغلها عنك
وشوا الله واعلم
اما انها مخطوبه او انها تعرفت على وحده غيرك او الله واعلم وش الي مشغلها عنك او انها اكتشفت انك اشعتي سراً عنها او او او والله مدري وش الي عندها بدام انتي الي مصادقتها 7 سنين والحين ماعترفين السبب
فلو عرفنا السبب لسهلنا حل المشكله
فالسبب مجهووووووووووووووووول
حاولي تتوصلين لسبب مع انك ماقصرتي وحاولتي ولكن يمكن تقدرين
وقولي لها انا ماراح ازعجك ولا اتصل عليك وخلاص بنسى كل الايام الحلوه الي معاك وانسى كل شي بس ودي اعرف وش السبب الي خلاك تتجاهليني وتبتعدين عني وتحاولين تصدين عني هل حصل مني غلط هل انتي مستحيه من شي قوليه انا ماعمري غبيت عنك شي وتراني فاقده اخت عزيزه اعتبرها تؤم روحي حاولي فيها لعل قلبها يرق وتخبرك عن السبب وترتاحين بصراحه مدري وش السباب ؟؟؟!!!!!

وبالنسبه لردودك ردي وانتظري موافقة الاداره ( المشرف العام ) فأن المشرف لديه مشاغله يذهب لعمله ويصلي وينام ...الخ يعني لاتلومينه على التأخير وانا والله مدري كيف اني ما انتبهت لموضوعك واعتذر لك للمره الثانيه